هلا و الله سنــــــــو
يا حبي لك
الله يرحم أيـــــــــامك يا سومه
أي و الله صـــآدقة
و الله دحين ارحم مدرساتي في المدرسة على الغبــآء المركب اللي كان فنيــآ
يعني كنا نسأل اسئلة مالها داعي مرة بس برضه كان يجاوبونا و ياخذونا على قد عقولنـــآ
لا و يا حبي لهم يوم نتناقش على الدرجات و خصوصا ثالث ثانوي
افتكر مرة في الكيمياء جبت 14 و ثلاث ارباع من 15
رحت عندي مدرسة الكيمياء و اقولها الله يسعدك اعطيني الربع و الله احتاجها
تقولي ادخلي اختبار الاعادة
قلت لها : ما فيني اذاكرة مرة تانية و غير كذا عندي مذاكرة مواد تانية و دخلنــآ في نقاش كبيـــر
بالنهاية قلت لها خــلآص ما ابي خليه بكيفه اصلا هو راح ينجبر و لا كأني ناقصة ربع
و انا أكلمها مسوية فيها يعني اني خــلآص زعلت خخخخخخخخخخ << كنت امون عليها
قالت لي خلاص و لا زعلك يالغالية .. كم طيوف عندنا بعطيك الربع << اخذتني على قد عقلي خخخخخخخخ
بس بجد دحين دائما اقول و الله الفضل لله ثم لمدرساتي في ثالث ثانوي انا جبت هالنسبة العالية
بجد ساعدوني مرة كثير
دحين في الجامعة احنا و الدكتورات نلعب توم و جيري نجري وراهم عشان نكلمهم
و اذا لقيناهم تقول يلا بسرعة عندي شغل
او تكلمنا من طرف خشمهــآ .. و يالله يرضوا يعملوا لنا تحسين درجات او تحط لنا اسئلة اضافية في الاختبار
النهائي و يضيعوا لنا اشيـــآءنا و ما يعطونا عليه درجــــــــآت و ما يقولوا لنا انهم ضيعوه
تخيلوا الترم اللي فات عملت عرض بوربوينت عن الايدز و تعبت عليه مرة
و بعدين في نهاية الترم جات الاستاذة تقولي لي انتي ما عملتي العرض
و المشكلة اني عرضته للبنات و شرحته
و الله تنرفزت على الاخر يعني لو ما شافتني كان ما قالت لي و درجاته طارت علي
<< طلعت اللي بقلبها كله
و ســـلآمتكم .. طولت عليييييييييييييكم
الروابط المفضلة