الحمدلله على السلامة ياحره مبروك عليك لبنية وأنشالله أتكون من قسمك
وأنشالله اتكون من الدرية الصالحة يارب أتربى في عزك وعز بوها يارب

حره تفضلي الهدايا يارب تعجبك

يارب يعجبوك
وأنتضري المزيد

طولت يا حبيبات عنكن
كنت اندير في شريبات لحره تلقاهن يقوتنها

الحمد لله على سلامتك ياحره ويارب تكون صحتك وصحة بنوتك بخير ويارب تتربا في ضلك وعزك وألف ألف مبروك

وهذه الهديه وبعتلها عاخاص بدري هديه

كتبت بواسطة مغتربة 2

شانتال ضحكتيني يعطيك الهني الواه تكسري في الشقاقة مزال وراك عرس تبيهم الفلوس انت غير ارفعيلها جغوم في المستشفى ونهار تروح اوقفي في المطبخ وكان زايد عندك من حلاوات العيد حاجة ارفعيهم معاك وبوسة للينية وتلعيبة ويمشي الحال راهو انا ماتعبى عليا في هدية الحق الفلوس انلقط لعرس بنتي من توا وان شاءالله الحال ايلايم توا ناخد نخيطلها زوز قماميط (القماش الابيض مافيه ارخص منه) وباكو بشكوطي سنيلة ونخش نزغرت من الباب
واي وحدة بتجيب عليا نخيط القماميط ونغسل البيبي ومعليش مرات نكبر الشرك ونرفع شكلاطة سعيد طرررررررررررررررررررروف نوع من تغيير النحيلة

ههههههههههههه مغتربة يا عطيك السلامة ضحكتيني بكلمة شكلاطة سعيد طروف .... هههههههههههههههههههههههههههههههه

باهي كويس انتي بتغسلي بنت حرة و من بيغسلك بنتك ... خليني اني معليشي نتعلم فيها و مش راح تتزلفط مني ... و كان خفت تو نديرولها حل اني و شانتال و نطلعوهالك تبرق برق
خخخخخخخخخخخخخخخ

كتبت بواسطة العجولة

حره تفضلي الهدايا يارب تعجبك

يارب يعجبوك
وأنتضري المزيد

يا سلم العجولة .... من توا هدية البنت ادوات مطبخ ... تبي ادخليها طول على الفلاحة يا حبيبة

كتبت بواسطة ابريكه

طولت يا حبيبات عنكن
كنت اندير في شريبات لحره تلقاهن يقوتنها

سلم يا ربي بريكة و شريباتها .... و اني نقول من بكري المرا وين غطست و ماعادش حسنا ليها حس

السلام عليكم
هذى هدية البنوته ياحريره ان شاء الله تعجبك

كيتي شن قصة انت وشانتال بتتلاقن علي بنيتي نهاري الابيض بالك بتحطيها في الغسالة والا بتنقعيها في البوتاس لا ياودي انت تعالي قعمزي جنبي ديرلي من هالصفيرات الحلوات وتعلمي مني الغسل قبل منها استفدت لنفسك وتغسلي صغيويرتك بلا جميل حد ومنها بالك انا يخطرلي نبي نرقد الصبح نعلقها في رقبتك واهو يوم انت ويوم شانتال ماحد يحرج لكن قصة تبرق راني خفت منها

كيتي ربي يفرحك كيف مافرحتيني تعرفي بجديات في الاول قريت ردك وخديت الموضوع ضحك ورديت عليك بعدين رجعت تاني لردك نقرأ فيه لقيتك كاتبة من بيغسلك بنيتك فرحت قلت بالك زي مايقولوا العزايز نطق علي لسانها وربي بيعطيني مافي بالي ويتجيني بنية ان شالله ياكيتي اتجيني بنية وربي يعطيك تؤم اللي تتمنيه ولاد او بنات اوخيتك راهو قريب نوسوس حتى الحوايج شارتهم متاع بنات قريب حتى ماتلبس العيد الجاي كان ربي عطاني عمر وتيته غير توصل بالسلامة لكن كان جي ولد لا اعتراض على قضاء الله غير ممكن تجيني سكتة وقتها علي مانطمع في روحي وربي يسترني (ماتضحكيش عليا راهي شوفة البنت زي الولد حارة)

الف مبروك للمولودة الجدبدة والحمد لله علي السلامة