للبحث في شبكة لكِ النسائية:
|
حبيبتى ام ميرا
الحمد لله بقت احسن كتير
بس برازها (اعزكم الله )
احس انة مش منتظم شوية اليومين دول
يعنى امبارح تقريبا طوووووووول اليوم معملتش خالص مع انها مش عندها امساك
والنهاردة عملت بس كميةو قليلة وكان مصاحبة بلغم
ربنا يستر ومتاخدش برد
هى فى العادى طول النهار بتلعب ومفيش مشكلة
ولا حتى بتشتكى من حاجة
ربى يحميها هى وكل اولادنا يارب
انتى قولى لى اخبار ميرا وعليوة اية
وعمل اية بعد التطعيم يا حبيبى ؟؟؟؟
شموسة
فينك يا قلبى انتى اختفيتى رحتى فين ؟؟؟؟
تعالى انتى وام الحسن وام دحمودى خلى التجمع يتحرك شوية
ام سارة
والله وحشتينى
ازيكم يا بنات
جهاد بترخم علينا ومش مخلية الواحد يعرف يقعد ع الكمبيوتر براحته
وكمان مش بترضى تنام فى نص اليوم
مام
بصراحة جوجو مفيش حركات عندها دلوقت غير الرخامة
عايزة تخرج على طول وتطلع وتنزل ع السلم
ام نونا
الف سلامة على نونا حبيبتى
الجو قلب فجأة وسقع
واللى بينفع بصراحة فى الوقت ده فلاجيل شرب
مطهر حلو بديها منه معلقة صغيرة حتى هو والكالسيوم اللى بتحب طعمهم دوناً عن كل الأدوية
جهاد الفترة اللى فاتت دى كان برازها اكرمكم الله طرى بس مش بتعمل كتير
حنونة
نبوعة
طمنونا عليكم
بنات انا عندى مشكله عايزه اخد رايكم فيها
من اسبوعين كده جالى تعب جامد اثناء الجماع الم يعنى و بعدها مغص جامد اوى فى بطنى من تحت و رحت للدكتوره تانى يوم وقالتلى مفيش حاجه وشوفى لو استمر التعب يمكن يكون اللوب الى عملك المشكله
و فضل عندى مغص بس اخف شويه بس كان قبل البيريود بكام يوم فا قلت يمكن منها واتاخرت 4 ايام وبعدها نزلت بس كتير شويه و انهارده المفروض اخر يوم وكان خلاص مفيش اى اثر ليها و حصل جماع وبعدها لقيت دم احمر بس كميه قليله اوى يعنى
الى قالقنى بقه انى حاسه ان فيه حاجه وجعانى من جوه كان حد ماسك الرحم بايده مفيش مغص ولا الم بس حاسه كده وحاسه ان خيط اللوب بقى نازل عن الطبيعى وفى حاجه مكلكعه من جوه مش عارفه انا متلغبطه اوى ومش فاهمه وعماله اقول لنفسى انا موهومه من التعب الى جالى بس انا حاسه ان فى حاجه مش طبيعيه
كنودة
الف سلامة عليك
طيب هى الدكتورة فحصتك بالسونار ولا ايه؟
ممكن تروحى لحد تانى وتشوفى هيقولك ايه
كيفكم يابنات
انا رجعت لبيتي من اسبوع بس لسه متلخبطة وكمان اجهز في نفسي للسفر لي ليبيا
الشهر الجاي ان شاء الله زيارة وع الصيف بعون الله حنرجع بشكل نهائي
معليش ما قريت اخباركم
لي عودة ان شاء الله تعالى
سلامي ليكم كلكم
عُدنا ولله الحمد
اللهم احفظ اولادي واجعلهم من الصالحين
اللهم فرجها
فيفو
حمد الله على سلامتكم
وتروحوا وترجعوا ليبيا بالسلامة
وان شاء الله لما تروحوا الصيف تلاقوا الأمور حلوة
كنودة
خلاص لو قلقانة روحى لدكتورة تانية وشوفى هتقولك ايه
وممكن تسألى وتشوفى يمكن فيه حد بيشكر فى دكتورة معينة
وان شاء الله خير
انا بالنسبالى فيه اوضاع معينة فى الجماع بحس بوجع فى بطنى من تحت بيسببلى قشعريرة
مش عارفة ده بسبب القيصرى ولا ده عادى ولا بسبب اللولب ولا ايه
السلام عليكم ورحمة الله وبركاتة
الحمد لله ان فيفو وشموسة وكنودة منورين
ايوة كدة خلوا التجمع يتحرك شوية
شموسة
والله فعلا الجو المتقلب دة مخلينى انا كمان بطنى مش مستقرة ... وعلى طول عندى مغص
انا امبارح طلعت هدوم الشتا لحنين
بس مش بتقلها قوى ... يعنى يا دوب الفانلة والطقم الشتوى اللى يعتبر خريفى اكتر منة شتوى
والله مش عارفة هى مالها دة من تغيير الجو ولا اية
كمان اكلتها ضعفت خااااااااااالص وتقريبا انعدمت .... ولا بقت تطلب الاكل حتى
ربنا يهون ويسترها ان شاء الله
وانتى بتتكلمى على الرخامة
تعاااااااااااااالى شوفى اللى عندى وانتى تقولى دى بنتك ملاااااااااااااااك والله
دا حنين موريانى النجوم فى عز الضهر ... اهئ اهئ اهئ
ربنا يهديهم يارب
البت كل ما يزيد التعب معايا كل ما تزيد شقاوتها ...
ام نادو
حبيبتى ممكن فعلا يكون من اللولب ... وممكن يكون عندك التهابات هى اللى تعباكى كدة ... او التهابات مثانة
انا لما بيبقى عندى التهاب فى المثانة بحس بألم وعدم راحة اثناء الجماع ومغص بعدة
ان شاء الله الموضوع بسيط ... وشوفى لو حد من حواليكى يعرف دكتورة كويسة ممكن تروحيلها وتطمنى اكتر
ام دحومى
حمد الله على سلامتك يا قلبى
ان شاء الله كانت عطلة العيد عطلة سعيدة عليكم
وان شاء الله لما تنزلوا ليبيا تنبسطوا وسط الاهل ربنا يحميهم يارب
قولى لنا عملتوا اية والاولاد قضوا العيد ازاى ؟؟؟
باقى البنات
اخبااااااركم يا غاليات
الروابط المفضلة