ايه يا بنات فينكم
كل عام وانتم بخير
وماتنسوش الإكثار من العمل الصالح فى الأيام المباركة دى

يقول صلى الله عليه وسلم: “ما من أيام العمل الصالح فيها أحبُّ إلى الله من هذه الأيام”، يعني العشر الأوائل من ذي الحجة قالوا: يا رسول الله ولا الجهاد في سبيل الله؟ قال:” ولا الجهاد في سبيل الله، إلا رجل خرج بماله ونفسه ثم لم يرجع من ذلك بشيء” رواه البخارى

انا بقى شكلى مش هعرف اصوم عرفة لإن الحلوة جاتلى
بالطريقة دى يعتبر انها بتجيلى كل 24 يوم

اخبارنا بقى
الحمد لله المبلط خلص السيراميك اخيراً
انا كنت حاسة ان انا اللى باشتغل مش هو
فى الأول حدد ميعاد وماجاش فيه وجه اليوم اللى بعده
وبعدها اشتغل يومين والصبى اللى معاه سابه وقعد يومين يدور على غيره
وبعدها اشتغل يومين مع صبى جديد وبعدها سابه وقعد يومين يدور على غيره
والمشكلة انه ماكانش بيعرفنا انه مش جاى
يعنى الواحد بيصحى ويستناه وبابقى عايزة اجهز الشاى واحضر للغدا
احياناً كنت باضطر اطلع الحاجة مجمدة بعد ما اتأكد انهم جم
واخيرا اشتغل 3 ايام مع صبى جديد وخلص الحمد لله
والمفروض بقى النجار اللى عمللنا شغل النجارة يجى عشان يقص الأبواب عشان نركبها تانى ويكتبلنا الطلبات الجديدة
عشان يبدأ شغل بعد العيد ان شاء الله .. العيد اللى انا مش مركزة معاه خالص بسبب شغل الشقة
وان شاء الله بعد ما النجارة تكمل جوزى بقى يشوف موضوع الدهان وهنشوف فاضل كام من الفلوس وهنقدر نعمل بيهم ايه
طبعاً الفلوس الخاصة بيا من بيع الدهب والى كنت محوشاه كانوا 7000ج يادوب كان على شغل السيراميك وماما اديتنى فوقيهم 3 عشان نحاول نشطب اكبر قدر من الشقة والحساب يجمع
ربنا يوسع علينا وعلى الجميع ويبارك لأهلى فى مالهم ويعيننا على سداد اللى ليهم عندنا

السلام عليكم
شلونكم حبيباتي وحشتوني جدا
اشكر كل من دعت لي بالحمل واسال الله ان ينول كل وحدة فيكم ما تتمناه اللهم امين
ويا بنات كثفوا دعواتكم ليا في هذه الايام المباركة فانا بامس الحاجة لها
وكل عام وانتم بالف خير وعيدكم مبارك بأذن واحد احد

شموسة يا شموسة مش عارفة اقولك ايه بس بجد ربنا بارك الله فيكي وفي اهلك وفي اخلاقكم العالية بوقفتك جنب زوجك
والله انا اعرف نسوان من حبهم للفلوس تشتري اكل ليها هي واولادها وتقول لزوجها ما تاكلش من الاكل ده وروح اشتري اكل لنفسك من فلوسك
وانتي الف ما شاء الله عليكي طلعتي كل مدخراتك وبعتي دهبك واهلك جزاهم الله خير بيسلفوكي حتى تكملي شقتك
ناس غيركم كانوا يقولوا خليه هو يدبر نفسه
بس تعرفي ولو ان ابو جوجو بيبقى زوجك وابو اولادك بس انتي شرعا غير مجبرة انك تساعديه بمالك يعني كل اللي انتي بتعمليه اجره عظيم عند الله
وان شاء الله الحسنة بعشرة امثالها وربنا يبارك لك في مالك وصحتك ويعوضك ويرزقك من حيث لا تحتسبي انتي وابو جهاد وجوجو واهلك وكل من يمد يد العون
والله خليتيني اتمنى اخطب جوجو لحسوني لان عندها عيلة متحابة في الله زي عيلتك بس لولا انكم في مصر واحنه في العراق ههههههههههههههه

لي عودة ان شاء الله اكمل الحوار معاكم بخصوص الروضة والتعليم المبكر

كل عام وانتم بخير لي عودة بإذن الله

حاولت انزل صورة سلمى من الموبايل
بس اعتقد مش واضحة

شموسة
هنا السن سنوات بقولوا عليه ريسبشون اللي هو زي التمهيدي
بس مش عارفة اذا بيخلوهم يكتبوا او لا ميرا السنة الداية تروحله ان شاءالله
فيفو احكيلنا انتي عنه انتي ولادك عدوا المرحلة دي ماشاءالله

حنونة
تسلمي يا قلبي
وفعلا المراة الصالحةهي اللي تكون جنب زوجها في وقت الشدة
واعتقد لو زوجها مش كويس مع اهلها لشموسة ما كان ساعدوهم
ربنا يحفظهم ويخليهم لبعض ان شاءالله

فيفو
كل عام وانتي بالف خير
طمنينا عنك وعن الاولاد

ام يارا وام مرمر وكل الحلوات كيفكم؟؟؟

حنونة
ربنا يبارك فيك وفى زوجك وابنك واهلك
وربنا يرزقك الذرية الصالحة عن قريب ويتقبل دعواتك
واحنا نتشرف بحسونى وبأم وابو حسونى
ليا قريبة من الحاجات اللى بتهتم بيها انها لما تحب تصرف تصرف من غير ماتحط الفلوس فى بالها
بس هى مش من النوع المبذر يعنى بتصرف الشئ فى محله لكن مابتحبش تحط الفلوس فى بالها
كانت مهتمة انها لما تشوف عريس انه يكون مرتاح مادياً
وفعلاً اتجوزت واحد مرتاح مادياً بس ماتوفقتش معاه لظروف خارجة عن ارادتها واتطلقت
قريب كانت بتسألنى لو رجع بيا الزمن هتجوز واحد زى جوزى كدة برضه ظروفه على قدها وبكافح معاه عشان نقدر نعمل الشقة
ولا هدور على واحد يبقى جاهز من الأول كدة وميسور مادياً لإنها مازالت مصممة انها مش هتقبل الا بالمرتاح مادياً
قلتلها لو رجع بيا الزمن ممكن افكر ما اتجوزش أصلاً لإنى حاسة انى مش أد مسئولية الجواز (من ناحية امتاع جوزى)
لكن لو هتجوز مش هغير تفكيرى اللى انا فيه دلوقت والمادة اخر حاجة عندى والحمد لله اهلى لو احتاجت حاجة وكان معاهم مش هيتأخروا عليا
وانا لو الظروف اتخبطت معايا هروح اشتغل فى حضانة جنب بيتى

عارفة يا حنونة
اهلى لما راحوا الحج ربنا يتقبله منهم خلصوا تحويشتهم كلها ولولا كدة كانوا ساعدونا نخلصها كلها
والشقة اتبنى جزء منها بمساعدتهم برضه
ولو كنا هنبص ع المادة من الأول ماكناش قبلنا بالجوازة دى أصلا
بس ها شافوه شاب كويس عايز يفتح بيت وانا رايداه فساعدوه
والحمد لله ما شاء الله عليه طلع انسان كويس ربنا يهدينا على بعض عشان انا اللى مطلعة عينه
يالا رغيت كتير
مستنيين كلامك عن التعليم المبكر

فيفو
وانت بخير
ما شاء الله لا قوة إلا بالله ع القمر اللى منور الصورة
ربنا يحفظها هى واخواتها واللى جاى فى السكة
ويباركلكم فيهم

بسم الله ما شاء الله اخر مشاركة في التجمع يوم 14 اكتوبر
نشاط فظيع

اروح اصلي وارجع اكتب لكم