ام جهاد
انا عندى نونا اوقات احط لها عسل اسود وتاكل منة او بيض محمر وعيش محمص وتاكل
بس لازم آكل معاها
دلوقتى علشان الصيام ومفيش حد بياكل معاها شهيتها معدومة
غير لو انا بأكل رغد اى حاجة اوقات تقعد جمبى وااكلها هى كمان
ربنا يهديها يارب
لما بتقعد على اختها وهى بتحبى دى اقل حاجة ...
تعالى شوفيها وهى عايزة تأكلها بالعافية ولا عايزاها ترقص معاها على اغانى طيور الجنة ..
وياسلاااام بقى لما تكون رغد نايمة وحنين تروح تحضنها وتبوس فيها علشان تصحيها ..
ولما اقولها لأ يا نونا متصحيهاش ... تقوللى هى اختى وانا عايزة العب معاها
ولا لما اكون عايزة انيمها وبعد ما ترضع وتنام ... تيجى حنين وبكل براءة وتتكلم جمبى بصوت عالى ... قال يعنى هى مش واخدة بالها ان اختها نايمة
ببقى ساعتها نفسى اصرخ واصوت واعيط فى نفس الوقت
الروابط المفضلة