للبحث في شبكة لكِ النسائية:
|
الحمد لله بخير اخبارك انتى ايه وعامله ايه مع الغربه عن الاهل
معتقدش ان الجو هيكون حر اكتر من هنا ربنا يهون علينا وعليكم ويرحمنا برحمته
وربنا يعنا على زحمة الحرم بس نعمل ايه احنا ماشين تبع شغل زوجى لما كنت فى السعوديه قبل كده بس مع بابا وانا بنت كنا فى جده وكنا بنختار الاوقات الهاديه عشان جده قريبه بس احنا هنا فى اخر الدنيا ربنا يسهل وننتقل من البلد دى قرب الحرم
معلش يابنات ممكن سؤال
البلد الى انا فيها مافيهاش اسواق والحاجه الى هنا غاليه جدا فعاوزه اشتري الهدايا الى هجبها للاهل من مكه
انا عارفه ان فى جده محلات كبيره زى شبرا والهرم فى حاجه زى دى فى مكه؟ واماكنها فين ؟ يعنى ممكن تتاخد مشى من الحرم ام هاخد تاكسي واقول للسواق ايه؟
وهل فيه محلات بتبيع عبيات سمرا حلوه وقيمه وتطريزها قليل؟ اصل اخت زوج طلباها وعاوزين نجيب حاجه حلوه بس مش عارفين منين
معلش تقلت عليكم بالاسئله ربنا يبارك فيكم ويجزيكم عنى خير
ام مريم
بالنسبة للهدايا مش هاتعرفى تجيبى حاجة من حول الحرم لان زى ما انتى عارفة أغلب الاسواق اتهدت
فانتى ممكن تروحى رامز و اريام ومجمع العائلة الدولى والتلاتة جنب بعض فى منطقة اسمها العزيزية ماتبعدش عن الحرم غير 5 دقايق بالتاكسى وقوليله العزيزيه مركز رامز للتسوق وهتلاقى المركزين التانيين جانبه
ودول بصراحة هتلاقى كل اللى يخطر على بالك من الهدايا فيهم وأسعارهم ممتازة
بالنسبة بقا للعبايات مافيش احلى من الابراج وبصراحة برج جديد اسمه مركز الصفوة قدام الحرم فيه شوية محلات عبايات ممتازة وتطريزها حلو واسعارها كويسة جدا من 130 ريال الى 180 ريال
واى سؤال انا حاضرة يا جميل
متحرمش ابدا منك يامروه
جزاك الله خيرا
بجد كلكم هتوحشونى الايام الى هقضيها فى مكه مع انى مبسوطه جدا اننا رايحين اصل انا بحب الحرم جدا
وربنا يتقبل منا ومنكم
وادعولى ربنا يهدى لى مريم وتخلينى اصلى فى الحرم بهدؤ من غير بكاء
السلام عليكم
ادعى لنا يا ام مريم فى الحرم وانشاء الله ربنا يهدى لك بنوتك وعمرة مقبولة انشاء الله
مروة اخبارك اية شكرا على المعلومات القيمة دى علشان لو روحنا نعمل عمرة انشاء الله تبقى عندنا
عليا وحشتينا تعالى بقى
السلام عليكم ورحمه الله وبركاته
ازيكم حبيباتى وحشتونى كلكم اوى
فاطمه حبيبتى ازيك وحشتينى
ام مريم ربنا يهديلك مريم وتستمتعى بالحرم وعمره مقبوله ان شاء الله
مروة ازيك يارب تكونى بخير
هنا فينك طمنينا عليكى ان شاء الله تكونى بخير
تحياتى للجميع
الروابط المفضلة