السلام عليكم غالياتى

وحشتونى كتيير اغيب عليكم ولكن لا يمنعنى عنكم التواصل

اليوم طبقى وهو من زمن اختراع والدتى
مكرونه اسباجيتى بالبشاميل

يمكن لخفة الإسباجيتى مع تخلل البشاميل فيها يعطيها جمال وخفه فى الطعم

لذلك اتمنى تجربوها بجد لذيذه جدا غير انها مش بتاخد وقت فى الفرن لأنها مش بتحتاج سوا

المقادير
كيس مكرونه 350 جرام اسباجيتى
لحم مفروم معصج
رشة بقسماط ناعم
للبشاميل : 2 ملعقه ك دقيق و 2 ملعقه ك زبدة
نصف كيلو لبن حليب مكعب ونصف مرق دجاج
ملح وفلفل اسود
بيضة

الطريقة
اسلقى المكرونه وصفيها واتركيها جانبا ترتاح

عصجى اللحم المفروم بالبصل واتركية ليبرد

اغلى اللبن وضيفى له المرق ودوبيه فيه

نبدا بقى فى تحضير البشاميل الخفيف الكريمى
حطى الزبده مع الدقيق ثوانى حتى يدوبوا فى بعض و وابعديهم عن النار وابدئى ضيفى اللبن مع التقليب

و بعد كده رجعيهم دقايق على النار ختى يبدأ يتقل خفيف مش اوى عشان لما بيتقل بيبقى مش حلو خلى قوامه معتدل
وبعدين ابعدية عن النار و اتركية 3 دقايق كده وضيفى علية البيضة مع التقليب السريع

فى الصينية ادهنيها بزبده وحطى معلقتين بشاميل وافرديهم

واقسمى المكرونه و حطى نصفها فى الصينية و ملعقه بشاميل

وبعد كده رصى المفروم وبرضوامعلقتين بشاميل

والنصف التانى من المكرونه

وغطى الوجه بباقى البشاميل كله

ورشى على الوجة البقسماط الناعم مش كتير

وسخنى الفرن على 200
وضعي الصينية فى المنتصف 20 دقيقه او 25 دقيقه
وبعدين حطيها تحت الشوايه حتى يحمر الوجه
واخرجيها

وبألف هنا وشفا

نتيجة رااااائعه فى الوقت و الجهد و الشطعم أكييييييد
دمتم فى حفظ الرحمن

يسلمو ايديك وصحتين وعافية يارب

ما شاء الله عليك

ربنا يبارك فيك على الطبق الرائع و لا يحرمنا من وصفاتك الحلوة

شهيتيني انشاء الله نويا اليوم البشامل

شكلها رووعة
تسلموا الايادي

وحشانى موت يا قمر
ومكرونه امممممممممم تجنن الف صحه وهنا عليكم يارب

ما شاء الله حبيبة قلبي
روووووووووووووعة
بتشهي منظرها وفعلا السباغيتي دايما غير شكل بتكون
الله يعطي العافية وتسلم الايادي يا أمورة انت

ماشاء الله شي بيشهي
يسلموا هالايدين

كتبت بواسطة ناني2007

يسلمو ايديك وصحتين وعافية يارب

تسلميلى حبيبتى
جزاكى ربى خيرا لمرورك الجميل