اهلا بيكم يا البنات. واش ضربنا رواحنا بعين و الا وش؟ على قد ما كمانا الجزء الثالث فى ساع , على قد ما بسلنا فى هادا؟ هيا ارواحو نشطو الدعوة . شوية. ههههههه
مازينا, , و اقيلا ما قريتيش ردى فى الصفحة اللى فاتت يا عزيزتى , قتلك انت الكل فى الكل و بلاصتك ما تتزعزعش.
اما الشطيح و الرديح, فهذا حال العرب , اعبرو عن ثقافتهم باجسامهم مش بفكرهم. ههههههه
ام معاذ, احسن انك تسوقى , عملتى مليح , انا تانا عندى برمى بصح درتو هنا مش فى دزاير و كان كلش ساهل, الكود كتابى , يعطيوك الاسئلة الاختيارية و انت تكوشى و فرات.
و التعلام تانا يصبرو معاك اذا غلطتى,مش ابهدلوك بالبخص كيما عندنا.
و لكن للاسف, السيارة دايما مع زوجى , نادر ما نستعملهاو غير فى مشاوير قصيرة, لانه هنا كاينة مشكلة الموتووات , اللى يتعداو السيارات احيانا. يدخلو ما بين السيارات و يمشيو, فالسيد زوجى يخاف يعطينى السيارة لانهم ما يحترموش قوانين السير كيما عندكم.
على بالكم, هاد العام , صنفت الجزائر تالت دولة فى العالم من حيث نسبة احداث المرور.
يا سلام . مركز نتحسدو عليه
قوليلى ام معاذ, انت مولاة البسبوسة فى المنتدى لوخر؟
عرفتك من التلج, و ايضا كى قلت كى نلقى الوقت نحطلكم وصفاتى, هههههههههه
و الله ما تقدريش تصورى قداه فرحت كى شفتك.
المهم, نخليكم على خير و ان شاء الله نلقاكم متلميين كى نرجع.
كل عام و أنتم بخير
الروابط المفضلة