الله يعينك
تعرفي ليه مهبلتك برسكو راكي غيرتي وهي علذاك تبكي وتحوس عليك ترفديها ماعليش المهم تكبر وتكون صالح ان شاء الله

صراحة يا ام بثينة , كل واحد واش يفتى, الصور حرام , السمايالى حرام.......ما لقيناش رواحنا.
على بالنا فى الاسلام انه فيه غير زوج عياد, وما كانش مناسبة اخرى تنافسهم فى الاهمية و الافى قلوبنا. كلمة عيد غالطة اصلا. وى ما فيه ترجمات كثيرة غالطة فى العربية زى زهرة عباد الشمس الخ........
هذه مناسبة , باش "امركى" فيها الواحد انه كبر نتمناو طول العمر فى الخير و البركة. و فقط لا غير. يعنى كلش بالنيات, لا زيطة لا زمبليطة على قواة المصريين.
انا عن نفسى , ما نحتفل لابعشوراء , لا نعمل عشاء ليلة راس السنة , لا , لا فالونطاين , والو. بصح فى لانيفاغسير تاع ولادى, نشرولهم كيكة و هدايا . لانهم هوما يفرحو بيها. و هدى هى الحكاية.

الشمس المنيرة ,
ربى يشفيلك راجل اختك و اخرجو بالسلامة ان شاء الله.
مازينا
ما تخمى لا والو , ازدمى برك و ديرى ابرة الضهر فى الولادة.ربى سهلك ما فيه الخير ان شاء الله

مرحبا كوثر كيفاش راكي
الله يخليك

و الله, رانا فى رحمة ربى , الحمد لله على الساعة

ان شاء الله تكونى انت و العايلة بخير

كتبت بواسطة الشمس المنيرة

السلام عليكم حميعا
والله توحشتكم كلكم بزاف الله غالب هذه اليامات راني مشغول مرات ندخل على المنتدى بصح غير النشوف برك وين وصلتو لاني ماعندييش الوقت وتاني زوج اختي راه في المستشفي ادعوله ربي يشفيه
نسيت مرحبتش بالاخت ام الاحمدين اهلا بيك اختي

اهلا بيك معانا يا الشمس المنيرة وربي ان شاء الله يشفيلك زوجك ولقد افتقدناك فعلا .

الله يخليكم
والله تعرف كي كون واحد مريض فب العايلة تعرف شكلها كيفاش
والله رانا مع مرض زوج اختى وان شاء الله راح يعمل عملية في راسه يمكن في هذه الايام
لهذا ممكن نغيب على المنتدى واحد الايامات

ربى يلطف بيه . طهور ان شاء الله.

ما تنسايش تطمنينا, وان شاء الله كلش اعدى بخير

ان شاء الله يااختي اطمنكم عليه
سامحوني على اني مقصر في حق ركن الحلويات ان شاء الله حرجع ونشارك فيه

السلام عليكم ورحمة الله

أم الأحمدين،،هنية هي زوجة أخي

وأنا هبةالله

وبارك الله فيك

جارتك أنا من بسكرة تحديدا من أولادجلال

أهلا بيك