✿✿دخل 1-2-3 المطعم طلعوا 3-2-1 ليش يا ترى؟. ...لأنهم أكلوا...من مطبخ عاشقة الحلويات✿✿
السلام عليكم ورحمة الله تعالى وبركاته
بسم الله الرحمن الرحيم
كيفكم حبيباتي
الحزورة بعنوان الموضوع مهمة جداً ولها علاقة كبيرة بالطبخة بهالموضوع
كانوا يحزرونا إياها كلما أكلنا نفس الأكلة
الحزورة بتقول ثلاثة أشخاص 1 - 2- 3 دخلوا للمطعم وأكلوا
لكن لما طلعوا من المطعم طلعوا 3 - 2- 1 ليشششششش؟
الجواب سهل كتير :::::
لأنهم أكلوا مقلوبة.....................ههههههههههههه
عرفتوا هلأ شو الطبخة ما هيك....
طبعاً هيدي الطبخ التقليدي للمقلوبة عندي ولسه
لها عندي أشكال أخرى إن شاء الله في مواضيع قادمة
المقلوبة
المقادير
3 كاسات رز مصري (مغسول ومصفى)
لحم دجاجة مسلوقة ومنزوع عظمها وجلدها (نحتفظ بماء سلق الدجاجة)
نصف كيلو باذنجان بيض العجل (يقشر ويقطع دوائر ثم يقلى بزيت غزير ويوضع على ورق تنشيف الزيت)
ملح
بهارات
الطريقة:
بصراحة هالطريقة زوجي بيحبها كتير وهو من علمني إياها أول ما تزوجنا
لأني ما كنت بعرف أطبخ والحمد لله بتطلع طيبة كتير ومزبوطة كتير
نضع نصف كمية الرز في أسفل وعاء الطبخ ثم نوزع الباذنجان المقلي فوق الرز
ثم نوزع لحمة الدجاج فوق الباذنجان
وآخر شيء نوزع كمية الرز المتبقية فوق الجميع بحيث يغطي كل شيء
نكون قد أخذنا خمس كاسات ونصف من ماء سلق الدجاجة
نصبها بهدوء شديد فوق الجميع
ونشعل النار تحت وعاء الطبخ
وأول ما يبلش الماء بالغليان نخفض الحرارة ونطبخ مثل طبخ الرز العادي
عندما ينشف الماء نطفئ النار ونكشف وعاء الطبخ قليلاً قبل قلبه في وعاء التقديم
نضع وعاء التقديم فوق وعاء الطبخ ثم نقلب بحذر
والنتيجة لذيذذذذذذذذذة
تزين بالمكسرات المحمصة بالزيت
وتقدم مع سلطة اللبن بالخيار والبندورة
مع تحياتي ودعائي لكن بالخير دوماً
أختكم
أم محمد خير وبشرى الخير
رد مع الاستدلال
الروابط المفضلة