السلام عليكم ورحمة الله وبركاته
ولو انكم ما شجعتوني في موضوعي الاول لكن قلت احاول مره ثانيه وانا كريمه وانتوا بتستاهلوا .
طبختنا اليوم مقاديرها :
راس زهره كبير
راسين بصل حجم كبير
ثوم حسب الرغبه
ثلاث ارباع فنجان شاي طحينيه ( فنجان مو بياله )
ملح وبهارات
ليمونه وماء اللي يغمر الصينيه
الطريقه :
نقلي الزهره حتى يصبح لونها اشقر وما نحمرها كتير ( وممكن نسلقها ثلاث ارباع السلق للي بيحبوا التخفيف من الزيوت ) وبالطريقتين النكهه رائعه .
نضع الزهره بعد تنشيفها من الزيت بالصينيه . نحمر البصل حتى يشقر وانتبهي لا ينحرق واضيفي الثوم وبعدين انثريه على وجه الصينيه ورشي عليهم البهارات والملح .
اخلطي الليمونه مع الطحينيه والماء واضيفيهم للمقادير وحطيها بالفرن من تحت لمده نص ساعه حتى تقرب تنشف ميتها وبعدين ولعي عليها الفرن من فوق وحمريها
تقدم مع صحن مخلل مشكل وراس بصل اخضر وتؤكل بالخبز وصحتين .
اتمنى يكون حظي معاكم هالمره احسن من المره الماضيه .
الروابط المفضلة