السلام عليكم

مينو وام شهد وعبد هنا ؟؟

شايفة الوردات مضوية

بعدين شو مبارح حاطين الولاد بالمقلاية وعم تفصلو وتلبسو

ياعيني ياعيني

المهم نحنا معزومين ها

اي رغودة الحمدالله عالسلامة .... كيفك انشالله صرت احسن؟

اهلين بالحلوة ريما
تؤبشيني واخيرا لقطتك واجتمعنا
اي انا صرت احسن الحمدلله
بانتظار زيارات الم الضرس المفاجئة وان شاء الله تخف الدوخة لبين مازور دكتور انف اذن حنجرة

دعواتكن

كيفك يابطة بدي اسالك ممكن تعرفيني عنك من جديد

بعرف انك متزوجة مو .. جاوبتيني وقتا ع موضوعي تبع النافذة ..

بس ماعرفت تفاصيل

لك سلامتك من الم الضرس ... حسدوكي ولي على قلبي ...

انشالله معافاية الهي ...

قلتيلي التفاصيل ... يا ستي هي خرج ينعمل عنها مسلسل ... لا عم امزح ...

اي متزوجة من شي سنة .. وانا بفرنسا .. بس انا وزوجي كل واحد بمدينة ...

اي وهيك شو بتخبريني عنك .. كيفك عالخطبة انشالله مبسوطة ؟

آآآآآآه ياقلبي عذاب حلو

ليكي هلأ المشكلة مشتتة بين ارتبط بين كمل دراسة بين ال 2

تركيها ع الله

متوكلة ع ربنا ومستخيرتو بكل شي ..

كيف الجو بفرنسا برد ؟؟

نحنا بررررررررد ومطر الله يبعت الخيرررررررر

والله الطقس عنا برد ومبارح كان تلج بس الصبح داب ...

شوفي عالارتباط والدراسة انا عاملة التنين ... ويعني الحمدالله ماشي الحال بقالي هالسنة وانشالله بخلص ..
انا بشجعك تعملي متلي التنين .. ما بعرف شو ممكن تتابعي دراسة بس اختاري شي سهل وما بده دوام كتير ... بالنهاية استخيري اهم شي وشوفي انت وقدراتك وصبر شريك حياتك ... لان هي مهمة ...

.. مع اني عم احكي عالتشجيع ... اليوم ما جاي عبالي اشتغل .. مقضايتها عالانترنت ...

بتعرفي يا ريت في شي وصفة سحرية تشجع عالدرس ..

خخخخ ياقلبي عليكي تسلميلي انتي وتشجيعاتك

يلا عدي معي ع النت اليوم كتير مالة وزهئانة

شو طبختي ؟؟

ممم ,,مبارح كنت عاملة معكرونة تغديتا اليوم .. بتعرفي انا بطبخ المسا عن تاني يوم لان دوامي طويل ...

جاييتني بكرى مرت اخي من سورية زيارة اسبوع ... ولازمني يعني احتفل فيا ... وقال عبر عن ابداعاتي بالطبخ ... الله يستر لا اخبصلي شي طبخة ..

عم فكر اعمل بامية ورز ... او سمك فيليه ... ما بعرف لشوف نشاطي اليوم المسا بس ارجع عالبيت ...

انت شو طبختي ؟

انا عملت بيوريه بطاطا وشوربة خفيفة

مابدي خبص بالاكل مع اني عاملة كبسة ولكن الدكتور قلي خفف شوي من مرقة البندورة

والدهون بس هالفترة

مممم يا عيني عالكبسة ... منيح هي ذكرتيني بطبخة جديدة اعملها لمرت اخي ..

بتعرفي انا هون برجع بطبخ كتير احيان طبخات ما كنت اكلها بسورية .. ما بعرف عالبعد يمكن بتشتاقي ... شوفي هون المجدرة والفلافل من الاكلات العظيمة .. وانا بسورية ما كنت اكلن ...