السلام عليكم
حبايبي منطاني كَلبي اشوف البيت مسدود فاجيت واجرت بيت مرتب على كَدنا ونضفته ودانتظركم
يالله تفضلوا حياكم الله
يالله عليه الايجار وعليكم الضيافه ههههههههههههههههههه

عاشت يدك على البيت وربي يجعله عامر باهله ويسعد من يمر به ويسجل حضوره بكلمة طيبة ودعاء محبة وترحاب لكل الحبيبات من عراقنا الحبيب يجمعنا حب ترابه وظل سمائوه وشربة من دجلة او الفرات وافيش ياريحة هلي وجنة ياطيبة هلي وحياكم الله

السلام عليكم ورحمة الله وبركاتة
عاشت ايدك نضورة على البيت بس لاالايجار غالي عليج ههههههههه
واني جبت الضيافة لعيونج الحلوة







الدنيا حر عدنا فجبت عصاير
بس الي عدهم برد هذة الشوكلا ادفيكم







وهذة الكنافة هم الكم لان اني كلش مشتهيتها بس ماقدر اكلها
فاكلوها بالف عافية







وهذة الفلافل اويلي شكد مشتهيتها توحمت عليها بس هنا ماكو
وليهسة نفسي بيها هههههههههههههه
شفتوا بالله كضيت فترة الحمل بس اتشهى ومااقدر اكل
الحمد لله على كل حال

السلام عليكم

حياكم الله بالخير

عاشت ايدج نظورتي عالبيت الجديد ولو الايجار غالي عليج بس هسه نسوي سلفه ونرجعه الج ههههههههههه

ام مسرة شنو هالاكل الحلو وبالنسية للفلافل من سافرت جبت ويايه باكيتات جاهزة وعنبة كلت حتى من اشتهي اسوي لان دائما اشتهيها وهنا اكو بس موطيبة مو مثل فلافلنا يسووها بالباكلة مو بالحمص لو يمي جان دزيتلج حبيبتي يلا ميخالف انت اشتهي واني اكل بدالج

سلامي للكل

هلا ومرحبا
هم زين يا عيني نظورة فتحتي البيت العراقي اني جيت وما لحقت لا ااجر ولا اشتري شلعت ومشيت
بس عيني شنو ايجار بيش مايكون احنا نشتري العراقي مايعيش بالايجار
شلونك وشلونه سوسو
هلا ام مسرة عاشت ايدك ضيافه تفتح النفس
شلونها سراوي بالمدرسه
انت اعملي فلافل حمص منقوع بالمي ونزليه بالمكينه وبهارات وفلفل وصودا وام مريم شاطرة وتعرف الطريقه

حياك الله اختي ام الام 60 كل الهلا فيك

هلا ام سما شلونك ام دينا مو نسينا اسم بنتك الحقيقي

ام سماوي بالف عافية الفلافل بس اذا غصيتي اني معلية هههههههههههه
اني هم جبت عنبة
ام حمودي شلونج قلب وشلون الاولاد يارب بخير
الفلافل اني هم اسوها بالبيت والحمد لله كلش طيبة بس مشتهيتها بالصمون العراقي
وجربتة مرة ونجح بس الفرن هسة مديحمى زين فمنجح بعد
ان شاء الله باجر ناوية سوي على الغدا
تدرون مرة جنت بيت اهلي واخوية جابلنا سندويشات همبركر من السندباد
مقبلت اكلها كتله اني اريد فلافل وتعالي وشوفي التصنيف على انتي تجيبين الفكر ههههههههه
بس شسوي والله احبها كلش الله ينطي الي اخترعها ههههههههههههه

الله يديم اللمة الحلوة عيني هاي شنو العراقيين من يزورون الوطن يطلعون وبيدهم شيشة عنبة لان نفس الشي من رحنا للعراق جبنا عنبة
وبالغربة محافظين على العادات والاكلات الي صارت مضرب مثل للاصدقاء والجميع يحبون الاكل العراقي ويتعجبون بانواع المرك والكبة والدولمة والبرياني والتشريب والدليمية
والمسكوف والقوزي واطيب شي بعد الاكل الشاي المخدر وريحة الهيل والاستكانات المذهبة
تسلمين عيني غسق الليل على الترحيب

ياهلا بالام نورتي البيت العراقي حبيبي
عاد عرفينا عن نفسك قبل ميجي محقق كونان (نضورة ) وتفتح التحقيق
على كولتج كل سنين الغربة وابد مغيرنا من اكلاتنا الطيبة
اذكر من جنت بسوريا جارنا جان يتوسل بابو مسرة كلما تسون دولمة اريد صحن
حق الجار على الجار ههههههههه

كل الهلا بام مسرة ومبروك الحمل انا من العراق واهلي بغداد وهسا خارج العراق طبعا هاي 3سنين الاطفال يشتهون الفلافل ومن نروح للعراق العزيمة اكلات عراقية ونطلب الفلافل وعلى كولتج محد يجيبها ويضحكون علينا جايين لهنا على الفلافل حضرت العام وجبة بالبيت صحيح طلعت بديعة لكن مو مثل لفة الفلافل الحاضرة ولو تدخلين للحاسب تشوفين مخزنين صور الاكلات العراقية الي انا اطبخها والي مصوريها وصورة الخبز واللفات وانواع الاكلات والاولاد من يوم يروحون لبركركنك والماك يجون صحيح متونسين بس يكولون كل الفاست فودنك بكفة والفلافل بكفة
اخذنا الكلام على الفلافل
ومعاناة العراقيين بالغربة محد يعرفها غير المغترب وعلى رغم الاوضاع الي بالعراق الا من نروح نشوف طعم للحياة وهنا لو ارقى بيت وارقى عيشة ما لها طعم لان مانشعر بالانتماء وحب الوطن والاطفال من ادرسهم اجتماعية قلبي يصير نار اتذكر الاجتماعيات مال صف رابع ونشيد موطني والوقفة الصباحية وتحية العلم يوم الخميس ايام عرفنا قيمتها من شفنا اطفالنا يدرسون الوطنية وبدون مايكونون بالوطن
مكضية مابيدنا حيلة غير الصبر على الايام

مساء الخير
ومبروك علينا بيتنا الجديد
حي الله اخواتي الغاليات
وكل الهلا بالام 60 منورة بيناتنا
ام مسرة اخ شهيتيني بالفلافل
طمنيني شخبار الحمل وشكد الج ربي يسهل حملك وولادتك يارب
نظورة شخبارك وربي يسهل سفرتكم للعراق وتشبعون بيه
ام محمد شخبارج وشخبار امنا الطيبة ام طيبة ان شاء الله بخير
مشتاقتلكم والله
ام سما شلونك بالدراسة ان شالله زينة ربي يسهل لكم
وسلامي للجميع