مرااااااااااحب ياحلوات

الله يرضى عليكم الي عندها العاب حركيه حلوووووووووووووووووووووووووووووووووووووووه
تساعدني بها...

هلا وغلا بانسانة .. وحياك الله معانا ..

بالنسبة للألعاب ما اقد احط لك موقع لان المنتدى يمنع ذلك لكن فيك تبحثي في قوقل عن كلمة ايتو وستجدين موقع ذاخر بالالعاب

ودمتي بخير ...

أهلين إنسانه

بالنسبة للألعاب تبغين ألعاب كبار وإلا صغار
وإن شاء الله أقدر أساعدك

اهلين بالغاليات "د0ليدي واحلى فراوله"

ويسلمووووو يارب ع التفاعل....

والألعاب او المسابقات لبنات اعمارهم من16 - 18"صبايا"
:
:
:
واشكر مروركم اللي اسعدني(^_ ^)

يعني بنات كبار مو صغار
في ألعاب كثيــــــــر حلوة منها

(1)

إنك تحطي البنات فريقين ومعهم أرقام الفريق من الأول من 1-5 والفريق الثاني أيضا من 1-5 أو حسب عدد البنات

يصيرون واقفين متقابلين .....

وتحطين في الوسط بينهم كورة أو كرسي بدون ظهر أو مركى أو أي شيء ...

مثل كذا

5ــــــــــــ*ــــــــــــ1
7ــــــــــــ*ــــــــــــ4
1ــــــــــــ*ـــــــــــ6
4ـــــــــــ*ـــــــــــ3
2ـــــــــــ*ـــــــــــ7
6ـــــــــــ*ـــــــــــ2
3ـــــــــــ*ـــــــــــ5

وبعدين تقولين لهم اللي أقول رقمها من الفريقين تنطلق بسرعة وتأخذ الكورة أو تجلس على الكرسي حسب اللي أنت حاطة لهم ... واللي ما تأخذ الكورة أو ماتجلس تطلع برا وتكملون اللعبة حتى تقضي الأرقام ... وبدين تقسمين الفايزين مثل أول ويلعبون والفايزة هي اللي تبقى ...
أتمنى إنك فهمتي

(2)

فيه أيضا تجيبين لوحة أو فلينة أو سبورة صغيرة ......... وتقولين نبغى وحدة فنانة تعرف ترسم
وإذا جت تغمين عيونها بغطوة أو قطعة قماش ... وتعطينها قلم "خربان " مايكتب أبد
وتقولين لها ارسمس سحب وإذا رسمت تقولين ارسمي نفود وإذا رسمت تقولين ارسمي خيمة وإذا رسمت قولي ارسمي سيارة وإذا رسمت قولي ارسمي نخلة وإذا رسمت قولي ارسمي شمس وإذا رسمت قولي ارسمي شعاع الشمس ثم اسأليها ان كان في بالها إنها ترسم شيء إذا مافي بالها شيء قولي طيب اكتبي في نهاية اللوحة أسمك .... وإذا انتهت وري باقي البنات رسمها قولي وش رأيكم وإذا عبرو افتحي عيونها تبي تتفاجأ كثيـــــــــــــــــر لأنها تعبت ترسم وتتفنن وبالأخير القلم " صار مايكتب"..

(3)

أيضا توجد لعبة إنك تصفين البنات وقوف ....... وبعيد عنهم تقريبا 7أمتارتحطين أكواب ينقص عن عدد البنات كوب واحد ... وتقولين إذا قلت لكم كلمة كذا وتحددين أي كلمة معينة مثل (بطة) .. تقولين أنا أبقرأ عليكم قطعة إذا قلت بطة تنطلقون بسرعة وكل واحد تأخذ كوب واللي ماتأخذ كوب تطلع برى وتطلعون كوب أيضا ...
وتصيرين أنتي مجهزة القطعة وفيها كثير من الكلمات المشابهه لكلمتك .. فمثلا لو كانت الكلمة بطة تحطين -------> بطانية - بطارية - بطريق - بطاقة - ابن بطوطة - بطليموس
ويتخلل هذه الكلمات بطة ........ إذا تبغين القطعة بلغيني وأكتبها لك .....

(4)

لعبة وهي إنك تجيبين بنات وتقولين أسرع وحدة تجيب لي بنوته لابسة أحمر أو حسب اللي تبين ...اول تجيب لك الطلب تاخذ نقطة ثم تطلبين غيره مثلا جوال عنابي - قلم - سواك - ربطة شعر لونها............ - وردة - مسجل - 200 ريال - صورة - فاين - - وإذا صار في طفل ضايع وإلا جزمة وإلا أي شي عندكم ضايع تراها فرصه حلوة

(5)
في لعبة حلوة كثيــــــــــــــــــــــــــــر بس يبغى لها وقت

وهي زي الطخة أو X O أو بالخمسة تربح
تجيبي فلين أو سبورة وتسوين مربعات وترقمينها من 1 - 100 ..... وتسوين 300 سؤال أو 100 سؤال وتحطين 50 سؤال كاحتياط

تقسمين المتسابقات إلى فريقين فريق الأحمر وفريق الأزرق
وكل فريق يختار رقم من اللوحة إذا أجاب الأحمر على رقمه اللي اختار تلونون مكانه باللون الأحمر وإذا ما أجاب بإمكان الأزرق أن يختار رقم أخر وهكذا إذا أجاب يلون مكانه باللون الأزرق وكل فريق يحاول يسوي 5 ألوان جنب بعض والفريق الثاني يحاول يقطع عليه طبعا الفريق اللي يجيب الخمسة أول هو الفائز ...
إذا بغيت أساعدك على بعض الأسئله خبريني
أتمنى إنك فهمتيها لأنها كثير حلوة وحماسية

(6)

لعبة الصندوق
تحضرين فريقين وتحضرين صندوقين أو كرتونين "كباار"
تحطين في كلا الصندوقين أغراض
(دلة قهوة - مسجل - مبخرة - كرتون فاين - تلفون - قدر - ساعة حائط)
تحطين أشياء كثيرة في كل الصندوقين هذا فيه مسجل الثاني بعد يصير فيه مسجل هذا فيه كذا الثاني في كذا

وتحطين الفريقين عندك والصندوقين في نهاية الغرفة أو بعد 5أمتار ثم كل فريق يختار شخص واحد من فريقه وإذا استعدو قولي اللي يجيب لي كذا من الصندوق والفريق الأسرع فائز ..
أو بإمكانك إنك تحطين الأغراض على الأرض تجيبين أربع بنات 2 تغمينهم و2 يدلونهم يعني إذا قلتي مبخرة الدليلة تقول للي مغمومه عيونها قدام قدام يمين لالا يسارشوي وهكذا

(7)

تجيبين أقلام كثيــــــــــــــرة (أقلام عادية ألوان خشبية ............)
وتجيبين بلونتين منفوخات و تعطين كل بنت بلونة وتكبين الأقلام على الأرض وكل بنت ترفع بلونتها وتنزل تأخذ قلم واحد ثم ترجع ترفع البلونة وتنزل تأخذ قلم واحد وهكذا حتى نهاية الأقلام أو وحدة من البنات تلمس بلونتها الأرض واللي يجمع أقلام أكثر ويحافظ على البلونة ماتلمس الأرض هو الفائز

(8)

تحضرين 5أوراق مكتوب فيهن حروف الهجاء من (أ) حتى (ي)
مثل
أ
ب
ت
ث
ج
وهكذا وتحضرين 5 بنات وتعطينهم ال5 أوراق و5 أقلام
وتقولين أنا أبسأل أسئلة ... كل سؤال بقوله مرتين فقط ... السؤال الأول اجابته أ والسؤال الثاني ب والثالث ت وهكذا

وتبدين أنت في طرح الأسئلة سأبدأ كمثال
أ ---> نبي معروف بالصبر --------------> أيوب عليه السلام
ب---> حيوان من الطيور لكنه لا يطير -------------> البطريق
ت---> حيوان برمائي مفترس ---------------> تمساح
ث --->
وهكذا عاد حطي أسئلة منها السهل ومنها اللي يحتاج شوي تفكير
إذا خلصتي من الأسئلة اسحبي الأوراق ولاتعيدين لأحد ولا سؤال ولا تنسين خليهم يكتبون أسمائهم على الأوراق واللي أجابت على أكثر الأسئلة هي الفايزة .....

(9)

مشابهه للسابقه
وهو إنك تعطينهم أوراق وتقولين أبعطيكم كلمات من القرآن وأنتم جيبو الآية
مثال ---->
الحجارة
الصلوات
الحطب
جوع
الترآئب
وتصيرين أنت مجهزه آيات ... بس نبهيهم عن أنهم يغلطون واللي تشك بالآية لاتكتبها

(10)

تجيبين أوراق أو فلين صغيــــــــــــرة تقريا 3سم × 3سم وتحطين فيها أرقام متفاوته 5 - 70 -100 -8- 56- 40 - 150 - 700 - 28 - 55 - 290 - 1 - 15- 66-38-589-59-29-834-84-74-01-95-60-84-75-67-3-8-95-96-458-37-48-74-84-64-29- -3 - 14 - 75 - 34 - 48 - 95- 59 - 45 - وهكذا أرقام متفاوته وبعضها لايوجد فيه أرقام
وترمين الأوراق على الأرض
وتجيبين 4 بنات وتغمين عيونهم وتخلينهم يجمعون الأوراق ......... وتحطين وقت معين 3دقائق وإذا خلصو تاخذون البنات وحدة وحدة وتحسبون الأرقام أكثر وحدة جمعت أرقام هي الفائزة

أتمنى إنها أعجبتك الألعاب ( يارب ) ...... وإن شاء الله أفكر بألعاب ثانيه وإن حصلت راح أكتب لك

د.ليدي
وربي العابك مرررررررررررررره حلوه........
والأحلى تفاعلك..تسلملي الانامل اللي ابدعتها........