انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 32

الموضوع: من جديد //((***مغامرات الثلاثي المرح**** ))//

  1. #1
    تاريخ التسجيل
    May 2007
    الموقع
    في مكان ما,,,!
    الردود
    2,473
    الجنس
    أنثى

    loool من جديد //((***مغامرات الثلاثي المرح**** ))//

    . . . . السلام عليكم ورحمة الله وبركاته . . . .
    أهــــــلا وسهــــــلا بكــــــم. . .
    عبــــــر المنتــــــدى المحــــــبوب. . .
    منتــــــدى لــــــك. . .
    وحيــــــاكم اللــــــه وبيــــــاكم. . .
    في قســــــم الألعــــــاب والتسلــــــية. . .
    و الله يحيـــــــــكم في. . .
    {*¤~:~ مغــــــامــــــرات الثــــــلاثــــــي المــــــرح ~:~¤*}
    في البــــــداية. . . .
    أتــــــمــــــني من الجــــــميع الدعــــــاء بأن يجمــــــع الله(الثلاثي المرح)
    في الدنــــــيا قبــــــل الآخرة
    وقائدة المركبة معهم


    بعد مغامرة الثلاثي المرح في سوور الصين يعود لكم في مغامرة جديدة بعنوان

    . . . . .
    *_*(أيــــــام فــــــي كوكب المــــــريخ)*_*
    . . . . .الجزء الأول. . . . .



    كانت طــــــيف تفــــــكر على سريــــــرها بعد عودتها من الجامعة
    كانت أيــــــام شتــــــاء وعلى الســــــاعة
    تقــــــريبا 1:30 كان اليوم السبت وبينما هي سارحة في فكرها. . .
    إذا بعزوتي تدخل الشقة وهي(تصبخ) الباب. . .
    تنبيه:
    تصبخ: أي تقفل الباب بقوه. . .
    عزوتي : السلام عليكم طيــــــف جيتي من الجامعة ولا باقي ياقلبي. . .
    لا مجــــــيب أبدا. . .
    عزوتي : غريبة لا يكون راح عنها البــــــاص المطفوق. . .
    تنبيه:
    المطفوق: أي المستعجل المرجوج. . .
    عزوتي راحت تشوف علاق العبايات. . . شافت عباية طيف موجودة. .قالت يمكن نايمة. .
    راحت عزوتي لغرفة النوم فتحت الباب لقت طيف قايمة بس سارحة. . .
    عزوتي : السلام عليكم ما تسمعيني أناديك ساعتين(أسمعوا الكذب عاد هع هع)
    طيف : بكل برود هلا متى جيتي ماسمعت الباب مصبوخ. . .
    (هع هع طيف كانت باردة جدا وعزوتي حارة مره فطيف متعودة تسمع الباب بس مع السرحان ماسمعت شي)
    عزوتي : أحر ماعندي أبرد ماعندك. . .أنا اللي مجنني إنك مانمتي لو نايمة يمكن يوه منك. . .
    طيف : هدي ولاترفعي صوتك مالي خلقك روحي ألبسي وأطلبي غداء من هرفي ماك ليتر سيزر أي شي مره جوعانة. . .
    عزوتي : أسطورة ماجت من الجامعة. . .
    طيف : لا باقي ماجت عندها إلا 3 العصر. . .
    طلعت عزوتي وكملت طيف سرحانها. . .
    (المشكلة طيف وين سرحانة)
    أسمــــــعوا السالفة
    الـــــــساعة ثلاث العصر. . .
    جوال أسطورة يدق. . .
    أسطورة : هلا عزوتي آمري.!
    عزوتي : هلا فيك ياقلبي. .
    أسطورة : وش بغيتي.
    عزوتي : بس بأشوف طلعتي من المحاضرة ولا باقي اليوم مطولة. . .
    أسطورة : توني طالعة حبيبتي. . .
    عزوتي : نحتريك على الغداء لا تتأخري. . .
    أسطورة : خلاص طيب. . .
    قفلت عزوتي الخط من أسطورة. . .

    وجلست عزوتي تناظر التلفزيون إلى أن يأتي المطعم. . .
    بعد نصف ساعة تقريبا جاء المطعم. . .
    أخذت الطلب وجهزت السفرة على الطاولة. . .
    أسطورة دخلت الشقة بقول.
    السلام عليكم. . .
    عزوتي : وعليكم السلام.ياهلا باللي لفا.وجاء يسولف معي.مو مثل طويف.
    أسطورة : ياهلا فيك ياقلبي.
    طيوفتي وش فيها. . !
    عزوتي : سلامتك مافيها شي بس سرحانة! !
    أسطورة : وش سرحانة فيه بالعادة تعطيني رسالة تخبرني بأنها وصلت إلا اليوم. !
    عزوتي : شوفيها في غرفة النوم سرحانة يامال الصلاح!
    (منقهرة عزوتي تلقونها ودها تعرف السالفة هع هع)
    ـ ـ ـ ـ ـ ـ ـ
    أسطورة راحت تغير بعد الجامعة. . .
    دخلت الغرفة. . . .
    أسطورة : السلام عليكم
    طيفي وحشتيني يا قلبي. . .
    طيف مازالت سرحانه. . .
    أسطورة : طيفي طيفي أنا جيت وش فيك(مسوية مهمة هع)
    طيف : هااه متى جيتي؟
    أسطورة : طف طفي مانتي طبيعة فيك شي. . .
    أحد غلطان عليك.. أحد مزعلك..
    وش فيك. . .
    (مسوية أم خخ)
    طيف : لا والله مافيني شي بس أفكر بموضوع في البحث الجامعة. . .
    أسطورة : أقلقتينا عليك أنا وعزوتي. . .
    طيف : لا عاد مايوصل قلقكم. . .
    أسطورة : روحي لعزوتي تنتظرنا على الغداء. . .
    طيف : طيب بروح سلام. . .

    ـ ـ ـ ـ ـ ـ
    مر يومين على طيف وهي مازالت سرحانة. . .

    يوم الإربعاء الساعة 6:30 ص
    قمنا نلبس عشان الجامعة. . .
    عزوتي : طيف قومي ماراح تروحين الجامعة. . .
    طيف : لا ماراح أروح مالي خلق. . .
    عزوتي : كيفك مو إذا جينا قلت ليش ما قومتوني . . .
    طيف : لا ماراح أقول ولا كلمة. . .
    عزوتي : نشوف إن شاء الله. .
    (خخخ عزوتي منقهر من سالفة سرحان طيف)
    ـ ـ ـ ـ ـ ـ
    رجعنا من الجامعة طيف كانت
    مجهزة الغداء ومرتبة البيت. . .
    عزوتي وأسطورة رجعوا مع بعض. . .
    طيف : واو جيتوا صراحة عندي لكم سالفة. . .
    أسطورة وعزوتي : ! ! !
    وش السالفة يا طفينا. . .
    طيف : بعد الغداااااء إن شاء الله. . .
    تغدينا وحنا متحمسين لسالفة
    المهم تغدينا وجلسنا في غرفة الجلوس. . .
    طيف : أسمعوا يوم الأحد كانت الدكتورة تتكلم عن الفضاء الخارجي والنجوم والكواكب وقدرة الله. . .
    وجالسة تعدد الكواكب وقالت منها (كوكب المريخ)
    يوم قالت كوكب المريخ وهو اللي رسخ في بالي. . .
    وجلست أتخيل شكل الكوكب وفيه ماء ولا مافيه شي. . .
    المهم حلمت اليوم إننا بروح كوكب المريخ. . .
    وجلسنا نجهز مركبتنا كان لونها فضي فيها
    3 خطوط من الجنب الأيمن
    لونها(أزرق..أحمر..أبيض)
    وكان في داخل المركبة مطبخ وغرفة نوم وغرفة جلوس ومركز الإتصال بالأرض. . .
    كان كل شي من 3 ألوان. . .
    كنا في الشقة جالسين نجهز أغراضنا عشان هذي المغامرة. . .
    فقالت عزوتي : طيف أنت متأكدة من الرسالة اللي جتك
    في الإيميل. . .
    طيف : أيه متأكدة وأسمائنا مكتوبة. . .
    أسطورة : أكشخ صرنا مشهورات حتى المريخ بخلونا نروح. . .
    عزوتي : وأنت همك الشهرة. . .
    أسطورة : أيه أبغى الشهرة زي شكسبير(هع لو أحد سألها وش سالفته ما عرفت)
    طيف : بنات ترى بكرة العصر بتتحرك المركبة. . .
    . . . .
    بعد مرور ساعتين. . .
    تم الإتصال على عزوتي من قبل وكالة الفضاء. . .
    عزوتي : ألو ألو
    محمد : السلام عليكم معكم الأخ محمد المترجم في الوكالة
    عزوتي : وعليكم السلام
    محمد : أنت الأخت طيف. . .
    عزوتي : دقيقة. . .
    عزوتي تنادي طيف
    طيف يالدوبا الوكالة تكلمك. . .
    طيف : السلام عليكم
    محمد : تم تأخير الرحلة إلى الساعة العاشرة مساء نظر لعطل في أحد أسلاك المركبة
    طيف : نجي متى يعني نكون متواجدين قبل الرحلة بكم. . .
    محمد : الآن الساعة الثانية عندكم خمس ساعات أي الساعة الثامنة تكونوا متواجدين. . .
    طيف : شكرا لكم

    . . . .
    قفلت الخط وما قالت لنا شي.
    عزوتي : طيف وش يبغون. .
    طيف : ولا شي. .
    عزوتي : أكيد شي مو حلو
    طيف : أنت وش حارق أعصابك تبغي تعرفي. . .
    عزوتي : الشرهة مو عليك الشرهة علي إني تهورت وسألتك. . .
    أسطورة : وش حارق رزك ياعزوتي (دلاخة وش دخل الرز يقلها بتحل المشكلة هع)
    عزوتي : أتمنى تبرد كبدي لو مره. . .
    (هع أبوك يالحرارة اللي فيك)
    . . . . .
    تكمل طيف الحلم الخيالي. . .
    طيف : بعدين جت الساعة ست وطلعنا من الشقة عشان نتعشى
    ورحنا لهفري(هرفي)وطلبنا وجبات وتعشينا
    وطلعنا من المطعم وركبنا السيارة
    ودار نقاش حاد بيننا
    وأسمعوا النقاش. . .
    عزوتي : طيف تدرين أنك بتوهقينا. . .
    طيف : ليش أوهقكم وش سويت. . .
    عزوتي : أخاف نروح المريخ ولا عاد نرجع. . .
    أسطورة : طيب عادي (خخ دلخة ماتدري أنها بتفطس)
    تنبيه:
    تفطس: أي تموت
    عزوتي : عادي عند أبوك ياهبلة. . .
    أسطورة : أيه أبوي موافق
    (تحسبه رحلة جامعية هع)
    عزوتي : أقول ضفي وجهك ياغبية. . .
    طيف : خير أشوفك طلعتي لسانك يا عزوتي ترى أنا ماخذتكم مجاملة يعني يمكن
    مايدخلونكم إلا بالمطاق. . .
    (تحسبه زواج هع)
    عزوتي : كف أحسن تكفين
    أسطورة : خلاص آسفين عزوتي إنطمي يالهبلى. . .
    عزوتي : طيب بنطم عشان خاطر سط سط مو خاطرك يالباردة ياربيه منك وبرودك ياطيف. . .
    . . . . .
    بعد تقريبا ساعة ونصف وصلنا المكان المطلوب. . .
    قابلتنا وحده مؤدبة وأخلاق. . .
    أسطورة : عزوتي هذا كني أعرفها. . .
    عزوتي : أكيد حرمه مثلك
    (مسوية فاهمة)
    أسطورة : لاعاد توقعتها ولد
    أنا أقول شكلي أعرفها يادلخة. . .
    طيف : السلام عليكم معك طيف وهذي عزوتي هذي أسطورة تشرفنا بمقابلتك. . .
    البنت : حياكم الله راح أكون معكم في الرحلة إن شاء الله وأسمي لميس من الجزائر قائدة المركبة. . .
    عزوتي : ممكن سوعال أي(سؤال)
    لميس : تفضلي إسألي مايبدو لك. . .
    أسطورة : مايبدو لك هذا ياعزوتي سبه لك
    (هع هع دلاخة)
    عزوتي في أذن أسطورة : كذابة وش معناته عشان أعطيها مخمس
    أسطورة : يعني كذا معناتها بالتفصيل ما: يا غنمة
    يبدو : يا بزرويه (خخ ولد عم سيبويه)
    لك : المنتدى تسبه بعد
    عزوتي : هيه يا مره ياهبلة وش قالوا لك مانفهم عنقليزي
    لميس : وش يعني مره ما أفهم كلامك! !
    تنبيه:
    (مره:أي حرمه)
    أسطورة : أحمدي ربك إنك قائدة المركبة ولا كان مسحت فيك الأرض. .
    عزوتي : نجي لسؤال كم كفر للمركبة؟
    (هع هع أمحق سؤال)
    لميس : كفر لا صناعتها أمريكية وهي دولة كافرة فيها مسلمين
    عزوتي : أنا ماقلت أشرحي لي علوم أقول كم كفر هذا أسود مدور حق السيارة. . .
    (هع تحسبها شغالتهم)
    لميس : طيف تعالي فهميني وش تتكلم هذي قلبت راسي. . .
    طيف : ماشاء الله يالميس المركبة تفتح النفس نعم وش بغيتي. . .
    لميس : عزوتي ساعة ما أدري وش تبي. . .
    طيف : حبيبتي عزوتي وش تبغي. . .
    عزوتي : ليش بزر تكلمين بهذا الأسلوب (هع أبوك يالقهر اللي شاب فيها)
    أصلا هونت أتكلم معكم. . .
    . . . . .
    عاد ركبنا المركبنا وعفشنا وشرحت لنا لميس كل شي وقالت أنا رحت للمريخ 4 مرات وهذي 5 معكم وجلست تهذر فوق روسنا. . .
    تنبيه:
    تهذر : أي تثرثر تقرقر واجد
    . . . . . . .
    جت الساعة 10 تقفلت البيبان للمركبة وجلسنا في كراسينا وربطنا حزام الأمان. . .
    . . . . . . . .
    في المركبة صار موقف يضحك. . .
    أسمعوا الموقف
    . . . . . . .
    لميس: بسم الله الرحمن الرحيم
    شوفوا يا أمورات بعد من 1 إلى 5 إذا وصلت خمسة خوذوا نفس عميق
    طيب
    طيف : إن شاء الله بناخذ
    أسطورة : عزوتي أسمعي
    عزوتي : هااه وش تبين
    أسطورة : طيف ولميس ماخذين نفس عميق ولا عطونا
    (خخ دلاخة)
    عزوتي : كذابة
    أسطورة : شكرا أجل ماتسمعين لميس تقول بعد إلى 5 وخذوا نفس عميق
    عزوتي : يمكن بفلوس هو
    (هع هع)
    أسطورة : لا بيسبقونا وياخذونه ويخلونا نتفرج عليهم ويقهرونا
    عزوتي : هيه أنت وياها حنا فريق واحد مو كيفكم تاخذون نفس عميق وحنا وسط سط لا

    (خخ عزوتي من سمعت قهر وهي نافخه ريشها)
    لميس: ههههههاي بتضحكوني
    طيف : عزوتي نفس عميق يعني إستنشاق الهواء ياحلوة
    أسطورة : هع هع عزوتي ماتدري وش نفس عميق عشان تعرف إستنشاق الهواء
    عزوتي : يالدوبا ياسط سط كنك أنت اللي تعرفين أشرحي لي يا أرسطو
    أسطورة : لو سمحتي أرسطو ولد خالي مسمينه علي بس شقلبوا الحروف

    (قطع كلامنا صوت لميس )
    لميس: إستعداد
    1/ 2 / 3 / 4 / 5
    أخذنا نفس عميق وأقلعت المركبة

    طلعنا من الكره الأرضية
    وبدأت أحداث المغامرة

    . . . . . . . . .
    شفنا مخلوقات الله سبحان اللي سواها
    جلست تتكلم لميس عن النجوم والشهب والنيازك والشمس والقمر والمذنبات ماخلت شي إلا قالته...

    عزوتي: أسطورة أبغى أسأل لميس سؤال بس أخاف تفشلني
    أسطورة: قوليه لي يمكن أقدر أجاوبه
    (مسوية ذكية)
    عزوتي: تشوفين الزر الأخضر اللي عليه صورة تلفون
    أسطورة: وينة الأخضر ولا الأحمر...
    عزوتي: غبية أقولك الأخضر تقولين أخضر ولا أحمر أوف منك
    اسطورة: يابنت تكلمي معي بأدب
    عزوتي: لا يكثر عاد
    أسطورة: أيه شفته وش فيه تبغين أرعصه
    تنبيه:
    أرعصه:أي أضغطه
    عزوتي : لا عليه صورة تلفون وبكلم البقالة أبي بيبسي
    (هع هع تحسبها في بيتهم)
    أسطورة: أنت ياللي مسوية قائدة ترى ماعندك سالفة ولا عشانك تعرفين تعشقين وتمسكين جلنط تصيرين قائدة
    (هع هع سيارة تعشقين الله يخلف بس)
    لميس: وش تقولين ياحلوة
    عزوتي: عيب عيب تتغزلين بلا حلوة بلاهم نبي نتصل ممكن جوالي مافيه شحن
    لميس: ههههاي حتى لو كان فيه شحن مابيتصل حنا بالفضاء مو بالأرض
    عزوتي: أقول عاد أبغى أتصل بأمي أشتقت لها
    أسطورة: ياكذابة بتتصلين على البقالة
    لميس: ههههاي بتضحكوني كيف بقالة وكلام فاضي روحوا ناموا بس وأبربطو نفسكم عشان مابتطيروا مافيش جاذبية في الجو
    عزوتي: تصرخ بأعلى صوت مسوية فلم رعب
    (نيوتن أنا الجاذبية)
    أسطورة: هع هع جاذبية من وين يابو الشباب أقول طيري عني
    طيف: الحمد لله نمت شوي
    عزوتي: وأنت مره ثانية لا توهقينا برحلاتك فاهمة
    طيف: أحد قالك روحي كان جلستي!!
    أسطورة: عزوتي طيف أنا بروح وأخليكم ما أبغى أجلس معاكم
    طيف: سط سط سلامات وش فيك أحد زعلك
    أسطورة: طيف أنا دايخة ومافيني ولا قطعة نشاط
    طيف: روحي نامي طيب
    أسطورة: ماشورتك بروح أنام
    عزوتي:لا لا لا لا لا تذهبي ياسط سط وتدعيني بهج معك
    (هع فلم هندي)
    راحوا ناموا يمكن 8 ساعات متواصلة نوم والرحلة طويلة
    جت طيف لهم عشان تصحيهم
    تخيلوا معي
    عزوتي نايمة ومربطة نفسها عشان ماتطيري وهي نايمة(خخخ)فلم صار
    أسطورة مربطة يدينها ورجولها في السرير(هع هع تخاف تطير)
    طيف تطير وتقومهم من فوق وهي ماسكه السرير
    طيف: عزوتي عزوتي خلاص نوم قومي صلي الله يهديك
    عزوتي: تونا بدري بعدين ماعندي جامعة
    (خخخ ترها تنسى على طول هالبنت)
    طيف:جامعة أمك قومي تراك حومتي كبدي أوف منك
    (هع عصبت المشكلة عزوتي ماقالت شي)
    طيف: سط سط
    أسطورة:نعم وش تبين ماتشوفين نايمة ومغمضة عيوني
    (لاعاد والنايم فاتح عيونه)
    طيف:قومي صلي وتعشي يادوبا أنت وعزوتي
    طيف راحت وقاموا بعد معاناة تقويم
    عزوتي:يوه توها ماطلعت الشمس
    أسطورة: ياغبية المريخ ماعنده شمس ولا قمر بس هو أرض فيها تراب مريخي يمدحون ترابه لزراعة
    عزوتي: شكلك سكرانة وشلون مافيه شمس ونقدر نزرع غبية
    أسطورة: يحطون كشاف ومايضر عادي أهم شي الضوء
    عزوتي: تصدقين توني أكتشف إن النبات يحتاج له ضوء
    أسطورة: وأنا مثلك توني أكتشف
    (خخخ لهم ساعة يتهاوشون على الشمس والله الدلاخة اللي فيهم)
    لميس: يارب ساعدنا لا لا مستحيل


    وش السالفة يااترى!!!!


    تابعونا في الجزء الثاني بإذن الله تعالى



    مع تحيات:سط سط


  2. #2
    تاريخ التسجيل
    May 2007
    الموقع
    في مكان ما,,,!
    الردود
    2,473
    الجنس
    أنثى
    انتظر ردووودكم بفارغ الصبر

  3. #3
    !! طيف المشاعر !!'s صورة
    !! طيف المشاعر !! غير متواجد لجنة مشروع جوال لكِ "لمسة إخاء""متميزة صيف 1429هـ"
    تاريخ التسجيل
    Aug 2005
    الموقع
    .ღ. ●● جوريتي هي من اعيش لآجلهــا ●● .ღ.
    الردود
    10,257
    الجنس
    أنثى
    و عليكم السلام و رحمة الله و بركاته

    هلا و الله بكل الغلا

    أتــــــمــــــني من الجــــــميع الدعــــــاء بأن يجمــــــع الله(الثلاثي المرح)
    في الدنــــــيا قبــــــل الآخرة
    وقائدة المركبة معهم
    آميــــــــــــــــــــن يارب العالمين

    بجد ما شاء الله عليك

    قصة روعة

    دحين ما فيني ارد كثير

    بعدين ان شاء الله بفصل ردي

    فديتني انا و رحلاتي

    ازين منها ما في

    ^.^

  4. #4
    تاريخ التسجيل
    Sep 2007
    الموقع
    استغفر الله العلي العظيم وأتوب إليه
    الردود
    2,217
    الجنس
    امرأة
    التدوينات
    1
    هع هع هع

    والله ونااااااااااسه

    هيييييييييه سطسط وراك ماخذيتيني معكم

    نفسي اروح المريخ هههههه

    والله انك رهيييييييه كملي

    استااااااااااااااك

  5. #5
    تاريخ التسجيل
    Apr 2007
    الموقع
    فِيْ قَلْبْ آحِبَـــتِي,,
    الردود
    2,751
    الجنس
    أنثى
    واااااااااااو حركاااات بروووح معاكم المريخ

    الله يخليكم لبعض بالدنيا
    ويجمعكم بجنات الفردوس بالاخره


    تقبلو مروري
    اختكم
    دودي







    يآصآحبـي خلك دليلي ~للجنـآن~
    ~محتـــآج لكـ~ دوم على مـر الزمـآن,,

  6. #6
    تاريخ التسجيل
    Jul 2005
    الموقع
    .K.S.A.
    الردود
    2,853
    الجنس
    ـههههههههههههههههههههههـ

    بجد روعــــــــــــــه

    ننتضرك بفااارغ الصبر

    لا تحرمينا من قصصك المشوقة دائما

    ==================

  7. #7
    تاريخ التسجيل
    May 2007
    الموقع
    في مكان ما,,,!
    الردود
    2,473
    الجنس
    أنثى
    تعقيب كتبت بواسطة !! طيف المشاعر !! عرض الرد
    و عليكم السلام و رحمة الله و بركاته


    هلا و الله بكل الغلا



    آميــــــــــــــــــــن يارب العالمين

    بجد ما شاء الله عليك

    قصة روعة

    دحين ما فيني ارد كثير

    بعدين ان شاء الله بفصل ردي

    فديتني انا و رحلاتي

    ازين منها ما في

    ^.^

    يااهلا بطيفي يلا انتظر ردووردك يااااحلووة

    يعني مسوووية سرحاانة هين اووريك

    ووين صقيقتي عزوتي

  8. #8
    تاريخ التسجيل
    May 2007
    الموقع
    في مكان ما,,,!
    الردود
    2,473
    الجنس
    أنثى
    تعقيب كتبت بواسطة ((new loOok)) عرض الرد
    هع هع هع

    والله ونااااااااااسه

    هيييييييييه سطسط وراك ماخذيتيني معكم

    نفسي اروح المريخ هههههه

    والله انك رهيييييييه كملي

    استااااااااااااااك
    لا مصدق عيووني نيووووولة هناااااا

    أول كم عمرك عشااان اخليك من الكااائنات المريخية هع هع هع

    فديت اللي يستنووون

  9. #9
    تاريخ التسجيل
    May 2007
    الموقع
    في مكان ما,,,!
    الردود
    2,473
    الجنس
    أنثى
    تعقيب كتبت بواسطة الدرة الشامخة عرض الرد
    واااااااااااو حركاااات بروووح معاكم المريخ

    الله يخليكم لبعض بالدنيا
    ويجمعكم بجنات الفردوس بالاخره


    تقبلو مروري
    اختكم
    دودي

    دررررررتي يالغلاااااااا لا انت صغنونة وورااك نسبة إذا نجحتي نوديك أدغال إفريقيا
    هع هع هع

    آمين ياااقلبي تسلمين

  10. #10
    تاريخ التسجيل
    May 2007
    الموقع
    في مكان ما,,,!
    الردود
    2,473
    الجنس
    أنثى
    تعقيب كتبت بواسطة - ملكة المشاعر- عرض الرد
    ـههههههههههههههههههههههـ

    بجد روعــــــــــــــه

    ننتضرك بفااارغ الصبر

    لا تحرمينا من قصصك المشوقة دائما

    ==================

    ملكتي يالغلااا فديت طلتك الحلوووة

    ابشري ياااعزوتي

مواضيع مشابهه

  1. **موضوع متميز**وين الثلاثى المرح راح جبتلكم خبز الشراك على الصاج تفضلووووووووووو
    بواسطة تغريد2007 في المعجنات والسندويشات والفطائر والخبز
    الردود: 81
    اخر موضوع: 02-12-2012, 06:48 PM
  2. الردود: 20
    اخر موضوع: 30-04-2008, 06:47 PM
  3. الثلاثي المرح يباركون لكم بقدوم العيد
    بواسطة أسطورة الدعوة في ملتقى الإخــاء والترحيب
    الردود: 21
    اخر موضوع: 15-10-2007, 05:41 AM
  4. الثلاثي المرح ....فرولاية عسولة التوقيع وصل استلموووووووه
    بواسطة شمووخ همّه في ملتقى الإخــاء والترحيب
    الردود: 4
    اخر موضوع: 24-10-2004, 02:47 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ