بسم الله الرحم الرحيم
صباح الفل والورد والياسمين على احلى بنانيت وستات في احلى منتدى -- مزاجي رايق من على بكره الصبح --
كيفكم
اكيد حفظتوا كل طرق الاكل والطبخ والنفخ
بس اكيد في طبخات صعبه وبتموتوا منها بس عاد الازواج الا دايما بالهم بالصعب -- ولانه قلب الرجل في معدته فيجب ان نرضيه --
طيب
يلا كل وحده منكم تحكي عن اكله ما بتحبها بالمره بس زوجها بيموت فيها

او اكله صعبه في عملها وايضا زوجها دايما يطلبها

يلا الكل يشارك

مرحب هنول،،
مشكلتي مع زوجي أنه ما بيحب الا أكله واحدة و بيموت فيها و لو طبختها كل يوم ما بيمل منها و جربت اني اطبخا كل يوم لمدة أسبوع و الله ما زهق منها و لا قرفها ... و طبعًا الوالدة هي اللي عودته عليها كل يوم بتعمله اياها..
عارفة يا هنلي شو بيحب
طبق رز أبيض مسلوق + دجاج مسلوق(صدر جاجة) + شوربة جاج صحن صغير
كل يوم على هالمنوال رز ابيض و جاجة مسلوقة و مشويه في الفرن و الشوربة و الله ما بيملها لما كرهت الاكلة
و بحاول أنوع يعني مرة مقلوبة على جاج مر قدرة على جاج المهم رز و جاج
شو رأيك؟؟؟؟؟؟

عيني عليك يا هنلي شو هالأفكار النيرة...
شوفي يا ستي هو في اكلة انا بحبها بس متعبة اللي هي مقلوبة الخضار ولو باعملها كل اسبوع سي السيد ما بيمل منها بس انا بمل من كثر الجلي والقلي...

أما الأكلة اللي زوجي بحبها وبأكرهها وعملتها مرة واحدة بحياتي وحرمت هي اكلة غزاوية اسمها حماصيص مرة وتوبة .

بعدين شايفة ما حدا رد عليك غير بنات غزة هههههه

ليش وعود و الله الحماصيص روعة الوالدة بتعمله بيشهي بس الله يستركم من الحموضة بعده

إيش الروعة فيه يا دعاء...
يمكن اللي اعطوني الطريقة اعطوني إياها غلط
وقعت حالك في مطب.. اليوم بتعملي زيارة للوالدة وبتجيبي الطريقة وبتنزليها ..
اتفقنا.

done و لا يهمك

أيش هل الأفكار الرائعه هنلي من وين تجبيها ما شاء الله عليج
شوفي يا ست الستات أنا أبو البنين يحب المرق الدجاج أو اللحم أو السمك أو بني أدمين (ههه ههه) لو ياكل المرق كل يوم والله ما بيمل هي سهله بس أنا مليت عندك حل

بتصدقي يا هنلي أني بحب أعمل الأكل الغير معتادة عليه مهما أخذ من وقت ومهما كان صعب؟ زوجي فقط هو اللي بيمنعني، ما بيحب أعمل أكل صعب حتى لو بيحبه!!!

محشي الكوسا مدمرني لويطلع ليّن لو حب دلوني على طريقة اضبطه فيها

وعووووووووووووووووود الله يسامحك الحميصيص مش زاكيه

بالعكس بتجنننننننن وطعمها روعه وخفيفه بمزازتها

بس المشكله انه النبته الخضرا يل بتنحط فيها مش دايما بنلاقيها واعتقد اسمها حمصيص اذا مش غلطانه

وعود مبارح اختى سوت رومانيه

بس شو رومانيه اشتهيتك ياها من روعتها
صحيح انتي مابتحيبها بس كانت رهيبه تفضلي عنا اليوم ملفوف ولازانيا

االاكله يل مابحبها يا هنلي ولا بطيق اشوفها استغفر الله الخضار المشكله والبازلاء
بيني وبينها عداوه اما الشي اللي لو كل يوم اكله مابمل منه

الرز ....... بيني وبينه احترام عميق
سلام