اللومي الاسود

**(راما)** · 21-11-2004, 02:18 PM

أخواتي أنا بعرف طريقة تنشيف اللومي العادي بالشمس و بيكون تمام التمام.. بس لما بشترى كبسة جاهزة بيكون فيها حبة لومي و لونها أسود نفسي أعرف شو بتفرق عن اللومي العادي و كيف بتنعمل و بيصير لونها أسود هيك ممكن تفيدوني يا أهل الخليج؟؟

**هنلي** · 21-11-2004, 02:25 PM

كل عام وانتي بخير يا دعاء
بالنسبه للومي انا بشتريه من السوق جاهز بس يمكن الفرق انه الليمون في الخليج بيستخدموا ليمون من نوع معين
اما انت تستخدمي نوع اخر والله اعلم
انا بسمع انه ليمون البنزهير هو المستخدم للومي
عاد الاخوات الخليجيات رح يفيدوكي اكثر
حبيت اسلم واعيد عليكي

**احاسيس مرهفة** · 21-11-2004, 03:16 PM

دعاء بصراحة بصراحة

معنديش فكرة

اللي اعرفه ان الليمون اللي مو ناشف عندنا لونه اخضر وفي حجم اللومي الأسود لكن اشلون يصير اسود ماعندي فكرة .

المهم ان مرة كانت عندنا شغالة نشفت اللومي الأخضر في الشمس بس ضل اخضر باهت مايل للبني مو اسود

اللي عندة فكرة يعلمنا

**وعود الخير** · 22-11-2004, 11:09 AM

دعاء.. كل عام وانت بخير .. شو طولت الاجازة شوية معك ..
اختي اللومي الأسود يتم تنشفيه بأفران خاصة ..
قرأت مرة استطلاع عن سلطنة عمان ف يمجلة العربي وكان هناك فقرة عن تجفيف الليمون اللومي(البنزهير) يتم عالى ما اذكر تعريضة لماء ساخن ثم يوضع في الأفران لفترة معينة وبعدها يتم تعريضه للشمس الحارقة.. يعني العملية شوية معقدة علشان هيك انا باريح نفسي وباشتريه جاهز صحيح غالي شوية.. بس بتحسي فرق في الطعم، والا انا غلطانة.

**(راما)** · 22-11-2004, 11:38 AM

وعود ىحبيبتي الاجازة ممتعة و تبعتها بيومين سنوي فكانت رائعة ،،
لما بنجيب كبسة من مطعم بيروت( أكيد بتعرفية) بشوف اللومي لونها اسود يعني مش معقول بيعمل عملية معقدة و من وين بتجيبه يا وعود بغزة و قديش السعر؟؟

**وعود الخير** · 22-11-2004, 01:16 PM

من سوق الموظفين في عمر المختار عند جبر...
وثلاث حبات بشيكل... وسلامتك... أي عطار في سوق الموظفين اللي عند الساحة (ميدان فلسطين) شارع عمر المختار.

**(راما)** · 22-11-2004, 02:24 PM

يعني اروح هناك اسال على جبر و لا كيف؟؟

**وعود الخير** · 22-11-2004, 02:36 PM

مش شرط بتعرفي بس انت بس تكوني في سوق الموظفين بتلاقي محلات عطارة كثيرة,.
لو سألت عن محل الحلو أو بهارات جبر.. كله واحد .. أو أي محل .. سامعة صوت الرعد تبارك الرحمن المطر بيجنن بس مش عارفة كيف بدي اروح في هالمطر لأني باروح مشي بيتي قريب من شغلي.

**هنلي** · 23-11-2004, 09:09 PM

سباحه ياوعود روحي سباحه على الشغل او جيبي قارب نفخ ههه هيك دايما كنت احكي لاخي لما يروح على المدرسه
احنا عنا اللومي 5 بشيكل او 7 يعني حسب مزاج اللي بيبيع

**وعود الخير** · 24-11-2004, 10:17 AM

هنول.. خلاص بس اوصلك سباحة بتكوني حضرت كمية محترمة من اللومي .. علشان اختك في كل طبخات الرز بتستخدم اللومي
وبعدين نحنا هلأ في البرد يعني ما في اطيب من كاسة الشاي باللومي.. ممم بس اخلص الصيام هجوم على اللومي.

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اللومي الاسود

أدوات الموضوع

العرض