انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 21

الموضوع: ♥ღ♥ ملف تجميعى لمشاركاتى خلال حمله صيفنا إبداع 1431 ^^بركن الاطباق الرئيسية^^ ♥ღ♥

  1. #1
    تاريخ التسجيل
    Apr 2010
    الموقع
    ........................
    الردود
    7,589
    الجنس
    امرأة
    التكريم
    • (القاب)
      • متألقة صيف1432هـ
      • مبدعة صيف 1431
      • حسابية متألقة
    (أوسمة)

    summer2009 ♥ღ♥ ملف تجميعى لمشاركاتى خلال حمله صيفنا إبداع 1431 ^^بركن الاطباق الرئيسية^^ ♥ღ♥


    سبحان الله و بحمده عدد خلقه و رضا نفسه وزنة عرشه ومداد كلماته



    وحشتونى أوى يا قمراااااااااااات
    حبيت أجمع لكم حبيباتى كل مشاركاتى لأخواتى بركن الأطباق الرئيسية
    ويارب أكون قدمت شئ مفيد


    مشاركة رقم(1)






    سبحان الله و بحمده عدد خلقه و رضا نفسه و زنة عرشه و مداد كلماته






    فى الأول أنا بعمل السبانخ بالحمص يعنى بسلق حمص الطبيخ اللى هو بيكون لونه أصفر بسلقه نص سلقه مع شويه ملح و فلفل أسمر


    بعدين بشوح بصله مبشوره مع زيت قليل


    اول ما البصله يبقى لونها ذهبى

    أضيف صلصة الطماطم و أسيبها تتسبك


    أغسل السبانخ كويس و أضيفها على الصلصه مع التقليب و بعدين اضيف شوية شوربه صغيرين من مرقة لحم ضانى( اللحم الضانى بالسبانخ بيكون أطعم )
    و ما نحطش مرقه كتير علشان السبانخ هتنزل مايتها

    وطبعا أضيف اللحم المسلوق و أهدى النار خالص لحد ما تستوى و بألف هنا





    يارب تكون عجبتكم الطريقه




    ]مشاركه رقم (2)
    اللهم صلى على محمد وعلى آل محمد كما صليت على إبراهبم وعلى أل إبراهيم،وبارك على محمد وعلى آل محمد كما باركت على إبراهبم وعلى أل إبراهيم،فى العالمين إنك حميد مجيد.





    مشاركتى معاكم النهاردة عن وصفة من وصفات الطبخ المصرى

    المقادير

    - كوب عدس اصفر
    - 2 كوب ارز مصرى
    - 3 بصلة كبيرة او 4 بصلات
    - زيت لتحمير البصل كل واحدة تختار كمية الدهون الناسبة لها بس المهم تكون كافية لتحمير البصل
    - كيس مكرونة صغيره ( إختيارى )
    - نصف كيس شعرية
    - عدس بجبة ( إختيارى )
    - الصلصة
    - سلطه خضرا

    الطريقة

    . يحمر البصل فى الزيت جيدا الى ان يصبح غامق اللون أخد نصفه و أرفعه و أصفيه جيدا على ورق مطبخ

    . والنصف الاخر أزود له ماء وملح يكفى لسوا الارز والعدس (ما تكتريش المايه علشان مش يعجن منك )

    . لما تغلى المايه نخلط الارز مع العدس الاصفر ثم يتم وضعهم فى الماء ونظبط الملح ونغطى علية ثم بعد ان يتشرب معظم الماء نخفف النار علية علشان مش يشيط


    . يحمر قليل من الشعرية الى ان تصبح بنى فاتح مع تجانس اللون ثم نضيف ماء و ملح حتى تستوى ونصفيها بمصفاه ونضعها فى طبق التقديم


    . نحمر المكرونه وبعدين نضيفلها مايه وملح وزيت لحد ما تتسلق ونصفيها

    . ونسلق العدس بجبة ويفضل ان يكون منقوع فترة ويسلق فى ماء وعليه قليل من الملح والكمون


    . مقادير الصلصة

    - 3 فصوص ثوم
    - علبة صلصة كبيرة
    - ملعقتين خل او ثلاث ملاعق
    - ملعقة كبيرة زيت

    الطريقة

    -نضع الزيت على النار ثم الثوم الى ان يبدا فى الاحمرار نضيف الخل

    - نضيف صلصة الطماطم وتترك حتى تسبك قليلا ثم نضيف ملح وشطة خفيف
    ثم نضع القليل من الماء
    بس بلاش نكثر الماء علشان الصلصة متبقاش خفيفة




    . نعمل سلطه خضرا




    نعمل طبق ونحط فيه من كل حاجه وهيكون بالشكل ده وبالهنا والشفا




    ودى السفره



    .


    وده كمان طبق






    يارب تكون عجبتكم






    هقولكوا النهارده على أكله صحيه ميه فى الميه و لا برجر بره ولا دهون
    جربوها ووعد منى عمركوا ما هتجيبوا برجر جاهز بعد كده


    أنا جبت لحم رومى مفروم بس ممكن نعمل نفس الطريقه باللحم المفروم


    و بشرت بصله


    و حطيت عليها التوابل بتاعتى من ملح و فلفل أسمر و جنزبيل و بابريكا


    و حطيت عليهم الرومى المفروم و قلبتهم كويس


    حطيت عليهم بيضه و شوية بقسماط


    بعدين على ورق الزبده فردت الرومى بالتوابل


    و بالقطاعه المدوره قطعته على شكل دواير علشان يكونوا كلهم نفس المقاس و رصيتهم فى صينيه بايركس بعد دهنها زيت خفيف جدا


    وانا بقى لازم أزود أى إضافه حطيت على بعضهم جبنه موتزاريلا و جبنه إيدام و بعضهم لا و حطيت فى الوسط فلفل أحمر


    دخلته الفرن على درجة حراره 200 لحد ما إستوا خالص
    و الشكل بينطق مش محتاج أى كلام


    وده زووووم إننننن لخاطر عيونكوا


    و قطعت شرايح طماطم و خيار و عملت ساندوتشات أحلى من الجاهز بمراحل


    يارب تكون وصفتى عجبتكم يا قمرات
    آخر مرة عدل بواسطة ♥أخت فى الله♥ : 08-12-2010 في 02:12 AM

  2. #2
    تاريخ التسجيل
    Apr 2010
    الموقع
    ........................
    الردود
    7,589
    الجنس
    امرأة
    التكريم
    • (القاب)
      • متألقة صيف1432هـ
      • مبدعة صيف 1431
      • حسابية متألقة
    (أوسمة)


    اليوم هقولكوا ان شاء الله على طريقتى لطبخ البطاطس و أتمنى إنها تعجبكوا


    فى الأول بجيب بصله مبشوره و أشوحها بقليل من الزيت على النار


    لما يبقى لونها ذهبى كده


    أضيف لها فصين توم مبشورين و أشوح لحد ما الكل يبقى لونه ذهبى غامق شويه



    أضيف للبصل و التوم صلصة طماطم و أسيبها تتسبك شويه


    و أكون مقطعة بطاطس مكعبات


    أضع البطاطس على الصلصه و أستمر بالتقليب لحد ما تتسبك الطماطم


    أضع شوربة الدجاج او اللحم


    و لما تغلى أوطى النار و أغطى الحله و اسيبها تستوى خالص وده شكلها بعد السوا





    وطبعا الزووووووووم بتاعى



    د
    أتمنى تكون عجبتكم يا حلوين





    بصوا حبايبى أنا عملت الكسكسى بطريقه مختلفه شويه يارب تعجبكوا

    إحنا هنجيب اللحمه نسلقها عادى بإننا نحطها فى حله على النار و بعد ما نشيل منها الريم أحط لها التوابل عادى وورق اللورا و أجيب مصفاه أحطها فوق الحله و أحط فيها قماشه كبيره و أحط فيها الكسكسى و أنديه بشويه من شوربة اللحم و أفركه كويس علشان يبقى مفرفر
    و أغطي المصفاه كويس أوى
    و بعد ربع ساعه أفتح على المصفاه و أقلبه و أسقيه مره كمان بالشوربه ( حوالى نص كوب شوربه) و برضه أفركه كويس علشان يبقى مفرفر
    أكرر العملية دى مره كمان أو مرتين لحد ما أحس إن الكسكسى إستوى أنقله فى طبق و أضيف له الزبده و هو ساخن و يقلب جيدا

    أثناء اللحم و الكسكسى على النار أجيب حله تانيه و أقطع فيها أى خضار عندى أنا كان عندى يومها بطاطس و كرنب سلقي و جزر و أقطعه مكعبات كبيره و أضيف له شوبه و أخليه ياخد غلوتين و أشيله من الشوربه أشوحه فى زيت زيتون (أو زبده) و أحطه فى طبق التقديم
    أشوح كمان اللحم و أحطه فى طبق التقديم
    و ده شكلهم على بعض

    و ده شكل الطبق النهائى بعد إضافة الكسكسى


    يارب يكون الطبق عجبكم

    مشاركه رقم (6)



    إن شاء الله هقول لكو على طريقتى الخاصه لعمل الملوخيه الناشفه و هتبقى أحلى و أطعم من الملوخيه الخضرا كمان إن شاء الله.


    فى الأول أنا بسلق الفراخ بالطريقه العاديه


    وأخد جزء من شوربتها و أحطها على النار و أضيف لها ملعقتين أو تلاته من صلصة الطماطم




    و أجيب فى طاسه تانيه نقطتين أو تلاته بس من زيت الزيتون و لما يسخنو أحط عليهم مقدار الملوخيه الناشفه اللى هستخدمها




    و أفضل أشوح الملوخيه لحد ما تبقى كلها لون واحد




    لما تغلى الشوربه بالطماطم




    أضيف الملوخيه المتشوحه
    و أقلبها كويس جدا و أهدى عليها النار علشان تستوى





    فى نفس الطاسه اللى شوحت فيها الملوخيه أحط فصين توم مفرومين على نقطتين زيت زيتون أو زيت عادى و أشوحهم




    لما يبدأ يتغير لونه أضيف للتوم ملعقه كزبره ناشفه




    و أحطها على الملوخيه و أقفل الحله بسرعه علشان تحتفظ بريحتها الحلوه و أخليها تاخد غلوتين بس على النار و ده شكلها





    و بعمل جنبها أرز بالشعريه و المكسرات




    وده كمان طبق ملوخيه لخاطر عيونكم





    و دى الفراخ بعد ما حمرتها فى الفرن




    يا رب تكون الأكله عجبتكم
    آخر مرة عدل بواسطة ♥أخت فى الله♥ : 08-12-2010 في 02:14 AM

  3. #3
    تاريخ التسجيل
    Apr 2010
    الموقع
    ........................
    الردود
    7,589
    الجنس
    امرأة
    التكريم
    • (القاب)
      • متألقة صيف1432هـ
      • مبدعة صيف 1431
      • حسابية متألقة
    (أوسمة)




    مشاركه رقم (7)
    ღ♥ღرولات اللحم المحشيه...يم يم تجنن مشاركتى للغاليه دندونه فى ملف اللحوم ღ♥ღ ( 123



    هقولكو النهارده إن شاء الله على طريقه حلوه لرولات اللحمه



    أنا بجيب لحمه ستيك







    و أعمل طبق فيه التوابل اللى بحبها وده طبق التوابل ( ملح و فلفل أسمر و بابريكا و جنزبيل و عصير ليمون)







    أتبل ستيك اللحم بالتوابل و أسيبها 3 ساعات وكل ما الوقت زاد بيكون أحلى











    أعمل أرز ببصل وملح و فلفل أسمر زى بتاع الحمام
    أجيب ورقه الومنيوم و أفردها و أفرد عليها ستيك اللحم







    أضع مقدار من الأرز داخل اللحم




    ألف اللحم على شكل رولات بمساعدة ورق الفويل بالشكل ده








    أرصها فى صينية الفرن و أدخلها على درجة حرارة عاليه الأول و بعدين أقللها لحد ما تستوى




    أطلعها من الفرن وده شكلها







    يارب تكون عجبتكم









    مشاركه رقم (8)



    ღ♥ بطاطس محشيه باللحم مع أر بالكبده. مشاركتى للغاليه لالى فى موضوع طبقى المفضل ღ♥ ( 12



    إن شاء الله هقولكوا النهارده على أكله تجنن. بطاطس محشيه لحم مفروم مع أرز بالكبده.









    أولا...البطاطس المحشيه لحم مفروم




    المقادير



    عدد حبات بطاطس متوسطة الحجم على حسب عدد أفراد الأسره



    حوالى ربع كيلو لحم مفروم



    صلصة طماطم



    توابل







    الطريقه




    - هنعصج اللحم المفروم عادى بتشويح بصله مع اللحم المفروم و ملح و فلفل أسمر و بابريكا و جنزبيل و قليل من القرفه و لما تتشوح أهدى النار لحد ما تستوى و أنا بحط شوية صلصة طماطم علشان تبقى مسكره.










    نجيب البطاطس نقشرها










    ونزيل ما داخل البطاطس ( نأورها )














    نحشى البطاطس باللحم المفروم




    و أنا حطيت معاها فلفلايه حمراء و حشيتها لحم مفروم





    - نحضر طبق به قليل من صلصة الطماطم مع قليل من الماء و ملح و فلفل أسمر و بابريكا








    - نضع صلصة الطماطم بالتوابل على البطاطس المحشيه








    - نغطى الصينيه بورق فويل





    - ندخلها الفرن على 250 درجه فى الاول و بعدين نهدى الفرن لحد ما تستوى وده شكلها لما خرجت من الفرن






















    ثانيا....الارز بالكبده



    المقادير



    مقدار أرز على حسب عدد أفراد الأسره



    حوالى 200 جم كبده



    توابل





    الطريقه





    نشوح الكبده فى قليل من الزبده على النار










    مع وضع ملح و فلفل أسمر










    وبعدين نهدى النار خالص لحد ما نحس إن الكبده إستوت











    نضع الأرز المنقوع من قبل على الكبده و نشوح قليلا وبعدين نضيف ماء و نهدى النار لحد ما يستوى الأرز










    ودى طريقة تقديمى للطبق











    يارب يكون عجبكم
    سبحان الله و الحمد لله و الله أكبر و لا إله إلا الله
    و
    لا حول ولا قوة إلا بالله
    :

    الله يرحمك يا أخى الغالى
    اللهم أعف عنه و إغفر له و أسكنه فسيح جناتك
    أسألكم الدعاء



    سبحان الله و بحمده عدد خلقه و رضا نفسه وزنة عرشه ومداد كلماته



  4. #4
    تاريخ التسجيل
    Apr 2010
    الموقع
    ........................
    الردود
    7,589
    الجنس
    امرأة
    التكريم
    • (القاب)
      • متألقة صيف1432هـ
      • مبدعة صيف 1431
      • حسابية متألقة
    (أوسمة)




    مشاركه رقم (9)









    المقادير
    - نصف كيلو كانيلونى
    - 400جم لحم مفروم
    - مقدار بشاميل (3 ملاعق دقيق+ ملعقة من الزبدة )تقلب جيدا على النار ثم يضاف الحليب مع التقليب المستمر حتى نصل للقوام المطلوب
    - 250 جم صلصه طماطم
    الطريقه
    - نشوح بصلة فى قليل من الزيت ثم نضيف اللحم المفروم مع التوابل ونشوحه ونتركه الى ان يجف الماء ثم نضيف صلصة الطماطم ونتركه ليتسبك
    - نحشى الكنالونى بحشو اللحم المفروم ونرصها فى الصينية وبعدين أرش عليها مقدار الصلصه و أغطى الوجه بالبشاميل و أسيبه حوالى ساعتين أو تلاته علشان يشرب من الصلصه و البشاميل
    - ندخلها الفرن على درجة 200 لمدة نص ساعة تقريبا ثم نخرجها ونضيف جبنه موتزرايلا على الوجه وندخلها تانى تتحمر من فوق والف هنا وشفا




    يارب تكون عجبتكم






    مشاركه رقم (10)










    المقادير
    - بطاطس مسلوق (الكمية حسب الرغبة) + شويه حليب
    - 400جم لحم مفروم
    - مقدار بشاميل (3 ملاعق دقيق+ ملعقة من الزبدة )تقلب جيدا على النار ثم يضاف الحليب مع التقليب المستمر حتى نصل للقوام المطلوب
    - 250 جم صلصه طماطم



    - بهارات - ملح



    - بقدونس مفروم
    الطريقه
    - نشوح بصلة فى قليل من الزيت ثم نضيف اللحم المفروم مع التوابل ونشوحه ونتركه الى ان يجف الماء ثم نضيف صلصة الطماطم ونتركه ليتسبك
    - - نهرس البطاطس مع الحليب والملح والبقدونس ونعملها على شكل كرات، عددها يكفي لتغطية الصينية.
    - في صينية الفرن نضع اللحم المفروم ثم نصب الباشاميل فوقه، ثم نصف البطاطس فوق الباشاميل.
    - نرش الجبن ثم ندخلها في الفرن..

    ان شاء الله تعجبكم










    النهارده إن شاء الله هقولكوا على طريقة ورقة لحم وراك الدجاج او الرومى بالخضار فى الفرن يا رب تعجبكم
    انا هنا عملتها بوراك الرومى بس بوراك الدجاج بتكون اطعم



    أنا فى الأول قطعت كل الخضار اللى عندى من بطاطس و جزر و فلفل ألوان أخضر وأحمر و أصفر و بصل وطماطم كله مكعبات و قطعت وراك الرومى قطع صغيره نسبياو حطيتهم على بعض







    جبت صينيه بايركس و غلفتها بورق فويل بحيث ان الفويل يبقى طالع من كل جهه و حطى الخضار باللحم عليه




    غطى على الخضار باللحم ببقية ورق الفويل



    دخليه الفرن على درجة حراره 250 فى الاول و بعدين هدى الفرن على 180 او 200 لحد ساعه مثلاإفتحى عليها الفويل و إختبرى السوا

    لو لسه ما استوتش حطيها كمان ربع او نص ساعه و دوقى أحلى ورقة لحم بالخضار
    صحيه و خفيفه و طعمها لذيذ






    وده طبعا الزوووووووووووووم بتاعى





    يا رب تكون الوصفه عجبتكم
    آخر مرة عدل بواسطة ♥أخت فى الله♥ : 08-12-2010 في 02:18 AM

  5. #5
    تاريخ التسجيل
    Apr 2010
    الموقع
    ........................
    الردود
    7,589
    الجنس
    امرأة
    التكريم
    • (القاب)
      • متألقة صيف1432هـ
      • مبدعة صيف 1431
      • حسابية متألقة
    (أوسمة)






    طبعا كلنا عارفين أد إيه الأطفال بيحبوا البرجر
    و طبعا البرجر الجاهز أضراره اكتر من فوايده بكتيييير علشان كده أنا عملت البرجر بالبيت بدون دهون ولا مواد حافظه




    اليوم عملت برجر اللحم المفروم بنفس الطريقه وده شكله
    طبعا اللى لونه متغير ده أنا وضعت على وجهه جبنه موتزرايلا لإضافة طعم جديد














    ودى شكل السفره










    يارب تكون الوصفه عجبتكم يا قمرااااات









    المقادير
    كيلو ونصف بطاطس
    نصف علبة صلصه طماطم
    عدد 2 بصلة
    2 فص ثوم
    كيلو من اللحم الضانى المسلوق
    الطريقه
    نقوم بتقشير البطاطس و تقطيعها حلقات و نضع نصفها فى طاجن الفرن






    فى طبق منفصل نضع مقدار صلصة الطماطم و عليه حوالى كوب من مرقة اللحم و ملح وفلفل و بابريكا و نصب نصف هذه الخلطه على البطاطس






    نقوم برص اللحم الضانى المسلوق فوق البطاطس






    نرش الطاجن بنصف البصل و الثوم المقطع شرائح و عليه القليل من الملح و البابريكا
    ثم نضع طبقه أخرى من البطاطس







    نضع بقيه خليط الصلصه فى الطاجن










    يغطى الطاجن بورقل فويل ثم يوضع فى فرن حار على درجة حراره 250 حتى يبدأ المحتوى فى الغليان نهدى الفرن على 200 حتى تمام السواء






    نقوم بإزالة ورق الفويل و وضع الطاجن مره أخرى فى الفرن حتى يحمر و بألف هنا و شفا











    أتمنى تكون الوصفه عجبتكوا
    آخر مرة عدل بواسطة ♥أخت فى الله♥ : 08-12-2010 في 02:20 AM
    سبحان الله و الحمد لله و الله أكبر و لا إله إلا الله
    و
    لا حول ولا قوة إلا بالله
    :

    الله يرحمك يا أخى الغالى
    اللهم أعف عنه و إغفر له و أسكنه فسيح جناتك
    أسألكم الدعاء



    سبحان الله و بحمده عدد خلقه و رضا نفسه وزنة عرشه ومداد كلماته



  6. #6
    تاريخ التسجيل
    Dec 2007
    الموقع
    قدرى غربة.. عذاب وفرقة.. دموع بحرقة ..وعجبى
    الردود
    2,597
    الجنس
    أنثى
    ماشاء الله تبارك الله ولا حول ولا قوه الا بالله
    ملف رائع وشغل اروع من ايدين اروع واروع
    شغلك جميل ونظيف ومتميز
    بارك الله فيكى وعطاكى الصحه والعافيه

  7. #7
    تاريخ التسجيل
    Sep 2007
    الموقع
    القاهره
    الردود
    408
    الجنس
    أنثى
    والله حاجه اكتر من رائعه
    تسلم ايدك يا عسل
    ما شاء الله

  8. #8
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة

  9. #9
    الثمال's صورة
    الثمال غير متواجد رئيسة الأركان التعليمية-مشرفة ركني الروضة ودار لك للتحفيظ -محررة في موقع لكِ
    تاريخ التسجيل
    Mar 2002
    الموقع
    اللهم ارحم غربتي في الدنيا وارحم مصرعي عند الموت وارحم قيامي بين يديك
    الردود
    44,066
    الجنس
    امرأة
    التدوينات
    13
    التكريم
    • (القاب)
      • درة الحوار
      • محلقة في سماء الإبداع
      • الإصرار على النجاح
      • متميزة
      • محررة بمجلة انا ورحلة الامومة
      • درة صيفنا إبداع 1432هـ
      • واميره النظافة والتنظيم 2
      • تربوية مثقفة
      • لمسة عطاء
      • درة صيفنا إبداع 1431هـ
      • فن وإبتكار
      • بصمة إبداع
      • الماهرة
      • مُبدعة صيف 1430هـ
      • أنامل ذهبية
      • بصمة إنجاز
      • بصمة تعاون
      • مصممة رائعة
      • بصمة مبدعة
      • ريشة متميزة
      • ذاكرة سياحية مميزة
      • فراشة الحلم والأ
    (أوسمة)
    ما شاء الله مشاركات رائعة

    عاشت الايادي

    وبارك الله فيك


  10. #10
    تاريخ التسجيل
    Jan 2007
    الموقع
    ابكيتني يا عراق
    الردود
    14,099
    الجنس
    امرأة
    التكريم
    • (القاب)
      • متألقة صيف 1432هـ
      • متألقة صيفنا إبداع 1431 هـ
      • مُبدعة صيف 1430هـ
    ملف في منتهى الروعة من ايدين مبدعة
    وصفات شهية واطباق رائعة
    عاشت الايادي المعدلة
    ربي يبارك فيك ويسعدك يا غالية
    لا تحرمينا من مشاركاتك وتواجدك حبيبتي








مواضيع مشابهه

  1. الردود: 28
    اخر موضوع: 08-03-2012, 12:55 AM
  2. صيفنا إبداع: ♥ღ♥ ملف تجميعى لمشاركاتى خلال حمله صيفنا إبداع 1431 ^^ بركن الحلويات ^^ ♥ღ♥
    بواسطة ♥أخت فى الله♥ في الحلويات والكب كيك والكيك وحلويات العيد
    الردود: 20
    اخر موضوع: 12-12-2010, 03:04 PM
  3. صيفنا إبداع: ♥♥♥ حصاد صيفنا إبداع 1431 مع تجميع لمواضيعى خلال الحمله ♥♥♥
    بواسطة ♥أخت فى الله♥ في الأطباق الرئيسية المتميزة
    الردود: 3
    اخر موضوع: 07-10-2010, 10:13 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ