مقطع من الجدار الفاصل شرقي القدس


صبي ينظر إلى الجدار الفاصل الذي عزل منزله عن باقي منازل قرية مسحة


بيت لحم وبيت جالا من وراء الجدار الفاصل


أطفال يقفون فوق حطام منزلهم المهدوم بسبب بناء الجدار الفاصل في القدس

ماشاء الله عليكم
بحبكم في الله

شكرا لك سيسي وام المجد على التفاعل وانا كنت حابة يكون موضوع بيت عن الجدار لوحده لكن كويس
وانا بدي احكي قصةحصلت معي عن الحواجز والجدار في يوم كنت رايحة على بلدة قريبة منا العيزرية كنا نوصللها بوقت قصير جدا لكن بعد الحواجز صار الوقت يمكن 3 مرات اكثر وبما اني من اهل القدس وهويتي زرقاء(محظوظة قال يعني ) دخلت من البوابة طبيعي وبعد ما خلصت الشغل المطلوب اجيت ارجع ما قبلوا الجنود يدخلوني شو بدي اعمل انا ما بعرف وين اروح لاحظت انو الناس بتطلع لتحت من فوق السور وانهم حوالي الناس بيقلوا لانهم كلهم بنطوا من فوق السور وكان عالي يمكن اقل شوي من3 متر طلعت لتحت من فوق السور بصراحة خفت انط وانا عندي وزن ما شا الله يا ربي شو اعمل قلت لصاحبيتي يالله نتوكل على الله ونط شو بدنا نعمل المهم نطيت اما شو اجيت بالارض دب بالاربعة (ما انا دبة) الله لا يوريكم السلسلة العظمية ارسلت اشارات استغاثة لكني طنشت وطلعت على الجنبين وفوق ما حدى شايف وقلت لصاحبتي دورك المهم رمت البوط كعب مسمار ونطت وصرنا نضحك على حالنا وبعدين شو صار سمعتنا امنا الغولة ما شفنا ولا الجندي طالع فوق السور ومد البندقية في وجوهنا يله اتلعوا(يعني يله اطلعوا) انا قلت له شو اطلع والله ابصر شو ما بقدر اطلع هو انا قردة اتعربش السور وصرت اضحك قال هات هوية المهم اعطيته الهويات قال اطلع من هناك وفتح باب وطلعنا وانا صرت اجر رجلي جر وانا مش قادرة امشي ورحت لعندهم شو بدي اقول ما بدي اغلط قعدت على الارض وقلتلو مش قادرة امشي اعطاني الهويات وفتح البوابة ورجعنا محل ما كنا مع اني كنت واصلة جهة الباص وشاف حالي لكن ضربها طناش ولا بهمو شي المهم بالحلقة الثانية بقلكم كيف روحت (عملتها مسلسل)

لما رجعنا للعيزرية الله لا يوريكم حالتنا من كتر الناس اللي نطو عن السور كان ينزل منو تراب وحجار ملابسنا صارت ابيض واسود ما بتعرفي تنضفيها الله ستر لابسين بنطلونات تحت العبايات المهم رجعنا مشينا للخلف يمكن ثلث ساعة شفنا سيارة سالنا ممكن توصلنا للقدس سالنا هوياتكم زرقاء قلنا اه قال اطلعوا بوصلكم لاقرب مكان للقدس وكانت السيارة ملانة ناس المهم السيارة تمشي بطريق بدها جيب كبير ليمشي فيها كلها تراب وطلعات ونزلات وكلها مش معبدة الله العليم لو كنت حامل كنت نزّلت مش من النطة من الطريق لو حامل كنت من النطة مش نزلت كنت انفجرت المهم بعد العناء وصلنا منطقة قال السائق بسرعة اي سيارة بتشوفوها اركبوا فيها قبل ما يشوفكم الجنود استنينا كتير واجت سيارة وحملتنا للقدس ولما وصلنا القدس صرنا نتطلع على ملابسنا ونحاول انضفها لكن لا حياة لمن تنادي التراب معبيها دخلنا محل وشرينا عبيات جديدة البسناها وروحنا على البيت
صارت متل حكايات الف ليلة وليلة لكن بدي اقول هاي اسهل شيء لانوا معنا هوية زرقاء تفتح لنا الابواب المغلقة كيف لو الهوية يلي معنا برتقالي او خضراء كنا رحنا لبيت خالتنا على طول وشفنا الدنيا بالالوان

سوسن حبيبة قلبي انت
احبك الذي احببتنا فيه يا عمري
انا التهيت بشغل اليبت كالعاده
ولما اخدت بريك اعلاني هههههههه
عملت قهوة وجيت وصرت انت طالعه

ماما نبيله يا عسل انت هههههههههههههههههههههههههههههههه الله يعينكو بس على
ما ابتلاكم .. هاد انت معاك هويه منيحه كماااااان .. الله يعين الناس بس
بعدين .. طريقة شرحك رووووووووووووووووووووووعه ههههههههههههههههههههههههههههههه
بتنطي وبتمشي ... ما شالله عنك .. بس لو انك ما ضحكتي كان فلتي منهم ههههههههههههههههه
يلا خيرها في غيرها
وما بنقول غير حسبي الله ونعم الوكيل عليهم .. الله يعذبهم زي ما بعذبو بهالناس ومطلعين عينيهم

خلص ما راح اشارك معكم ساعتين مبارح وانا انزل صور بلدتنا اللي عايشه فيها


ولا وحده علقت ولا حتى شفتوهم

عن جد انا زعلت لمين احنا منحط صور ومواضيع للبيت الموريتاني

مغامره ماما نبيله والله اول الانتفاضه شفنا الويل لما تكون الدبابه واقفه تحت بيتي

انا اللي اخاف من الكلب يطلعلي اسد هههههههههههه على راي عادل امام

والله ايام الحمد لله مرت بسلام

هلا فتوشه صور مؤثره وبتقهر هذا الجدار اخد اراضي الدنيا من الفلسطينيين

دق دق
مررررررررررررررررحباا بس ما تكونوا طلعتوا
اكيد طلعتوا
المهم كيفكم وووووووحشتوني

ماما نبيله اول مره بعرف انك من القدس يعني قريبه عليه
خلص لا زم نلتقي بالحرم
انا شايفه بس ريااااااااااااااااااا ضاويه كيفك يا مقروده

هلا ام ماك واحنا اشتقنالك كتير انا هلاء دخلت وكنت اعمل لفه بالمنتدى

كيف سراج اليوم ان شاء الله بخير

وكيف تقبل خضور الضيف الجديد ههههههههههههه

ما بغار منه ؟؟

البنات العصر بيجوا دايما وهلاء ورده بدها تسافر يوم الجمعه وانا امي جايه يوم الجمعه يعني

البيت راح يصير نشاطه قليل

هلا بيكي
والله خضور بلش الغيره ومشيبني
كيف البنات كلهم ان شاء الله بخير
ويارب توصل امك بالسلامه ووردتنا كمان