صينيه دجاج بالبطاطس
--------------------------------------------------------------------------------

عندي طريقه صينيه الدجاج روعه مره حلوه بس جربوها انا سويتها مرهلذيذة

المقادير: صدر دجاج بدون عظم مقطع مربعات صغيره
2بطاطس مقشره ومقطعه قطع صغيره او كبيره حسب رغبتك انتي {ممكن اكثر من 2}
في الخلاط الكاس:بصله+فص اوفصين ثوم+بقدونس+كزبره+نعناع+نص فليفله+شبت+
ملح+فلفل اسود+عصير ليمونه+فنجال قهوه زيت زيتون.

الطريقه: يوضع الدجاج والبطاطس في صينيه بايركس وتوضع مقادير الخلاط بعد خلطها جيدا
على الدجاج والبطاطس ويخلطون مع بعض حتى يكتسبون الطعم
تغطى الصينيه بالقصدير وتدخل الفرن لمده ساعه الى ان ينضج الدجاج.....وبالهناء والعافيه

{هذا المقدار يكفي شخصين}

بنات جربوها مرة حلوة

منقول

بسم الله الرحمن الرحيم

الله يعطيك العافية
و الله جدتك عندها ذوق عالي
تسلمين راح أجربها أكيد

اهلين اختيNASSIMA
بس حبيت اقولك انه جدتي من هاذي الناحيه تطمني ذويقه بس على الكيف.
مرة كنت نايمه واسمعها تناديني وتقولي سحابة بس بس بسم الله التفت يمين شمال مافي احد اي والله ورجعت
التفيت في بطانيت واقراء قران واسمي بالرحمان
وشوي الى هذيك اليد انمدت علي وانا من الخوف عرقت الا هي جدتي وسمت علي وقالت لي وش فيك قلت ابد سلامتك بس بغيتي تموتين
قالت جدتي احسب عندك سالفه وقالت لي ابي عشاء لاني نمت ولا تعشيت قلت لها ابشري وش تبين اسوي لك
حليب وخبز ولابيض او اي شيء خفيف.
تقول اقولك جوعانه تقولين شيء خفيف قلت خلاص امري قالت لي.....
دقي على الوطعم تقصد(المطعم) قلت وشو قالت ابي من عندهم بيتساء تقصد (بيتزاء)ولا ابي فصعون طويل تقصد(بطاطس مقليه)

واذا مقفلين المطعم خلاص ابي من عندهم بس برندا تقصد (ميرندا)
وانا استلمها ضحك على جدتي وزعلت مني وراحت نامت اي والله ما كذبت

لايغرك صدق انها مرة كبيرة لكن خفه دمها وعشرتها والله انها تصغرها

عارفه اني طولتها وهي قصيرة لكن هذي الغاليه بس تكفون يا بنات ادعو الله انه يحفظها لي

والله وصفه جدا لذيذه ان شاء الله اسويها بكره لان بيجو عندنا ضيوف

سحابة غيث والله جلسة اضحك عليك ههههههههههههه

ماشاء الله على جدتك باين عليها دمها خفيف بس ياترى اهي تقول البتزا صح قصدي يعني تعرف تقول اسم البيتزا ولا تتريق على الاسم علشان تضحك

والله يخليها لك يارب ولا يحرمكم من بعض

هههههههههههههههههههههههههههه
روعه والله طبختك ....وجدتك اروع ماشاء الله عليها

بس اهم شئ طمنيني لا يكون ما تعشت يومها عن جد؟

بس طيختك دخلت مخي ...وراح انفذها إن شاء الله في القريب العااااجل ان ماكان بكره

اهلين ريما..
ريما جدتي ماتقول بتزا ليتها تقول هيه تقول بيتساء
تراه احسن من اللي ماينطقونها بالمرة ههههههههه
بس تعجبك تعرف الاكلت احسن مني على العموم يا الغاليه شكراًعلى مرورك

يالله انك تحي a&a
ايه لازم تدخل مخك ولا تراني بدخلها المدرسه غصب قصدي مخك والله انها تستاهل انك تجربينها
وعلى طاري جدتي الله يسلمك والله ....ماتعشت واليوم الثاني الساعه وحدة الظهر بتوقيت الرياض
اكلت تبن علمت جدتي ابوي وابوي جلس يخاصمني وجدتي تقول الا هاوشها خلها تتادب وانا اضحك كذا تقول
كن احد يدغدغني هههههههههههههه
جدتي تحرش ابوي وابوي يهزئني قدامها علشان ما تزعل
لكن اهلي ياربي لك الحمد...ناس متفاهمين محترمين و و ....ما كأني غيرت السالفه.
على العموم حبيبتي الله يعطيك الف عافيه على المرور
وردك الحلو

حبيبتي سحابة غيث

الله يحفظلك جدتك و يحفظك أنتي أيضا

و الله أنا أعجبتني الوصفة لكن مين ما حكيتي على جدتك نسيت الوصفة و حبيت جدتك

يمكن مع هذه الشخصية الحلوة إنتي عندك مواقف أكثر حلاوة

ربي يحفظها لك

اهلين NASSIMA
تبين الصراحه اي والله اذا تبين انا اقولك



هههههههههههههههههههههههههه
عارفه بتقولين ليش اضحك
اقولك اضحك مقدماُعلشان يجيني كم كف مؤاخر
لكن ابشري بالعلم الزين
بس والله الحين عندنا ناس وانا دخلت اشيك على المواضيع بس اذا راحو ابشري
مع السلامه.....

سحابه شوي شوي اطباقك ماني قادره الحق عليها ماشالله عليك..
سلمي على جدتك اللي دخلت قلبي ودمها الخفيف