الطبخة سورية أردنية لنانية ..
من يعرفها فلا يبخل علينا
للبحث في شبكة لكِ النسائية:
|
الطبخة سورية أردنية لنانية ..
من يعرفها فلا يبخل علينا
اهلين وسهلين ولا يهمك
الاكلة سورية شامية يعني مابيعرفها إلا الشوام يعني اهل دمشق بس ما شاء الله اهل المحافظات بسورية اتقنوها وبيعملوها
احسن من الشوام
وطريقتها كتير سهلة
اول شي حسب الكمية انا حادلك الطريقة من غير مقادير متقنة
يعني كاسة عدس اسود بتعملك جات بيركس او اكثر
بتحضري اول شئ ظرف تمر هندي طبعا بتعرفي بتنقعيه بالماء وبتعصرية وبتاخدي الماء وبتسلقي العدس بماء التمر هندي وبتحطي الملح المطلوب
ولازم يكون حامض وبعد مايستوي العدس بضيفي العجينة بتكوني جايبتيها من الفرن وراققتيها منيح وبتسقطيها فوق العدس
لبينما تستوي العجينة بتحضري كم بصلة وبتقطعيها ريش ريش وبتقليها بزيت الزيتون وبتقطعي خبز مثلثات صغيرة
جدااااااااااااااااااااااااااااا وبتقليها لتحمر بتخلصي من القلي بتكون العجينة اكيد استوت
ولتستوي العجيينة بتضيفي الكزبرة والثوم وبتخلي شوية كزبرة خضراء لتزيني فيها الوجه بيكون وبتركزي حمض املح الاكلة
اللذيذة واهم شئ ماتكون سميكة لانه بس تبرد
بتصير مو لذيذةولا مريقة يعني وسط وكمان حسب الرغبة
اذا لقيتيها سميكة بتضيفي ماء واذا لقيتي حمضها قليل ضيفي عصير ليمون
لتغلي شوي يعني دقيقتين بتطفي النار وبتسكبيها وبتزينيهابشوية كزبرة خضراء والبصل المقلي فوقها والخبز المقلي اخر شي
وكلي معها المخلل الحار وشو بتطلع لذيذة
وان شاء الله تكون عجبتك الطريقة وخاصة ملخصة وبالعامية
وان شاء الله يلي عندها طريقة اسهل تنزلها الاخوات السوريات
وبالهناء والعافية
حبيبتي ارجو ان تعجبك طريقتي وهي حسب الوصفة السورية الاصلية:
حراق اصبعه
كوب عدس أحمر
2 – 3 ملعقة طعام دبس رمان أو تمر هندي (حسب الذوق)
حزمتان كزبرة خضراء مفرومة
قطعة عجين ترق وتقطع شرائح طولية بعرض اصبع واستعيض عنها أحيانا بالمعكرونة الخاصة بالفيتوتشيني أو المعكرونة التي على شكل الكوع U.
5 – 6 سن ثوم
خبز عربي مقطع إلى معينات صغيرة ومقلي
4 – 5 بصلات مقطعة جوانح
زيت زيتون
ملح
يوضع العدس في طنجرة مع ماء كافي وملح ويسلق حتى يقترب من الاستواء فنضيف العجين أو المعكرونة ونسلقهم مع بعض حتى يستوي ثم نضيف دبس الرمان ونذوق لتحديد إذا الكمية تكفي.
يدق الثوم ثم تضاف فوقه الكزبرة الخضراء ويدقوا سوياً ثم نأخذ نصف الخليط ونضيفه إلى خليط العدس والنصف الآخر نذبله في زيت الزيتون.
يقلي البصل في زيت الزيتون مع رشة ملح حتى يتحمر ويقرمش.
يصب خليط العدس في طبق التقديم ويزين وجهه بنصف الكزبرة والثوم المتبقية والبصل المقلي والخبز المقلي.
ورقة ليمونة
منورة الركن
وينك يا بنت الناس... تسلم الأيادي على طريقة الحراق اصبعه
راح جربها لأن طريقتك جديدة علي .
ميت هلا وغلا بوعود والله انت نورت
الله يسعدك والله انا شوي مشغولة بالبيت والبنات وخاصة دراستهم متعبتني شوي
وانا وقت بفتح النت ما بساوي شي غير بحكي مع اهلي بالشام وبياخد كل وقت جلوسي المسنجر صوت والله المستعان هي
ضريبة الغربة
الروابط المفضلة