بسم الله الرحمن الرحيم

السلام عليكم ورحمة الله وبركاته
حبيباتي العضوات اريد اسوي مرقة سبانخ ولازم اخلي نومي بصره وما اريد اخلي شي صناعي فعندي بالبيت نومي بصرة واني الي اعرفه انو اكسرها للنوميه واطلع البذور لانو تسوي طعم مر بعدين اطحنها واخليها بالاكل اشو اخر مره سويتها صار الاكل مر sid ليش شنو الغلط وانتو شتسوون وعلى فكره هي مرقه طيبه وتخبل اطيب مرقه بالنسبة الي يممممممم كمت امطك وغداكم عليه اذا علمتنوني ..

السلام عليكم ورحمة الله وبركاته
اهلا وسهلا الوكيا
من لهجتج مبين انتي عراقية واذا طلع تخميني صحيح يعني انتي بنت ديرتي
المهم نخش بالموضوع
شوفي حبيبتي:
النومي بصرة نوعين اللون الغامق هذا للشرب يعني نخلي مقدار كوب ماء وواحدة نومي بصرة وتفور وراها احليها بالسكر وتنشرب ..هذي تفيد للدوخة ولعبان النفس
النوع الثاني هو اللون الفاتح وهذا النوع الغير مر ويستخدم بالطعام انا عن نفسي استعملة في مي اللحم اخليهة بدون ما اكسرها حتى لا يتغير لون مي اللحم وبعد ما يستوي اطلع النومية وارميها بأختصار بس للطعم
وهمين استخدمها في مركة القيمة العراقية اذا تعرفيها اخلي ملعقة شاي صغيرة من النومي بصرة بعد ما اطحنها طبعا
هاي الاستخدامات اللي عندي بس بمركة السبيناغ ااني اول مرة اسمع انه يحطون نومي بصرة بيها وبصراحة ااني اصلا ما اعرف اطبخ السبيناغ لأن ابو الجهال ما يحبها
بس يا حبيبتي انتبهي ترة النومي بصرة كل ما تعتك يعني تصير قديمة تمرر اكثر

مع التحية

نومي بصره
مي اللحم


يابنات تكلمو بلهجه يفهمها الجميع ولكم الاجر

يا زهرة يا قرنابيطة ليش انتي منين حبيبتي
صحيح الاكثرية ما يعرفون النومي بصرة وااني ما اعرف حتى ان له اسم ثاني لو لا
بس هي تكون على شكل طوبة صغيرة لونها بني وشكلها قوية يعني هي يابسة
بس مي اللحم بسيط
انتي تجيبين اللحم وتوضعين عليه الماء وبعد ما يستوي ماء السلق المتبقي هو مي اللحم
اتمنى هاي المرة افتهمتيني ولو شوية

اهلا بالاخوات
من شفت اسم الموضوع كلت هاي اكيد عراقيه و بصراحه فرحت بيكم
اختي شمس شكرا على المعلومات اللي ذكرتيها مجنت اعرف انه الاسود بس للشرب اختج تخيط و تخربط بكيفها
الى الاخت زهره نومي بصره يعني الليمون الاسود المجفف اتمنى تكوني قد عرفتيه ونحن العراقيين نسميه نومي بصره بس ما اعرف ليش???
اختي شمس تره مرقه الاسبيناخ رهيبه و مفيده ايضا يعني صدك تفوتكم

سلام عليكم يا بنات

شلونجن صحتجن احوالجن؟

واللة فرحت من شفت بنات ولايتى

هدا صار مكان تعارف مو مكان طبخ هههههههههههههه

على العموم انا اقول ان نواة النومى بصرة هو سبب المرورة

بصراحة انا دخلت على مود اسلم عليجن

السلام عليكم ورحمة الله وبركاته
هلا بالطيبات الله يخليكم كتبولي طريقة مركة السبيناغ ترى اني اموت عليها عفية
منتظرتجن بفارغ الصبر
سلام يا حبيبات

هههههههه ترة الموضوع تحول من النومي بصرة الى شلة تعارف من العراقيات والعراقيين
بقى بس نريد نعرف انتو مغتربين لو لا؟

اخواتي العراقيات يامرحبا فيكم

ترانا همين نستخدمه في الشرب والأكل

مااااااكو فرق

شلوني بالعراقي معاجن

هلا بيجن اخواتى

با لنسبة الى مرقة السبانخ

اولا تحمرين كم راس بصل فى الزيت حتى يصير لونة دهبى تحطين فوقة السبانخ يكون مغسول ومثروم ناعم تحطى فوق البصل وتنصين النار وتبقين تحمسين وادا حبيتى تحطين معا شبنت وكرفس انا هدا اللى استعملة

بعد ما ينحمس زين وها فى اثناء الحمس تحطين زيت حتى لا يحترق

بعد الحمس تديرين ماء واللحم يكون مستوى غير مكان

ايضا تضيفى على قدر السبانخ

وتضيفين ملح ونومى بصرة مطحونة وفلفل مطحون وشوية كركم

وتنصين النار وادا تحبين تحطين شوية لوبيا بيضاء انا استعملة

وتخلى يتهدر

وبا لهنا واحلى سبزى احنا نقول