ههههههههههههه
والله يا اختى جربتها
وبردة منفعتش معاها
دا انا جربت كمان احط لها مخدة جمبها واغطيها كأنى نايمة جمبها (شفتى العيال وصلونا لإية )
وبردة مفيش فايدة
اصلها دلوقتى لما بتتقلب بتبقى عايزة تحط ايديها حوالين رقبتى (تحضنى) علشان تضمن انى مش هقوم من جمبها
عارفة انا اوقات بعذرها علشان تعبى والحمل وانى مش عارفة اديلها حقها
وكمان لأنى متأكدة ان هى حاسة ان هيبقى فية تغيير قريب
تحسى انها بتلحق تاخد منى اكبر قدر من الحنية
خصوصا لما تيجى تنام وتاخدنى فى حضنها
الاول كانت حنين مش بترضى تنام فى حضنى خالص ... بتحب تنام وتفرد ايديها ومحدش يضايقها ولا يحكمها
دلوقتى بتبقى عايزة تنام على دراعى وفى حضنى
حتى لما بتعمل حاجة غلط وازعق لها واكشر فى وشها واقولها ماما زعلانة منك ...... تيجى تحضنى وتقولى نونا كدة تانى نونا حلوة
يعنى نونا مش هتعمل كدة تانى ونونا حلوة ...اى نعم هى بتعمل كدة تانى وتالت ورابع
هههههههههه
بس مجرد انها مش عايزانى ازعل منها دى جديدة .. .. كانت الاول مهما قلت لها مش بتسمع وبتعمل الى فى دماغها
ربنا يهديها يارب
ام ميرا
لا انتى الصراحة ربنا يكوووووون فى عوووووونك
انتم السابقون ونحن اللاحقون
انا مش عارفة والله انا هنام انا وحنين والنونو وابوهم ازاى
هو اول حاجة
اكيد طبعا جوزى هياخدها من قاصرها وينام فى الغرفة التانية
لكن حنين بقى ...... مش عارفة والله ربنا يستر
الروابط المفضلة