السلام عليكم
ازيك نونا غفران ياسو عاملين ايه

الله يبارك فيكي يا ياسمينا
طيب ليا سؤال هوه ماء غريب وحش ولا كويس
انا جايبه المستورد بس راي الدكتور بقول لالا
بس مش عارفه ليه وكمان بقولو عشان كده مش
بباع في مصر
وكمان مش راضي يكتبلي علي لبن صناعي
بقول رضعي يمين وفلضيه وبعدين الشمال
والنتيجه من الساعه 6 وانا شغاله مرضعه
ووالله حمتها وغيرتلها وبرده عياط
مش عارفه اعمل حتي كوب ينسون
انتو ايه رايكم عندي حق في حكاية اللبن
انا مش بكسل بس تعبت وحاسه انها مش بتشبع

هما حيعملوا اتشات ازاى على البيت بيتك ومفيش منتدى على الموقع

السلام عليكم
ازيكم يابنات
سمعتم لقاء وزير التعليم على القناة الاولى
اولا مافيش تاجيل تاني
ثانيا المدارس الخاصة مش حيطبق عليها قرار ال3 ايام دراسه وحتى مش حيطبق على كل المدارس الحكومي بس اللي كثافتها عاليه قوي
غريبه انها حتطبق عند فريدة في مدرسه انترناشونال كثافتها صغيرة جدا !!!
ثالثااحتياطات صحية في كل مدرسة وكمامات حتتوزع على كل طفل ولو ان الوزير اتردد لما ساله الكمامات دي للاستعمال المتكرر ولا لا قاله يبقوا يعقموها واضح انها للاستعمال مرة واحده وفي الحاله دي استخدامها اكتر من مرة حيكون مضر جدا
على كل حال ربنا يستر علينا وعلى اولادنا

هى وزنها بيزيد يا نونا وله لا

نونا معلش اتعبى شويه فى الرضاعة ومتهيالى هما فى الاول مش بيحتاجوا لبن كتير
كمية قليلة بتكفيهم ويمكن هى بتعيط عشان فى انتفاخات والا حاجة تبقى قرعيها كويس لغاية لما تسمعى صوت
وانتى لازم تشربى سائل كتييييييييييييييييير عصائر ولبن وميه دة هايزود اللبن عندك
وكان فى اعشاب كدة بتتباع فى الصيدلية عشان الام تشربها بتزود اللبن عندك
وربنا يقويكى معلش اول شهرين دول بيبقوا متعبين اوىىىىىىىى

ايوة يانونا انا مع غفران لازم تتعبي معها شوية في موضوع الرضاعه
وباذن الله ربنا حيرزقها ماتستسهليش اللبن الصناعي مش كويس ابدا

والله العظيم ياجماعه انا من الساعه 6
وانا شغاله يمين وشمال وحميت وغيرتلها
وهشتكا وكمان ادتها ماء غريب وقرعتها والله
والنتيجه ليسه بتعيط مش عارفه اعمل
شويه لسان عصفور عشان الغداء
محدش رد عليا ماء غريب وحش ولا كويس
وكمان بشرب ينسون وشمر وحلبه
وبرده يلا ربنا يبعت

السلام عليكم
أيوة كده...............رجعنا بقوة 2 جزء فى اليوم

نونا يا نونا............تعاليلى بقى...............
اولا ماء غريب مافيش منه أىىىىىىىىىىىىىى قلق....ده زيت شمر مع بيكربونات,أنا أولادى كانوا بيأربعوه......
ثانيا و ده المهم.........الرضاعة الرضاعة
بصى انتى لازم يجيلك احساس البقرة الحلوب و مرضعة قلاوون....عادى جدا,و تحسى ان ربنا خلقك بس عشان ترضعى 47 ساعة فى اليوم,طبعا الموضوع بيكون خنقة بس معلش استحملى,و الدكتور عنده حق........لو اديتى لبن صناعى هتضرى البيبى لأن لبنك أوتوماتيك هيقل.....كل رضعة صناعى بتقلل لبن الأم التلت..........يعنى لو اخد البيبى 3 مرات صناعى فى اليوم,لبن الأم هيقف فى فترة قصيرة جدا
استحملى التعب و اشربى لبن و عصاير و ميه طووووووووووووووووووووووووووووووووووووووول اليوم

يا جماعه اهم حاجه وزنها بيزيد وله لا
لو بيزيد يبقى ترضعها طبيعى