مســــــــــــــــا الخير
كيفكم ان شاء الله بخير
بعد غياب واخيرا اتصلح الجهاز
كيفك ام محمد وام انس وام مالك وروجينا وام عبود وام بسملة ومجد واماني وسناء وام احمد ............
الجميع ان شاء الله بخير
ام بنات اهلا وسهلا فيكي
انا انوار من بيت لحم

السلام عليكن جميعا

تسلمي ام محمد وان شاء الله خير


ام بسملة الله يوفق الصبايا ويجيبوا اعلى الدرجات

والله يشفي حماتك وييسر امورها

انوار الله يوفقك بالدراسة


باقي الصبايا ان شاء الله اموركن بخير وجمعة مباركة للجميع

مسا الخير صبايا كيفكم يا حلوين
والله مو فاضية افوت من ام نكد والي يومين بضل بالشمس هههههه
مشتاقة شو رايك تخطبي بنتي لحمادة ههههه بس على شرط ييجي يسكن بالضفة مابغرب بنتي انا

صباح الخير و السعادة و الهنا ع الجميع
وين الصبايا كله مكسل يفوت
شو اخباركم جميعا
امبارح ما قدرت افوت كنت مشغولة كتييييير عنا غدا برة البيت و كان عليا الحلويات من الصبح طبخ و قطر و سكر و المطبخ الله لا يورجيكو شو صار فيه كانه انفجار
طلعنا بعد صلاة الجمعة و ضلينا للعشا و رجعنا ع النووووووووووووم من كتر التعب
يا ريتكم معنا الطشة كانت روعة و الصغار انبسطوا كتير

السلام عليكم

يسعد صباح الجميييييييييع

ما شاء الله ام محمد

الحمد لله انكم طلعتم وغيرتم جو





امس اليهود الله يلعنهم قصفوا باكثر من مكان بغزة وراح 11 شهيد باماكن مختلفة

وةالمقاومة صارت ترد بالصواريخ

وانصاب منهم الله يحرقهم 4

ان شاء الله يعدي اليوم بخير للجميع

سلامي للغاليات كلهن

مجودة الله يهنيكي بالشمس ويخليلك سمسمة

وبيكفي حلويات كل ليلة

حرااااااااااام

خخخخخخخخ


بالهنا على قلوبكن بس انتبهي للوزن يا غالية

صباح الخير صبايا
ام انس الله معكم ويصبركم حسبي الله ونعم الوكيل في اليهود
والله يرحم الشهداء ويصبر اهلهم

ام محمد صحتين عالحلويات وعلى المشوار يوم الجمعة كان عندنا الطقس حلو وما بيتعوضش
وبرضه اطلعنا شطحة ولااحلى بس بدون حلويات ههههههههه

مجود اههههههه يا رايق فنجان قهوة مع الشمسات
بيعدلو المزاج
انا بستنى صور البيت اذا عندك فيس بوك ابعتيلي اياة
لانك ما بتفوتي عالايميل

ام مالك ان شاء الله انت وسنافرك بخير والوضع صار احسن مع ليوث وسهره و اوس من جهة تانية الله يعينك

باقي الصبايا ان شاء الله جميعكم بخير

السلام عليكم كيفكن صبايا يارب الكل بخير
انا قلقانه على ام انس وسنو يارب يدخلو ويطمنونا
اسفه لاني داخله بالعرض بس كتير مشغوله بامتحاناتي وببيتي
مشتاقه لكن كتير

السلام عليكم

يسعد مساكم

كيف حال الجميع

تسلمي ام محمد وروجي على السؤال

الكهرباء قاطعة من الصبح وما اجت لهلا والموتور لقلة الوقود ما بيشتغل كتير

بيعين الله

موفقة روجي بامتحاناتك وان شاء الله تحصلي على اعلى الدرجات وترجعي تنورينا مثل الاول

ام محمد الله يهنيكم على الطلعة


باقي الصبايا ان شاء الله بخيررررررررر

السلام عليكن

يسعد صباحكن جميعاااااااااااااا