المكونات
نصف كيلو لحمة هبرة
تلات ارباع الكيلو رز مصري
نصف كيلو لحمة مفرومة ناعمة
2 بصل حجم وسط

الطريقة
ينقع الرز المصري في الماء ثم يغسل ويطحن في ماكينة اللحمة انا طحنته بالفود بروسيسر
تطحن اللحمة بالماكينة ثم يطحن الرز واللحمة
تعجن العجين باضافة القليل من الماء يعني ما تكون ناشفة ولا رخوة
بهريها في بهار مشكل وفلفل اسود وملح

الان الحشوة
طريقتي بالحشوة بحط اللحمة تتبل لوحدها على النار بحط عليها مي وبقلي البصل لوحده بعدين بحطهم مع بعض
بهريها نصف ملعقة فلفل اسود
ربع ملعقة قرفة
ربع ملعقة كمون
نصف ملعقة بهار سادة
هيل مطحون اقل من نصف ملعقة
ملح
نصف ملعقة بهار مشكل

احضري العجينة وخذي حجم كرة افرديها في ايدك وضعي الحشو وسكريها خلي جنبك صحن ماء او زيت علشان اتملسيها
اعملي باقي العجين بنفس الطريقة
حطي طنجرة ماء على الغاز وملح وملعقة معجون بندورة او تنتين بعد ما تغلا ضعي الكبة نصف ساعة او لما اتشوفيها استوت
حطيها في صنية ودخليها على الفرن من فوق اشوي تتنشف

وصحة وهنا
ترى هية مو صعبة لكن انا شرحتها بالتفصيل وهي طيبة كتير وممتازة في العزايم
ان شاء الله اذا كان معي وقت بكرة بصورها

على فكرة طيبة كثييير .... جربوها.
سلمت يداك يا ام زيد.

ما عمري جربتها

ان شاء الله .. اجربها

تسلمي يالغالية

اهلا وسهلا وعود نور الموضوع و الله يسلمك ويعافيك
هادي شهادة من وعود انها طيبة لا تترددوا جربوها

اهلا احاسيس طيبة كتير هادي مشهورة بالاردن وفلسطين كتير وصحة وهنا مسبقا

اهلا بك اختي لقد قرأت عن كبة رز يكون الرز مسلوق شو رايك الرز معك بيستوي وبيطرى؟ عجبتني وان شاء الله اجربها تسلم ايديكي

اهلا الفناة
اه حبيبتي بيستوي كتير ومبارح اعملتها وكانت طيبة ولو بتحط مع الحشو صنوبر بتسير تحفة