][×][ملوخية مع الدجاج مع ارز بالشعيرية*اكيد مع الصورة ][×][

تقليص
X
 
  • الوقت
  • عرض
إلغاء تحديد الكل
مشاركات جديدة
  • سنووايت
    كبار الشخصيات "صاحبة الذوق الرفيع"
    • Apr 2003
    • 6840

    ][×][ملوخية مع الدجاج مع ارز بالشعيرية*اكيد مع الصورة ][×][

    السلام عليكم ورحمةالله وبركاته
    بسم الله الرحمن الرحيم
    نبدأ


    كيفكم يا بنات وكيف الطبخ معاكم
    اليوم احترت شو بدي اعمل غداء لحتى طلعت براسي ملوخية
    فقات راح سويها وصورها ونزلها منشان تشوفوها وتعطوني رايكم
    وانشاء الله تعجبكم طريقتي

    ×ملوخية بالدجاج×



    المقادير:
    فروج مسلوق ( ان اسلق الفروج احطو في الطنجرة واضع معه بصلة مقطعة وقرنفل وورق خار منشان تروخ سنخت الدجاج)
    ملوخية (على قد طبختك انتي)
    3 بصلات
    سنتين من الثوم
    كزبرة خضرا
    وكزبرة يابسة
    ليمون
    سمنة
    كوب ارز
    شعيرية
    3 اكواب من مرقة الدجاج
    الطريقة:
    اولا تضعي الفروج للسلق مدة ساعة تقريبا
    2-وتبدأي بتحضير الملوخية تضعي في طنجرة ماء على النار وعندما تغلي تضعي كمية الملوخية المراد طبخها وتفطئ النار وتنقعيها في الماء مدة ثلث ساعة بعد ذلك تصفيها في مصفاة وتقطيعي ليمونة وتفركيهم جيدا بها حتى تنظف جيدا وتتركيها لتصفى
    3-تاتي بالبصل وتقطيعيه على شكل مربعات وايضا الثوم وتلقيه مع السمنة حتى تشقر شوي
    وبعد ذلك تاتين بالكزبرة الخضراء وتضعيها فوق البصل وتقليزينه مدة دقية بعد ذلك تضعي ملعقة صغيرة من الكزبرة اليابسة تحركيها جيدا من الخليط السابق وتضعي فوقها الملوخية بعد التصفية وتقليزها مدة من خمس دقائق ثم تاتين بادجاج المنتف وتضيعه فوقها (او ممكن ما تفتيه يكون كامل)
    ثم تاتي بمرقة الدجاج وتغمري الملوخية بها وتتركيها تغلي على نار خفيفة حتى تنضج وبعدها تكوني قد عصرتي الليمون وتضعيها فوق الملوخية وتغليه دقيقن او ثلاث
    4 الارز بالشعيرية:
    تاتين بالشعرين وتضعيها في طنجرة مع السمنة حتى تتحمر جيدا تاتين بكوب الارز وتضعيه فوقها حتى تتشرب كل السمنة
    وبعد ذلك تضعي مرقة الدجاج فوقها وتتركيها حتى تنضج على نار خفيفة
    اتمنىان تكوني الطريقة عجبتكم وسهلة
    وصحتين على قلبكم يارب
    اي سؤال انا بالخدمة

    :×:تحياتي سنووايت:×:
    التعديل الأخير تم بواسطة سنووايت; 08-10-2004, 07:45 AM.
    رجعتلكم من بعد غياب
  • سنووايت
    كبار الشخصيات "صاحبة الذوق الرفيع"
    • Apr 2003
    • 6840

    #2
    وهذه صور اضافية عن قرب



    رجعتلكم من بعد غياب

    تعليق

    • احاسيس مرهفة
      كبار الشخصيات
      • Jun 2004
      • 4450

      #3
      ماشاء الله عليك ياسوسو

      روعــــــــــــــــــــــة

      اتصدقي والا ما تصدقي ياسن سن اني عمري ماعملتها

      ومرة مش من زمان يعني من شهر تقريباً

      جاب ابو العيال شوية ملوخية يعني غصنين كدا

      ما عرفت ايش وشلون اعملها واخترب وانرمى

      شفتي الحريم المكملات
      التعديل الأخير تم بواسطة احاسيس مرهفة; 10-10-2004, 10:24 PM.




      الشكر الجزيل للعزيزة صدى على التوقيع

      اطباقي المصورة ( اضغطي هنا )





      استميحكم عذراً لتأخري في الرد عليكم لإنشغالي هذه الأيام

      تعليق

      • سنووايت
        كبار الشخصيات "صاحبة الذوق الرفيع"
        • Apr 2003
        • 6840

        #4
        هههههههههه
        يلا هلق اتعلمت كيف يعملوها
        ما راح تتخرب وترميها جربيه صراحة كتير كتير طيبة
        اسعدني طلتك
        رجعتلكم من بعد غياب

        تعليق

        • ام مودي
          كبار الشخصيات
          • Oct 2001
          • 4877

          #5
          ياا عيييييني عالملوخية الورق ياااااااا عييييني..راح يغمى علي حرام عليكيي..شو هذا شهيتيني فيها من وين جيب ملوخية ورق انا هلا...اهئ اهئ اهئ..
          شكرا لك و لا تعيديها مرة تانية تحطي طبخات مش متوفرة تعذبي بطوننا
          لا جد شهيتينا هيك مع شوية ليمون و حر اخضر و انا بحب الورق بالخبز..الله الله الله..ابعتيلي صحن..لو بايتة اطيب و اطيب..اااااااااااااااااااهههههههههههههه
          يسلمووووووووووووووووووووووو

          تعليق

          • سنووايت
            كبار الشخصيات "صاحبة الذوق الرفيع"
            • Apr 2003
            • 6840

            #6
            ههههههههههههههههههههههههههههههههههههههههههههه
            الله يخليكي ارب
            ضحكتيني موتني من الضحك
            بس ليش مو متوفرة عندكم الملوخية
            ما في محلات بتبيع اكل عربي
            اكيد راح تكون فيه
            اسعدني ردك جداااااااااااااااااا
            رجعتلكم من بعد غياب

            تعليق

            • ام مودي
              كبار الشخصيات
              • Oct 2001
              • 4877

              #7
              المشاركة الأصلية بواسطة سنووايت
              ههههههههههههههههههههههههههههههههههههههههههههه
              الله يخليكي ارب
              ضحكتيني موتني من الضحك
              بس ليش مو متوفرة عندكم الملوخية
              ما في محلات بتبيع اكل عربي
              اكيد راح تكون فيه
              اسعدني ردك جداااااااااااااااااا
              ااااه في يا سن سن بس مش هلا..والله هلا مو شايفة قدامي غير صحنك هيدا الملوخية الورق يا حراااااااااام ..
              بتيجي عنا الملوخية بشهر اغسطس(8) لا و بتطلبيها طلب و بتيجيكي بعد كم يوم??فستان مش اكل..
              يا حراااام انا..بدي بدي بديييييي ملووووخية ورق..

              تعليق

              • lanloon
                كبار الشخصيات
                • Sep 2003
                • 5572

                #8
                يا عيني يا عيني

                يسلموا لي هالايدين يا حق

                ام مودي اسكتي لو تشوفي شو صار عنا بايطاليا

                صاروا يبيعوا ملوخيه ورق

                كيف؟؟ كل البنات ب قلت لهما انصعقوا

                هاد مره من المرات جوزي بحكي لي تيجي نروح على سوق الخضار تبع الجمله قلت له يللا <<<هذه أول مره نروح عليه: D و احنا ماشيين فيه ويللا بياع ايطالي واقف و بتفرج علينا و بحكي بدك ملوكيه <<مو ملوخيه

                انا عيوني طلعت لبره من الصدمه فرحت مسكتها و نبشت فيها ويلا هي ملوخيه قلت له من وين هذه قال لي واحد مغربي بزرعها و بعطي ياها علشان يبيعها و طبعا انا ما قصرت اشتريت و خزنت للسنه كلها و رحت احكي لصاحباتي و الاسبوع اللي بعده رحت جبت لهم


                يا الله صايره ما اكثر حكي صح؟؟ بس هالموضوع حكيته مليون مره و اتصلت بامي مخصوص علشام احكي لها عنه و انبسطت كتيير



                خلاصه الحكي اذا بدك ملوخيه بعطيك من عندي

                تعليق

                • ام مودي
                  كبار الشخصيات
                  • Oct 2001
                  • 4877

                  #9
                  لنلوووون...هذه لازم تسجليها بالتاريخ..هههههههههههه
                  نزل ملوووكية بايطالبا..
                  نيااالكم !!اما احنا عنا بتيجي بس شهر و مع السلامة..

                  انت بتحكي فيها..مفكرتيني حجامل و احكيلك شكرا...ااههههه ابعتييييلييي بديييييي ملوخية ورق..بتعرفي المفروض احكي لاهلي يبعتولي ..بس انت اقرب
                  تسلميييلييي يا لنلوون...نفسي اجي على ايطاليا اكل ملوخية و ارجع..شااايفة اديش انا مشششششتتهيتها..احلى شي اختي بالكويت جايبة من لبنان ملوخية ورق ناشفة و انا بمووت فيها خاصة تبعت لبنان..و كل ما اسمع انها طبخت منها بنقهررررررر..قلتلها بالاخر ياا ويلك اذا بتخلصيها ..خليلي طبخة بس اجي عالكويت بتعمليها..اي والله ما صدقت خبر خلتلي ياها على امل اني اجي في يوم من الايام و تعملي يااها..
                  اههههههههههههههههههه قلبنا المواجع و صرت حااااكية قصت حيااتي.. بس بتحداكي مين بيحكي اكتر من التانيييييييييييي انا والا انتي..

                  ضريبة الغربة..من قلة الناس اللي بنحكي معهم بيصيبنا ثرثرة عالنت
                  والله مو عارفة شو كتبت.خخخخخخخخخخخخخخخخخخخخ

                  تعليق

                  • lanloon
                    كبار الشخصيات
                    • Sep 2003
                    • 5572

                    #10
                    ههههههههههههههههههههههه ام امودي بدك اقهرك؟؟


                    صرت مخزنه 18 طبخ ملوخيه
                    والله لما اتصلت بامي قلتها الله ما بقطع حد لانه قبل ما الاقي الملوكيه ااخت صاحبيتي اجت من الاردن لعنا زياره و امي بعتتلك لي معاها كم طبخه بس البنت ما جابتهم حكت لي انهم رجعوا لها شنطنه فب المطار و الملوخيه كانت فيها و امي بس عرفت زعلت كتير و بدك الصراحه انا زعلت اكثر بس قلت يللا ما في نصيب

                    بس سبحان الله اللي ما بقطع حد ما في بعدها بكم اسبوع بلاقي الملوكيه

                    لا و مو بس هيك في صاحبيتي و جارتي سوريه ( هاي الها جارتي من 5 سنين و ما غرفنا بعض اللا من كم شهر و أول ما اتعرفت عليها كانت بتحكي كتير و انا نفسي احكي فقلت لها معلش دور دور انا كمان نفسي احكي قامت خلتني احكي<<<شايفه شو اننا جوعانين حكي ) المهم اجا حماها زياره و جاب لها باميه ناشفه قامت الله يرضى عليها اعطتني منها << شايفه الغربه صرت شحاده بس عادي كلنا بنشحد من بعض هون


                    شايفه مين بحكي اكثر؟؟

                    هلأ سنوليت بتطردنا من الموضوع

                    تعليق

                    • سنووايت
                      كبار الشخصيات "صاحبة الذوق الرفيع"
                      • Apr 2003
                      • 6840

                      #11
                      فتحتوا موضوعي للثرثرة يا عيني يا عيني
                      شو بعمل فيكم

                      عم امزح خذي راحتك عزيزتي ام مودي وعزيزتي لنلون
                      الموضوع موضوعك وخاصة انك مشتيهة الملوخية
                      انا شايفة اليوم راح ضلك فاتحة الصفحة عندك


                      ههههههههههههههههههههههههههه


                      لنولنو بدي ملوكية ايطالية
                      والله ما تضحكت قد اليوم هههههههههههههههه
                      اتفضلو على الملوخية عندي وبنشرب فنجان قهوة
                      وبنثرثر هون احسن
                      اسعدتني ثرثركتم الحلوة والمهضومة
                      وخاصة قهر لنلون لام مودي

                      يخليكم يارب ولا يحرمنا منكم ومن طلاتكم
                      تقبولوا تحياتي
                      رجعتلكم من بعد غياب

                      تعليق

                      • lanloon
                        كبار الشخصيات
                        • Sep 2003
                        • 5572

                        #12
                        تعرفي سنوايت اليوم رحنا على السوق اللي جبت منه الملوكيه و كنت بدنا اصورها لام مودي بس للاسف اكتشفت اني ناسيه الموبايل بالبيت

                        يللا خيرها بغيرها

                        يللا انا جاي على بالي فنجان قهوه رايحه اجيب ام مودي من البيت و انت ركبي الغلايه على النار على بين ما نوصل

                        تعليق

                        • ام مودي
                          كبار الشخصيات
                          • Oct 2001
                          • 4877

                          #13
                          مرحباااااا ...
                          رجعت للثرثرة...شو يا لنلووون 18 طبخة..خلصتي ملوكية ايطاليا كلها بتهيالي ايطاليا كلها ما فيها الا 20 طبكة ملوكية
                          انت عارفة كل ما شوف هالصحن بحس عيوني بنطوا برة زي الكرتون كيف لما تنط العيون برة هيك و ترجع...هههه بالزبط هذا احسااااسي لما شوف الملوخية الورق..قولي هون موجودة مفرزة و ناعمة و بنمشي الحال فيها..بس جد الورق غير غير غيييييير.

                          ضحكتيني على قصة جارتك..لازم تنظمو الكلام..يوم الك و يوم الها عدل هيك..طب منيح عالاقل لقيتيلك حدا تتحدتي معو..والله صار عنا نقص..بتعرفي مرت علي فترة حسيت حالي نسيت الكلام و لو حدا سلم عليييييييي يمكن انسى الرد(تشبيه مبالغ فيه)

                          الله كريم يا اختي..

                          يالله قلبناها موضوع تاني
                          و ليش نزلتي بالله مرة تانية عالسوق لا تقوليلي بدك تخزني كمان ملوكية...بس صراحة معك حق زي اللي كان ضايع بالصحرا و ما معو ماي و فجاة عطو ماي يا سلااااااااام..

                          فيكلام كتييييييييير والله مش عارفة رتب الكلام من كترتوو..هههههههههههه


                          سن سن ..تسلمي يا حبيبتي والله كلك ذوق من تحت لفوق و هذا مش غريييب على اهل الشاام...

                          تسلميييلنا والله..و انبسطت انك ضحكتي(شو ارجوزات شايفتينا)هههههههههههه

                          تسلمووووا و بجمع باقي الكلام وبرجع كمل ثرثرة(ليش في كلام لسه ما قلتيه)

                          تعليق

                          • ام مودي
                            كبار الشخصيات
                            • Oct 2001
                            • 4877

                            #14
                            المشاركة الأصلية بواسطة lanloon
                            تعرفي سنوايت اليوم رحنا على السوق اللي جبت منه الملوكيه و كنت بدنا اصورها لام مودي بس للاسف اكتشفت اني ناسيه الموبايل بالبيت

                            يللا خيرها بغيرها

                            يللا انا جاي على بالي فنجان قهوه رايحه اجيب ام مودي من البيت و انت ركبي الغلايه على النار على بين ما نوصل
                            يالله يا لنلون ليش طولتي القهوة اللي عملتها سنو وايت تلجت و انا زهقت و انا بستنى..حناام و انا عمبستنى<<<<<--------- يا مساااااااااااااااكين..مرضى نفسيا

                            تعليق

                            • سنووايت
                              كبار الشخصيات "صاحبة الذوق الرفيع"
                              • Apr 2003
                              • 6840

                              #15
                              هههههههههههههههههههههههه
                              يا لنولون بكفي قهر
                              خلاص منشاني هل المرة
                              حرام اختنا ام مودي مدري شو راح يصير فيها
                              ام مودي اسى احكي انا بحب هيك ثرثرة اوي
                              وبحب اضحك موت (يا ارجوزا)ههههههههههههههههههههههه عجبتني هل الكلمة

                              تسلمي يام مودي انت كلك ذوق واهل سوريا كلون بحيوكي
                              انت من وين اخني ؟

                              يا عمي وينكم القهوة صارت باردة مو طيبة
                              وقلت راح اعملكم كيكة بالبرتقال هلق نزلتها منشان تشوفها وتسرعوا تجوا

                              سلامي الكم منتظرتكم ها ما طولوا
                              رجعتلكم من بعد غياب

                              تعليق

                              يعمل...