طبق اليوم بصراحة لذيذ و مجرب
بس بصراحة انا ما جربت اسويه بنفسي
لان اختي هي اللي كانت تسويه
طبعا استعانت بمساعدتي انا و كتبي
بس هي اللي سوته
عشان كذا قلت اعلمكم عليه
بس بطلب منكم طلب
ادعوا لاختي الله يعافيكم محتاجة للدعاء كثير هل يومين
ادعوا لها الله يعوض عليها بخير و باحسن من اللي راح
و يصبرها
قولوا امييييييييييييين
المهم نرجع للطبخة
اخلطي ربع كوب عصير ليمون .ملعقة صغيرة ثوم مدقوق.ملعقة كبيرة خل.ربع كوب زيت
شوية فلفل اسود و ملح
جيبي 12 شريحة دجاج فيليه و دقيها عشان تصير اقل سمكا
حطيها في اناء عميق و صبي عليها الصلصة اللي سويتيها من شوي
بعدين غطي الاناء و دخليها الثلاجة نص ساعة
بعد ما خلصت النص ساعة طلعيها من الثلاجة
و نشفي شرايح الدجاج زين بفوطة نظيفة احنا استخدمنا المناديل القوية
جيبي ست شرائح جبن شيدر و حطي شريحة جبن بين كل شريحتين دجاج
بعدين اخلطي نص كوب طحين مع معلقة صغيرة بيكنج باودر و نص ملعقة صغيرة فلفل اسود
غطي الشرائح بخلطة الطحين بعدين اغمسيها ببيض و بعدين ببقسماط
و لما تخلصين دخليها الثلاجة او الفريزر لمدة نص ساعة
بعدين طلعيها و اقليها في زيت غزير لين تتحمر
و بالعافية
من وصفاتي المفضلة من كتبي المفضلة
الروابط المفضلة