سلام عليكم
ربي يعاون ان شاء الله
على فكرة زينوبيا ام سومه نزلت الطريقه متع الوردة تحنن راهووماشاءالله بالتفصيل الممل صورة وشرح ربي يفرحها بسومه
وشن قررتى فى الحاجات الحارة على شنى رسيتى والحلويات وشن بديرى سهريات وشن بتفرقى يله عاد احكيلنا بالتفصيل عالخطه اللى بديريها ههههههههه خلينه نتعلموا مابين كبروا الشباب لين نلقى الافكار قدامى
وربي يجمع شملكم والله صعبه كل اخت بمكان
وربي مايخلى حد اكيد عندك صاحبات والله تلقيهم زى الخوات واكتر

بارك الله فيك اختي ملكة الرومنسيه
بالنسبه للحاجات الحاره والله مازلت ما رسيت على بر
انا نفكر نعمل حاجه جديده وما زلت انشوف ونسأل
وديما بنعمل 3 اشكال والارز بالخلطه وفوق منه شورما
والحلويات للحوش للعزومه بشكل مستمر
نبي ندير او اشتري واتي غريبه وكعك مالح وحلو
ومقروض ومعمول وطبعا الناس عندنا تساعد في بعضها
كل اللي يجي يجيب نوع حلو معه وخاصه انا ناسي كلهم من مصراته
كل واحد يجيب حاجه وبالنسبه للمساعده الحمد لله الاحباب واجدين
صبايا خوتي وصديقاتي وخواتي قبل العرس يكونن عندي اكيد
والحمد لله وقلتي ام سومه نزلت الورده
وين

وينكم ووووووووووووووووووووووووينكم
سيبتوني بروحي في حيرتي
في هاليومين نبي نمش نشري لوازم الفرح
مثل اكواب وكيسان وفناجيل قهوه وصفر وملا عق وسكاكين
ووووالخ من كل ما نحتاج ومناشف وفوط وامخاد
ذكروني ايش نشري اخري يلا نبيكم تشاركوني خطوه خطوه

كتبت بواسطة زنوبيا مصطفي

وينكم ووووووووووووووووووووووووينكم
سيبتوني بروحي في حيرتي
في هاليومين نبي نمش نشري لوازم الفرح
مثل اكواب وكيسان وفناجيل قهوه وصفر وملا عق وسكاكين
ووووالخ من كل ما نحتاج ومناشف وفوط وامخاد
ذكروني ايش نشري اخري يلا نبيكم تشاركوني خطوه خطوه

اهلين زينوبيا كيف حالك اعانك الله
بس قوليلي كيف صار مش كل شي على عرب الصاله نقصد كيف بتشري كل هالماعين وانت حاجزه في الصاله اه ه ه والا للحنه
ياريتي جنبك ارني درتلك الوريده والحاره والله نحكي بصدق

ألف مبروووك وربي يتمم له على خير
واي خدمة نحن جاهزين ياغالية

ألف ألف مبروووووك
اللهم بارك لها وبارك عليهما واجمع بينها بخير

السلام عليكم ورحمة الله وبركاته
كيف حالك يااختي زنوبيا واناشاء الله الف الف مبروك مقدما
وكيف حال المطمنئة خالت العريس واناشاء الله اموركن زينة
شوفتي اختي حتي انا توة جاية ليبيا ونبي اندير اسبوع بنتي واديرة الاسبوع في صالة
وبما اني من بنغازي يعني التقاليد وحدة
شوفي اختي انا حجزري هلي في صالة قالوا توة جديدة في الملاهي اسمها الكورنثيا
واناشاء الله تطلع مقيومة وعن نفسي امديرة العشاء رز والتارت المشي مفروم وخضرة
وبوريك بالجنة والسلق واسكلوب دجاج وخواتي ايقولن انزيدوا نوع واحد اخر بس انا انقول خلاص ---لان في رز ولحم
والحلو اناشاء الله اموصية علية وحدة من طرابلس نوعين الحجم كبير اشوية ومقيم وبكلاوة نبي انوزعها بع العشاء مع الشاهي وعلي فكرة توة الشاهي ايقدموا فية مع اللوز واناشاء الله امديرتها --والفاكهة الموجودةواللي موسمها توة
والمشروب عصير طبيعي وغازي ---
والخلوط والسواك والوبان امعاة المببنير بصراحة جبتها من امريكا من عندي
واناشاء الله ربي يسترني ويستر الجميع ياااااارب
والله عندك حق انا اسبوع مش عرس وما نرقد الليل وقاعدة مش في البلاد وخواتي وماما شاليات عني الحمل كلة واللي نبيها اديروها ليا
وتوة مازالت بس الطباخة----- والفرقة لغيتها حتب الدجي اكويس لان اسعارها غلت في الصيف
حاجة ثانية
كان تبي حلويات مقيومات والله علي حكي خواتي حلواني بلادي ممتاز جداحتي في فرح اختي السنة اللي فاتت خذت من حلو الصالة وخذت منة تشيز كيك كل وحدة وطرفها قالوا حلوا والتشيز كيك حتي حلواني غازي ادير فية وارخص من بلادي
والموالح عليك وعلي المطبخ العربي اللي في الفويهات الغربية----اه حنب حوش هلي جميع الموالح ادير فيهن وشغلةحلو وحتي الرز يطبخ فية وكان ماعنك طباخة وتبيها الطباخة تقعد في حوشك جنبك اديزلك اثنين من الساعة تسعة الصبح اتكون عندك
واناشاء الله ربي يسترنا ويستر الجميع واي حاجة وخدمة ادللي حتي كان انا بعيدة نسال خواتي وانرد عليك
وعلي فكرة العروس امتاعكم احجزولها الكوافير في سحر الشرق اللي في حي الدولار مش عادية اسمها مدام اعتدال ---ههههههههه
واناشاء الله مرة ثاينة ربي يستر الجميع

الف مبارك
جعله الله زواجا سعيدا مباركا
واعانك الله على الترتيبات ليكون اجمل عرس

ما شاء الله عليكن اخواتي كل ما نغيب نرجع نلقى
الردود انا كل اربعاء نذهب لامي الله يحفضها من الصبح
ولما رجعت دغري على الاب توب اه ووجدت الردود كم كانت
فرحتي بمن شاركني اشكر اختي المستغيثة بالله على الاهتمام
وكذلك عزيزتي بنت -الغلاااا و ام العزاز
اهلا بيك اختي omsuma65

اهلين زينوبيا كيف حالك اعانك الله
بس قوليلي كيف صار مش كل شي على عرب الصاله نقصد كيف بتشري كل هالماعين وانت حاجزه في الصاله اه ه ه والا للحنه
ياريتي جنبك ارني درتلك الوريده والحاره والله نحكي بصدق

بالنسبه للماعين الصاله يوم الحفله اللي هو يوم الزفه بس اما
الحوش ياما يبي المحاس كله فيه عزومة الرجاله والرمي والصبحيه
وبارك الله فيك على العرض وياريتك جنبي لاتشرف بمعرفتك عزيزتي احسنتي


والان جاء دور عزيزتي اسيل وسالي
بارك الله فيك على الاهتمام ومبروك عليك البنيه
ان شاء الله من الصالحات وجعلها الله قرة عين لك وربي يتمم لك مناسبتك على خير
والحاجات اللي تبي تعمليهن كلها روعه وفعلا المطبخ العربي مشكور
بس كثرت المطابخ والي يشتغلن في المالح والحلو وحيرونا وخلاص
وربي يستر على فكره هلك جيران اهلي وانا نعرف ناس وين ما قلتي
وبناتهم في امريكا ومن اعز الناس ممكن نعرفو بعض عطيني لمحه او اماره
فيش تقري

السلام عليكم
مشاء الله البنات ما قصرو الكل شارك ولو بمباركه
وانشاء الله الافراح دائمه... انا مشغوله ها الايام افراح كثيرة
عندي ثلاث افراح لمدة اسبوعين في العائله
اختي زوبه قلبي معك ..بس مازال عندك وقت كافي وربي اسهل