السلام عليكم ورحمة الله وبركاته
كيفكم يا حلوين شو جاهزين للطبق الجديد اللي جايبته معي ؟؟ اتمنى ما يكون مكرر...
من كم يوم كنت بحكي مع صديقتي ومن هون لهون وصلنا كالعاده شو طابخه فقالتلي شو كانت عم تتطبخ ومحسوبتكم على طول تحمست وعلي المطبخ ...
حكيتيلكم قصه حياتي بس كل اكلاتي لازم يبقالها قصه ههههههه عشان اطوشكم معاي :
شوفو يا حلوين عشان تطبقوا هالاكله ان شاء الله تحتاجي :
-كيلو اسكالوب (ستيك رقيق وادا ما كان عندك رقيق دقيه بالمطرقه الخاصه للستيك المهم يكون رقيق وطري)
- 5 كوب ماء
- 3 ملاعق اكل طحين
- ملعقة ونص صوص ( h p ) هذا الصوص خاص للستيك (راح حطلكم صورتو للي ما بعرفوه بس ما تحذفوه لانه فيه سر الخلطه)
- ملعقة اكل ماسترد ( خردل)
- 2 ملعقه اكل كاتشب
- 2 مكعب ماجي
- جبنه مازرولا
- علبه مشروم (فطر)
- 2 بيضه
- بقسماط
- زيت للقلي
نجي للطريقه :
اول شي نغسل اللحمه منيح ونملحها ونبهرها وبعدين نلتها بالبيض بعدين البقسماط ومن ثم نقليهم انتبهو ما بياخدو وقت طويل لانهم رقاق . حتي نخلص كل الكميه ضعيهم على ورق مطبخ حتي يمتص الزيت الزائد.
علشان نعمل الصوص نجيب طنجره ونضع فيها الماء والطحين و ال الصوص h p والماسترد والكاتشب والماجي وشوي فلفل اسود (ما بتحتاجي ملح لانه حطينا ماجي) خليهم على النار مع التحريك المستمر بس يغلو حطو المشروم وطفي النار .
هلا نيجي لترتيب الطبق
نضع طبقه من الاسكالوب المقلي وبعدين رشه جبنه وبعدبن الصوص وكمان مره الاسكالوب والصوص واخيرا الجبنه .
نضعها بالفرن على درجه متوسطه لمده 20 دقيقه ليغلو مع بعض شوي وحمري الوجه شوي ما تتاخرو عليه احسن ما ينشف .
وتقدم مع بطاطا مقليه على كيفك .
يا ويليييييييييييييييييييييييييييييي ما اطيبها عن جد رهيبه لم يبقى قطعه واحده بالجاط
ما راح تصدقو الا بس تجربوا والتجربه خير برهان
وصحه وهنا للجميع
هاي صوره الصوص h p
رد مع الاستدلال
في موضوع نواعم و انشاء الله تعجبك وردي علي 
كتبت بواسطة سوسو فو
الروابط المفضلة