كتبت بواسطة ♥ نبعة الريحان♥

بنات دخلت بسرعة انا اليوم اول موعد لية عند الدكتورة دعواتكم لي بالدعاء يكون كل شي تمام تعبانة جدا وعندي اعراض متعبتني لدرجة ما انام

الله يطمن قلبك يا ام سعودي وتكون امورك كلها تمام

صباح الخير على عيونكم يا اغلى اخوات

ام الحسن
نورتينا ياقمر
ربنا يبارك لك فى حسونى يارب
والله وانتى بتحكى كأنك بتتكلمى على نونا
لما اقولها فين عينك ... تحط صابعها فى عينها ... واقولها فين بقك .. تشاورلى على بقها وتفتحة ...
ولما اقولها فين السنة بتاعة نونا ... تبين اسنانها وتخبطهم فى بعض ...هههههههه
ولما اقولها فين بطن نونا ... ترفع الهدوم وتخبط على بطنها وتقولى " شتو تشو" .... يعنى كرشو .. الكرش يعنى .... هههههههههههههههههه
ويارب ان شاء الله السكن يكون عتبة خير علينا ....
وهتلاقينى فى دوران شبرا كتيييييير .... ههههههههه

ام دحومى
ربنا يعينك يا قمر على سفر جوزك يارب
ان شاء الله يرجع لك بالسلامة
الاولاد عاملين اية معاكى
والبنوتة عاملة اية جوا
فكرتى بإسم ليها ولا لسا ؟؟؟؟

ام ياريتا
انتى بتقولى بفكر اروح عند اهلى
يعنى انتى هتسافرى المغرب .؟؟؟ ولا اهلك عندك ؟؟؟؟
ربنا يبارك لك فى بنوتك يارب وتشوفيها احلى عروسة

باقى البنات
اخباركم ..؟؟؟؟؟

انا جيييت
بس رايحة بيتى النهاردة ان شاء الله
قلت اشوف اخباركم واطمن عليكم
احنا الحمد لله بخير
كنا فى راس البر فى محافظة دمياط رحلة تبع نقابة المعلمين عندنا
جهاد خافت تلمس البحر
بس انطلقت بقى فى الجرى ودلوقت مش عايزة تتحبس فى الشقة
ربنا يستر
دلوقت تروح عند الباب وتشاورلى بح با يعنى بحر باى
كدة طلعت هى الأربع ضروس والنابين اللى تحت منتفخين مكان الخروج
ربنا يعينها كدة كله طالع فى وقت قريب من بعض قوى

ام يارا
ما شاء الله عليها الجميلة بتسد ودنها
حركاتهم فعلا زى العسل ربنا يحفظهم

نبوعة
ربنا يثت حملك ويخفف وحامك ويرزقك بنوتة صالحة معافاة ان شاء الله
ويطمن قلبك

حنونة
حمد الله على سلامتك
ربنا يعينك ع التعزيل
انا لسة مابدأتش الموال ده
عايزة اغسل السجاجيد بس

فيفو
ربنا يعين مع الأولاد
المشكلة ان الصحة اصبحت فى النازل
ما شاء الله عليهم امهاتنا ربنا يديهم الصحة ويحفظهم
وربنا يرجع جوزك بالسلامة ويهونها عليك

بنت ابى
ربنا ييسرلكم التوضيب والعزال
كدة افضل عشان الإيجار اللى بيقطم الوسط
ربنا يوسع رزقكم يارب
انا كمان لو اخو جوزى فكر يتجوز المفروض اننا نسيبله الشقة خصوصاً انه اخوه الكبير
بس طبعاً عشان شقتنا لسة ماتقفلتش نجارتها ولا ارضياتها اتعملت ومحتاجة فلوس
قلت ساعتها ممكن نروح شقة بتاعتنا فى القاهرة الجديدة لحين مانخلص توضيب شقتنا
بس الحمد لله لسة اخوه مافكرش فى الجواز
على فكرة احنا كدة ممكن يبقى سهل علينا ساعتها اننا نتقابل
لإن ماما فى رمسيس يعنى هنبقى قريبين من بعض

ام ياسر
ام مريم
ام ايمان
ام تالين
ربنا يطمنا عنكم وعن كل الغائبات

السلام عليكم
شلونكم حبيباتي ان شالله بخير
بنت ابي
عيني عليها نونة حركاتها تجنن
على فكرة انا بعد ما شفت ان حسوني ما شاء الله بيتعلم وبيلقط بسرعه بديت اعلمه يعد الاشياء من واحد الى اربعد باستخدام ادوات المطبخ
يعني مرة اجيب اربع ملاعق واحطهم قدامه واعد مرة اجيب اربع اكواب وهكذا المهم تكون اربع اشياء متشابهة او اعد باصابعي وبس هو شايفها حركة صعبة جدا العد بالاصابع بيدوخ من وراها هههههههههههههه
هو حاليا بيقول ورايه بس.. مش عارفة اذا في يوم ما راح يقولها بالترتيب الصحيح او لا .. وشغلة ثانية حسوني صاير يتضايق من البامبرز ويطلب مني اشيلها ... واني حاليا باشيلها بالساعات وبيعملها على روحه واقعد اقوله ليش يااااااااااااااا بي بي وهو يحد ايده على بقه ويقول يااااااااااااااااااااا تعبيرا على حصول مصيبة في بيتنا هههههههههههههههههههه بس ما اطول في تأنيبه شوية بس حتى ما يتعقد من الموضوع ولحد البارح الصبح كنا في المطبخ انا وهو وكان من غير بامبرز وحسيته بيعصر رحت جبت البوتي على السريع وقعدته فيها بس خاف وصار يبكي ورفض يقعد عليها وقام وعملها على الارض وانا عملتها دراما مرة ثانية يااااااااااااااااااااااااا ككية وهو يقول ياااااااااااااااااااا وانا اقول ليش حسوني عملت ككيه عيب ككية ايع وهو مصدوم بيتفرج عليه وانا اغسل الارض وعملتها دراما بس علشان يفهم بالاول انو غلط وان شاء الله شوية شوة ابدأ افهمو وين المفروض يعملها ويا رب نخلص من البامبرز وارتاح اااااااااااااوف
والله يا ريت يا بنات نركز مع بعض على هذا الموضوع وكل وحده تحكي بالتفصيل بتعمل ايه مع البيبي حتى تعلموا على ترك الحفاظ والانتقال الى مرحلة البوتي
شموسة
واحشاني انا عارفة اني مقصرة معاكم ومقصرة في قرأة الواجب
يعني جت في صالحك ان اخو زوجك لسه ما لقى بنت الحلال اللي يتمناها هههههههههههههههههه
ربنا يرزقكم وتكملوا بيتكم ويفتحها عليكم من وسع يا رب امين

السلام عليكم كيفكن و اخباركن ايه
ام نونة ان شاء الله بقول انزل لبلدي وحشني ترابها و هواها و ناسها
غير الأهل طبعا الي بنتحسر على بعدهم مع كل نفس و الحمدلله و الشكر لله
كمان ماما رافضة تيجي غير لما ننزل إحنا فامرنا لله ننزل ان شاء الله في الصيف و نقضي رمضان
هناك و نرجعو مع بعض يعني ماما و بابا و اخواتي كلهم ان شاء الله
و يارب نتلم كلنا لانه بقالنا سنييييييييييييين ما اتلمينا دائماً بيبقى حد ناقص لسبب او لآخر
و ماشاء الله عليها الامورة الله يحفضها و يحميها
ام الحسن ماشاء الله عليه الحسن صاير رجااال الله يحفضه و يحميه
يارا كمان ما شاء الله عليها بتقول كل الاعضاء تقريبا بس بالعربي بتشاور عليهم بس
ما تنطقهم و ابتديت أحاول أتكلم معاها عربي
و بالنسبة للحمام عملتي كويس انك ابتديتي معاه
بنتي كل ما تشوفني رايحة للحمام ضل تقولي بيبي و اقلها عايزة تعملي بيبي تقول اه
بس الي عيزاه تطلع كل الي في الأدراج ههههههه
و البارح حطيتها في البوتي قعدت تقول بوبا يعني تالمها و ما عملت شي
بس ضلت خمس دقايق من غير حفاض و هي فرحانة بتقفز و ترقص و تحرك وسطها شمال
و يمين حست نفسها خفيفة هههههههه بس ان شاء الله أبدا معاها اول ما يدفى الجو
شموسة حتوحشينا و الله يعين جوجو على طلوع الأنياب و الله يخفف عليها و على الجميع
يارا فاضلها اربع أضراس و تكمل الطقم ان شاء الله
نبوعة كيفك يا قمر و كيفهم الاولاد و طمنينا شو قال الدكتور و ان شاء الله تكوني احسن
و الله يتمملك بالف خير و يجعله حمل خفيف يارب
ام عبدالرحمن كيفك و كيفهم الاولاد و الأميرة و اخباركم ايه
ام ملوكة بتسلم عليكم و بتطلب منكم الدعاء لانه ملوكة حبيبت قلبي تعبانة بقالها اسبوع
بتستفرغ و البارح ركبولها المغدي و معاها إسهال الله يشفيها يارب
و الله يفرج همك يا ام ملوكة و يسخرلك جوزك يارب
ام مريم وحشتينا كيفك و كيفهم الاميرات
ام ايمان و ام تالين و ام نادين و كل الأمهات كيفكن و اخباركم ايه
اما إخبارنا إحنا الحمدلله و الشكر لله بخير غير الدورة المفروض تشرف يوم
عشرة بالشهر و لهلا ما شفتها عملت تحليل طلع سالب و بعد اسبوع رجعت أعدت التحليل و برده سالب
يمكن لخبطت بعد الإجهاض و اليوم حالتي حالة كل جسمي مكسر و معدتي مقلوبة
كنت نائمة و ما قدرت أنام من وراها و قلت ادخل اطمن عليكم و أرجع أحاول النوم
يالله تصبحو على خير

اه نسيت يارا كمان في العد بتقول ورايا
بس هي من زمان بتقول اتنين دوس بتقول عليه دوه كنت اقلها كام عمرك
بتشاور بصباعها واحد بس بتنطق دوه هههههههه
و دلوقتي فتعد من واحد لتلاتة و الباقي تقول ورايا بس على مزاجها اوقات اقلها قول ورايا و لا تهتم
بس ماشاء الله عليها في الكلام لبلبة طبعا اغلب الكلمات شايله منهم الحروف و بتنطقهم بطريقتهابس
بتفهم عليها ههههههه

ام يارا
ما في احلى من لمة العيلة .. يا رب تتجمعوا كلكم مع بعض ومن غير ما ينقص واحد منكم وتسترجعوا ذكريات الاسرة وتعيشوا احلى لحظات المودة والمحبة ويديمها عليكم نعمة ويحفظكم لبعضكم البعض
ربي يحفظها هالاميرة الحلوة ما شاء الله عليها
فعلا اطفالنا زهقوا من البامبرز صارل لهم سنتين متكتفين فيهم ... حسوني بيطلب مني اكثر من مرة في اليوم اني اشيل منو البامبرز بس انا ما اقدر كلما يقول شيليه اشيلو لانو لسه ما تعلم يقول بيبي ومو راضي اصلا يقعد في البوتي كانو بيخاف منها هو بيستعملها كرسي ... ينزل الغطا ويجيبها يخليها مقابل التي في ويقعد يتفرج كارتون بس لما تكون مفتوحة وهو من غير بيجاما واقعدوا عليها الدنيا تتقلب وكانما البوتي بيطلع نار هههههههههه

سلامة ملوكة وام ملوكة مسكينة والله كنت اتمنى نسمع عنها اخبار حلوة مو امراض ومتاعب ربي يشفيها ويخفف عنها ويقومها بالسلامة

ام يارا .. شو قصة الدورة معاكي؟ هو في العادة الاجهاض يعمل لخبطة؟ انا ما عندي فكرة بصراحة بس يا رب يكون السبب خير ... طيب راح تروحي لدكتورة والا راح تستنيها تحن وتجي تزورك من ذاتها هههههههههه انا رأئي انك تستنيها ولا تروحي للدكاترة وكلامهم الفاضي اللي لا بيجيب ولا يودي

نسيت اقولكم
حسوني بالجديد بقى لما يشرب الحليب في الرضاعة صاير يسحق الحلمة باضراسه ويفضل يتخانق معاها لحد ما يقطعها يعني وحدة تمزقت تماما ورميتها وهلأ الثانية اليوم حصلها شق ..ما اعرف هو يقصد ايه من هالحركة ...يمكن زهق من الخرم الصغنون اللي بيجيب الحليب بالعافية وعاوز الرضاعه تجيب حليب كثير حتى يشرب ويخلص بسرعه ...والا يمكن كبر حضرتو وكاره موضوع الرضاعه وقرر يتركها ويشرب في كاس ... الله العالم ايه اللي في راس ابني ولا تقولولي حطيلوا الحليب في sip mug لان ابني اول ما اديهولو يفتحلي الغطاء ويدلقو على هدومو وعلى الارض ويقعد يلعب في الفوضى اللي عملها وانا مليت من هذا السيناريو

ام يارا
هو ازي ياريتا لسه ما طلعت ولا ضرس؟ يعني تقصدي الانياب طلعتهم قبل الضروس والا ازي ما فهمت . انا عندي حسوني طلع 4 ضروس من مدة بس ولا ناب لحد الان هما وارمين صحيح بس ما شرفوا لسه

السلام عليكن
اللهم امين تسلمي يا غالية على الدعوة الحلوة زيك و الله يجمع كل واحد بأهله يارب
و الله ما في احلى من لمة العيلة
و الدورة مع الإجهاض اوقات بتلخبط ده الي بسمعه لأني في اجهاضي الاول
تاخرت اول دورة يومين تلاتة و بعدها جت عادي زي كل مرة
بس المرة دي جت اول شهر قبل وقتها بيومين و الشهر ده لسة ما شرفت
كو قلت استنى اسبوع كده لو مانزلت بزوق اروح للدكتور و أشوف ايه الحكاية ويارب خير
و ماشاء الله على حسونة كبر خلص و بيطلب منك تفطميه ههههههههه
انا يارا بشربها الحليب في كاس مقفول و طالع بوزه مش عارفة اشرح
و المية بتشربه بكاس قافل برده و عنده مصاصة و اوقات كتيرة بتشرب المية بالكأس
بس الحليب بما انها كانت رافضة تشربه كنت احطه في الكأس ده و اشربهولها مع ملعقتين كولاكاو
و دلوقتي اول ما تشوف الكأس تاخد ايدي عشان نروح نقعد و تقولي كوكو على شوكولاط ههههههه
و تشربه الحمدلله مع انه اوقات ما بتخلصه بس احسن من مفيش
و بالنسبة الضروس لا هي طلعت اربع أضراس و فاضل اربعة و الله يخفف عليهم يارب
و يطلعو كل الي فاضلهم من غير تعب يارب
و يارب حسونة يطلع الأنياب من غير ما يحس بيهم و كل الاطفال يارب لانه فعلا متعبين الله يعينهم
باقي الأمهات ايه فينكم طمنونا عنكم

ام ياراااااااااااااا
انا اول مرة اعرف ان البيبي لازم يطلع 8 ضروس انا كنت فاكرة انهم يطلعوا اربعه بس <<< يا شماتة ابله طازة فيا
يا دي الفضيحة يا اولاد الحمد لله ان حسوني مش فاهم حاجة كان زمانو بيعايرني على جهلي ههههههههههههههههههههههههه