ايه الغباء اللى انا فيه ده
يعنى انا ماغلطش
طيب مش تزمروا كده ولا حاجة ده الواحد شك فى نفسه انه برج من دماغه لسع
عموما فكرة جميلة اننامتجمعين فى مكان واحد

حرم احمد

للاسف انا مش عندى تليفون بيت
انتى ساكنة فين فى مكة
انا فى الششة

بس كده بقى فيه مشكلة
الموضوع اسمه تجمع المصريات المغتربات فى الامارات
معنى كده ان مش هايدخل الموضوع غير المغتربات بالامارات
ياريت لو ينفع يبقى فيه تنويه باى طريقة بحيث المغتربات بالسعودية يعرفوا التجمع ويدخلوا

سلام عليكم بنات ازيكواااااا

هنا شكرا على المعلومات سناء انا بشوفة كتير وفعلا عايزة ادخله وسوق نايف فضلنا نلف عليه ساعه حوالين نفسنا ومعرفناش نوصله خالص

وهبقى اشوف موضوع الشارقة دة

طيب وعندك في ابوظبي في اماكن فيها حاجات كويسة ؟؟؟؟؟؟ظ احنا بردوا بننزل ابوظبي

اخر مرة كنا هناك ايام معرض الكتاب روحتيه ولا لاء؟؟؟

ورحتي مسجد الشيخ زايد ؟

احنا روحناه يوم الجمعه وجوزي اضايق جداااااااااا من التكلف ان الناس دخلة تتصور مش تصلي وطلع متعصب ومشينا على طول وانا ملحقتش اتفرج هههههههههههههههههه

اهلا حرم احمد ومروة من السعوديه ههههههه

فعلا معاكي حق يامروة

ها يبنات بقالكوا قد ايه برا مصر اللى في الامارات واللى في السعوديه ؟؟؟؟؟؟؟؟؟؟

ازيك يامروة انا ياحبيبتى ساكنه فى شارع المنصور وكنت فى العزيزيه
بس جيت المنصور عشان شغل زوجى اعرفك بنفسى اكتر انا اسمى علياء
عندى 28 سنه وعندى عمر 3 سنين ومعاذ سنه وجوزى هنا بيشتغل محاسب
وانا اصلا من طنطا لو عاوزة تعرفى حاجه تانيه انا تحت امرك بس بجد
نفسى نبقى اصحاب عشان انا مش عندى اصحاب فى مكه
نانى احمد ازيك ياحبيبتى انا هنا بقالى اربع سنين فى مكه يدوب اتجوزت وجيت علطول
انتى بقى بقالك اد ايه وعندك كام سنه ومنين من مصر ؟؟ عرفينى بيكى اكتر
هنا ازيك يا حبيبتى يارب تكونى بخير انتى والولاد انتى بقى فى الشهر الكام ربنا يقومك بالف سلامه يا قمر
تحياتى للجميع

اهلا ياقلبي يا ناني ..

نايف دا ياحبيبتي توقفي سيارتكم وتاخديله تاكسي عشان لو لفيتي يومين مش هتعرفي ...ههههههه .. زمان كنا بنقف قدام بوابة السوق ولو بعدنا كنا بنقف في موقف المول اللي جمبه مش فاكره اسمه ايه ..

ابوظبي حلوة بس غاليه شويه بنجيب اغلب الحاجات هنا من سوق مدينة زايد متكامل وفيه محلات كويسه .. بالنسبه ليا بلبس العبايات فمعنديش لف واختيارات كتير .. ولما بحب اجيب لبس سبور او كلاسيك لتحت العبايه بجيب من مستر برايس جوا سوق مدينة زايد .. ونادرا تلاقيني اجيب من كارفور دا لما الاقي حاجه تنفع يعني ..

والاولاد البيبي شوب زي ماقلتلك..

اه في كمان سوق المينا فيه محلات حلوة للكبار والصغار ..

بالنسبة لمعرض الكتاب بعت جوزي ورجع ليا بكتب روووعه منهم صحيح البخارى حاطاه في خطة القراءة الجايه باذن الله بس انا مرحتش كانت نفسي غامة عليا هههههههههههه

اما بأه مسجد الشيخ زايد فالحمد لله ولا فكرنا ندخله وجوزي يقولي اصلي في الشارع ولا يصلي فيه .. على قد مابنحب الشيخ زايد الله يرحمه بس القبر في ساحة المسجد .. وسيبك من الغلو .. ياستي الله يرزقهم بس البدع بقت عيني عينك .. ولعلمك في خطه قيد الدراسه والتنفيذ بوضع شيوخ لقراءة القرآن عند القبر على مدار 24 ساعه وانا لله وانا اليه راجعون .. خليني ساكته احسن ...

انا حبيبتي علياء مولوده هنا قعدت في دبي 18 سنه وبعدين مصر 4 سنوات الكليه .. اتجوزت السنه الاخيرة وولدت بنوتي بعد الامتحانات بشهر هههههههههه

رجعت على ام القيوين... واخيرا ابوظبي بقالي فيها 4 سنين تقريبا ... الحمد لله على كل حال...

علياء ياقلبي انا في اول الثالث لسه .. ربي يحفظك حبيبتي ويسعدك ..

مرواتي ... بعد الشر عنك من الغباء ... معلش بتحصل في احسن العائلات ههههههههه

السلام عليكم علياء وعلياء ومروة

عندنا اتنين علياء في التجمع ماشاء الله اسم جميل اوي

انا بقى اسمي رشا وعندي 25 سنه يادوب اتجوزت شهر 10 اللى فات وجيت على دبي على طول يعني متجوزة من 5 شهور ونص وبقالي في دبي النهاردة 5 شهور بالظبط هههههه ولسه مفيش اطفال

كنت بشتغل في مصر محاسبة قبل الجواز ودلوقت انا قعدة في البيت مش بشتغل وانا ساكنة في الهرم في مصر

لكن شقتي انا في مدينة النخيل في القطامية


شكرا يا علياء على الاماكن في ابوظبي

وفعلا جوزي حلف ما يروح المسجد دة تاني ههههههههه بس هو في قران فعلا شغال 24 ساعه على القبر لما كنا هناك كان شغال بس مش عارفة دة قرأ جوا فعلا ولا دة صوت مسجل

السلام عليكم ورحمه الله وبركاته
ازيكم يا حلوين عاملين ايه يارب تكونوا بخير
مين بقى علياء التانيه اللى فى التجمع انا مش
شايفه حد تانى اسمه علياء عرفونى بيها ويارب
تكونوا بخير جميعا
نانى
هنا
مروة
الشيماء
تحياتى للجميع

السلام عليكم

كيفكم يابنات أنا مش مصريه لكن عندي أصحاب لبهم فتر مختفين
قولت أكيد ألاقيهم هنا
مروه كيف حالك ليك وحشه كبيره .
أرجو المعدره علي الإزعاجججججججججججججججج

كتبت بواسطة الشيماء2009

السلام عليكم

كيفكم يابنات أنا مش مصريه لكن عندي أصحاب لبهم فتر مختفين
قولت أكيد ألاقيهم هنا
مروه كيف حالك ليك وحشه كبيره .
أرجو المعدره علي الإزعاجججججججججججججججج

ولا ازعاج ولا حاجه انتى نورتينا ياقمر انتى بقى منين عرفينى عليكى