السلام عليكم ورحمة الله وبركاته
شلونكم بنات العراق الحر العظيم
الله يوفقنا بهذا البيت اللي لم جمعنا من جميع اقطار العالم والله شئ رائع واللهم يسر لنا امورنا انك انت السميع المجيب وصلى الله تعالى على سيدنا محمد وعلى اله وصحبه اجمعين
بالتوفيق يا سارة الوردة وبنت حتتي
وسلامي لام مسرة وام ام العراق وبتها وبالتوفيق

عزيزتي ام مسرة بالنسبة للحياكة على السنارة طبعا اعرف
اعرف اسوي سلسلة(زنجيل)واعمل بعدين حشوة عادية مربعات واصعد
بس هذه بالبترون مثل الرموز بس علميني عليهة حتى اعرف شلون امشي عليها واعلم بنتي
شكرا الك اختي بالمناسبة ليش ما تفتحين دورة هنا بين خواتك

وعليكم السلام ورحمة الله وبركاته
سارة حبيبتي مشكورة على فتح البيت الجديد
بس الظاهر حيل مستعجلة نسختي الدعاء من البيت القديم هههههههه
ان شاء الله البيت العامر باهله يااارب
ويارب يوفقج بامتحاناتج ونفرح بيج وبتوتة الحلوة


......................................؟؟؟؟

السلام عليكم ورحمة الله وبركاتهِ
كيف الحال والاحوال (شلونكم)
شنو بس رحت لبيت الجيران ارجع البيت متغير ""حياكم الله""
الف هلا بالجميع وتسلمين ساره حتى كلما ندخل البيت ندعو لك بالتوفيق والنجاح
س______________لا___________م___________ي

هلا طفولة انا وانت بعثنا الرد بنفس الوقت اليوم, 01:27 AM
هههههههه مع العلم انا صار نص ساعه اريد اكتب وفاتحه الرد
بس علاوي يضرب الكيبورد بس اسع رضع ونام
والحين جا الكهرب الوطني الحمدلله هاي يوميين اتبهدلنا
شلونك نظوره مو هون ...باب تليفون الو مو هون خخخخخ

شلونكم حبايبيخالة ام ام العراق
صبّاوي
مومو
زهورتي اشقد صار عمره علاوي
عرمة گدامة طويل حبيبي

هلا والله هنو شلونك اخبارك
علاوي ياعيني عمره سنة وشهر بتمام
ولحد الان مامشي دعواتكم بالي مشغول
بس اريد الاولاد يعطلون حتى اخذ علاوي للطبيب
هو لحد الان مامشكلة بس التأكد أحسن
لان اخوته يمشون قبل السنة وهو نشيط بس احسو متكاسل
لان اكو من يحملو عليش يغلب نفسو ويمشي ههههههه
دوختك

هلا زهورة الغالية
انا بخير الحمد لله بس حشاج راسي يوجعني
زهورة
اتذكرت ذيج الايام الحلوة اول ما تعرفت عليكم بالبيت
جان علاوي حبيبي نونو صغيروني حياتي
جنة اني وياج وانو وفطومة
وهسة الگعدة هم حلوة بسلامة الحبايب احلى لمة

هسة من يكملون الولد بالسلامة ودّي لدكتور زين
حبيبي يا گلبي
طشيلة چكليت وهوة يمشي حياتي
الله يخليه الكم يارب
وشكو ماكو
اخبار الاهل
سمعت منج دتگطعون مهر لاختج مادري خطوبة
بالسلامة ان شاء الله مليون مبارك
ربي يتممها على خير
الله يفرح گلوبكم يارب ويسعدها

الله يسلمك ويبارك لك
اي والله اختي مسكت عقد قبل وفاة اخوتي وبسبب الفواجع تأخر الزواج وبنفس الوقت الولد كمل دراسته
والله يسهل بلكت ان شاء الله نهاية شهر السادس يكون الزواج
والحين احنا بوضع صعب بس الله يسهل تعبنا والي راح مو سهل علينا ومابعد نتحمل
انخاف على والدي كثير وصار عدت مرات تهديد دعواتكم ,,,
تعبنا وتعبت اعصابنا والقلقل وعدم الامان متعب جدا
يعني اتمنى مرات الكل يموت ونخلص بقى حتى لا ابقى على اعصابي
استغفر الله العظيم والله ينتقم من الظالمين
ماما متعبه والضغط ماكان بيها اي شي اسع كبرت فوق عمرها يمكن عشرين سنة
الله يكون في عونها ويثبتا الله على صبرنا
راح انهي احسن مايطوف البيت من دموعي سلامي غاليتي ,,,,

ياعيني هنو حتى نسيت اقلك سلامات لراسك ماعندك الا العافيه
والوالده شلون صارت اجر وعافيه ان شاء الله
بس هنو هاي اكثر من مرة تكولين راسي يوجعني
اخاف تسهرين تتعبين او بسبب القراءة