تقريبا نفس المجدرة بس علشان ما تخبص تعلمت طرقة من هون في المنتدى انه بعد ما نقلي البصل بالزيت لغاية ما يحمر ونشيله انه نقلب الرز بنفس الزيت لمدة دقيقتين كأننا بنفلفل رز عادي وبعدين نضيف العدس المسلوق والماء والبهارات. وبالنسبة للعدس نسلقه في الماء ونخلي الماء يغلي بس خمس دقايق وبعدين نطفي النار ونغطي الطنجرة علشان يكمل العدس سوا بدون ما ينهلط. والمعكرونة عادي بتسلقيها بماء مغلي وملح. هو الفرق في الصلصة وهي اللي بتزكي الكشري وبتعطيه النكهة الخاصة. قلبي بصلة مقطعة ناعم في زيت زيتون مع ضرسين ثوم وفلفل اخضر حراق مفرومين ناعم وبعدين بتضيفي الطماطم المقطعة مكعبات صغيرة وبتتركيهم يذوبوا على نار هادية وبعدين بتضيفي الملخ والفلفل الاسمر والكمون وبتحركي وفي الاخر بتضيفي فنجان خل أبيض بيعطيه نكهة روووووعة. وبتحطي المجدرة اول بعدين البصل المحمر وبعدين المعكرونة على الوجه وبيتقدم جنبه الصلصة. وفيه بيعملوا كمونية عبارة عن ثوم مهروس مع كمون وخل أبيض تمزجيهم سوا.
الروابط المفضلة