خلاص سامحتكم خخخخخخخخخ
عارفه انه الواحد بينسي بس مش شايفين انكم مابتنسو حد في القائمه الا انا >>> هدا الكلام الي اصحاب الردود الطويله ههههههه

ام انس
لا والله جارتي ماأعرف رقمها وهيا ماكلمتني
بس زوجي لسا ماكمل دراسه بس فاضل المشروع تخيلي ماأجله من سنتتين وماله نفس يكمله واحنا فعلا الشهر الفات قدمنا علي الهجره بس مابعرف امتي الاوراق تطلع عشان ننزل زياره وعلي كلام زوجي ماله نفس يرجع الا زيارات بس

دلع
مبروك عليك ليان

صباح الخير
أم أنوس تروحي وترجعي بالسلامة ومعلش أسبوعين أحسن من البلاش
أنا بعد ما رجعت الإمارات ونقلت لبيتي الجديد أختي أعطتني سرير ابنها الصغير بدل ما أشتري واحد ل6 شهور وأرميه لندى ومن وقتها أنيم البنتين في غرفتهم يعني ندى يادوب كانت عمرها شهر بس والحمد لله الأمور مستتبة. غرفتهم جنب غرفتي وأنا نومي خفيف يعني بس تتقلب الواحدة فيهم بأسمعها ونور كانت مغلباني في النوم والغيرة فقلت لما تشوف أختها نايمة زيها في السرير تبطل تغار وصرت أستخدم ندى كوسيلة تعليمية للنوم..يعني الكلام الك يا جارة واسمعي يا كنة هههههههه وللأسف لهلأ نور هي اللي بتغلبني في النوم.

ميمي ما أحب عصير الطماطم صحتين على قلبك
ندوش اول ما اجت الكل يقولي بتطلع بيضاء وضلت هيك لشهرين تقريبا بعدين رجع لونها غمق شوية كله حلو الله يحفظهم يارب

أم اللمورات طمنينا عليكي وعلى عرايسك.. دايما في البال بس المشاغل شو نعمل

لحن يسعدلي الحلوة اللي بدها تروح المدرسة

شيشن طمنيني على لولو

كيرلي ابقي طلي يا قمر

مانو سبحان الله كيف طباع البنت مختلفة تماما.. انا دايما باقول لزوجي لو نور كانت بطباع ندى كنت خلصت الماستر من زماااااااااااااان

المهم أحكيلكم عن الحضانة قبل ما أصحي نور وألبسها وأوديها
هذا أنا قلبت عجمان أدور على حضانة قريبة من بيتي لأني على أطراف عجمان
ما لقيت أولها إلا وااحدة ومشكلتها كانت انهم مصممين على تسجيل اقل شي 6 شهور من اولها بس كانت نظيفة وحلوة
اضطريت افتش داخل عجمان دخلت حضانة اسمها عجمان النموذجية والله لا يورجيكم..خنننننننننننقة والريحة تسطل وحاطين 15 سرير للرضع في غرفة عاملة زي السجن وحمامهم مش نظيف واستقبلتنا واحدة حاملة بيبي بتنيمه ومبهدلة في شكلها وملابسها عاملة كانها شغالة ما صدقت اطلع من المكان علشان اتنفس واول كلمة حكيتها لزوجي بس طلعت لو على قطع رقبتي ما باحط بنتي هون وهوه مسكها علي لانها اول حضانة يشوفها ويقولي حرام عليكي كيف قلبك رضيلك تحطي بنتك هون وصار يقهرني كمان
رحت كمان حضانتين بس طلعوا هنود وما حبيت احط بنتي معهم
سبحان الله ربنا في الاخر يسر لنا ولقينا حضانة طلعت على بعد 4 دقائق بالسيارة من بيتي وشكلها كويسة بس غالية يعني طلبوا رسوم شهري 1000 درهم غير 700 رسوم تسجيل اول مرة..يعني زي اسعار دبي.. من هون لهون اخدنا تخفيض شوية واتوكلنا على الله

ميمي ضحكتيني لما قلتي نور بتغلبك على الباب.. من حد ما دخلنا الحضانة ما شفت بنتي ولا سألت عني.. ما احتاجت عزومة ما شاء الله على طول تلعب وترقص وتحكي مع الصغار اسم الله عليها.. حتى لما رحت أجيبها كانت تلعب في بيت وبأسأل الناني وين نور فنادت عليها في البيت ففتحت الاستاذة الشباك ولما شافتني ولا كأني غايبة عنها 5 ساعات قالتلي ماما وين البيبي؟ واجت حضنت أختها وباستها وطول الوقت في السيارة تضحك لندى في كرسيها وتلاعبها وتقولها بيبي بيبي وفي البيت اول ساعة طول الوقت حوالين اختها يعني اشتاقت لاختها مش لي
ان شاء الله تستمر هيك مش بس اولها.. هلأ حأوديها وشوف كيف يومها الثاني
أعطوهم يونيفورم وحسسوني انه البنت صارت في المدرسة.. ما حبيت فكرة اليونيفورم تبعهم خسيت صغار على مريول المدرسة لو اعطوهم تي شيرتس مكتوب عليها اسم الحضانة وخلص كان أحسن.. يونيفورم نور طلع طويل شوية انا احبها يوصل للركبة او تحتها باصبع بس هو اطول من هيك ومش عارفة اقصره ولا خليه هيك احسن..
بدي اصورها اليوم ان شاء الله بس تلبسه
اللي محتارة فيه شو ابعثلها اكل. هم بيفطروهم 9:30 وبيغدوهم 11:30
أمس بعثت معها سندويش جبنة وخيارة وحليب وكورن فلكس حلقات الفواكه اللي بتحبه
بس ماكلة قضمة من الخيارة ومن السندويشة وماكلة الكورن فليكس بالحليب..بس حرام تضل للواحدة الظهر على هيك بس..مع انه هي ما بيفرق معها وما بتطلب الاكل بس الحمد لله اول ما رجعت كانت جوعانة وغديتها
اقوم اعمل لي نسكافيه لاني مشواري شاق اليوم بعد ما اودي نور الحضانة بدي ىخد ندى للتطعيم واعمل لها ولأختها بطاقات صحية لهلأ ما عملتهم

هااااي بنات كيف حالكم

لقيت حالي فاضية شوي بالشغل قلت أطل عليكم..

بقرأ اللي بقدر عليه وبرجع

سمايل.. طمنيني على ندى كيفها اليوم؟؟
حتى موسى لليوم مو قابل القنينة وبالحضانة بشربوه حليب بالمعلقة!

أم أنوس.. تروحي وترجعي بالسلامة وانبطسي كتير

شيشان.. طمنيني على لولو قرات من قبل كاينة تعبانة؟

ميمي. سلامتك من الدوالي.. مابعرف صراحة شو علاجه بس اتوقع مو لازم تضلك واقفة كتير.
توتو شكلها بتحلم بفارس ابني عشان كذا تضل تقولك فارس خخخخخخ

منو.. كيف الصبايا؟؟ انا الحمدلله مبسوطة بالشغل وفارس بدأ شوي يتقبل الحضانة.. ولا أنا بدي أحمل هلأ مستحييييييييييييل! حبيبتي ليونة مشاغبة شكلها..

أكم اللمورات كيفك وكيف الكتاكيت؟

سارونة.. الحمدلله علىسلامتك واشنقنالك كتير حبيبتي ماشاء الله عن الكتاكيت قمر الله يحميهم... حتى فارس لليوم مابشرب حليب الله يهديه..

لحن.. ألف سلامة عليها ريم كيفها اليوم؟

من الماضي.. يا حيايب سلامتهم ولادك.. ياعلي نص الأولاد مريضين الله يحميهم ويشفيهم..

أحاسيس.. اذا زوجك برجع 9 الصبح اي ساعة بروح الدوام؟!!!!

غصن طمنيني عنك..

سوسو.. كيف الحمل عندك وحام؟ انا اخدت فارس على الدكتور لما صار سنة عملت فحص كامل.. الدكتور وصفلي أعطيه فلورايد وحديد وفيتامين د.. بس الحديد ما استمريت عليه والفلورايد كنت احطله 7 نقاط بقنينة المي.. وفيتامين د لليوم بعطيه منه بس مش باستمرار..




اجت مديييييييييييييرتي برجع بعدين وهذا اللي قدرت أقراه لهلأ!!!!!!!

ميمي.. استخدمي براون محضرة الطعام اذا عندك لتعصري بندورة اسهل واسرع من الخلاط... وأنا بعششششششششششق عصير البندورة

سوسو.. عادي طعمي فهود كل اشي على السنة..

سمايل.. الحمدلله نور مبسوطة بالحضانة وان شاء الله على طول بس عنجد غريبة الها يونيفورم بعدهم صغار عليه! وليش الغداء على 11:30 مو بكير؟

فارس بحطله كتير أكل بالشنتة:
الفطور الساعة 8:30 بحط سندويشة مرتديلا أو لبنة او جبنة ومرات بيضة مسلوقة.. وموزة وحليب أو عصير وعلبة سيريال صغيرة.
سناك.. بسكوت او كيكة..
غدا الساعة 1:30.. من أكل البيت (رز، دجاج، سمك... اي شي من طبيخ البيت) ويوم واحد بالأسبوع ببعت معه بيرجر وبطاطا Junck food
سناك.. فواكه
طبعا غير العصائر والمي والشيبس..

مش عارفة يمكن مارديت على الكل بس هاااااي كبيرة الكم كلكم للي نسيت أكتب أساميهم

ماحكتلكم على ولادي..
موسى حبيبي مش فارقة معه هو بالحضانة او البيت طالما انه حدا حامله 24 ساعة!!
والحليب مابعرف يشربه من القنينة أبداً فبعطوه حليب بالمعلقة أو السرنجة..
فارس حبيبتي مابحب أبداً النيرسري وأول ايام كتير تغلبت معه بضل يبكي من مجرد مايصحى الصبح لحتى يوصل النيرسري.. ولما نيجي ناخده أول مايشوفنا بصير يبكي كتير ويقول بيت بيت.. يعني بده يروح.. هاليومين اهون اشي يعني بدأ يتقبل الفكرة وبقول باي باي ماما بابا ايس ايس نيسي.. يعني باي ماما وبابا فارس رايح النيرسري.. ومجرد ما نوصل عليها بصير يبكي هاهاهاهاههاا

فارس لسا بلبس بامبرز والحضانة المفروض بعلموهم بس عشان فارس مش متقبلها كتير لسا مابدوا معه.. يارب يعلموه ويريحوني من هالقصة!!
أول يوم تركت ولادي بالحضانة ضليت أبلكي كتير بحمام الشغل هاهاهاهاههاا لأنه أول مرة بحياتي كلها ببعد عنهم أو بتركهم عند حدا.. بس بعدين خلص عادي

دوامي الحمدلله مبسوطة فيه مع انه طويل من 8 الصبح للساعة 5 المسا وأحيانا بخلص على 7 اذا كان عندي كتير شغل.. منيح انه الحضانة بتضل للـ 7:30 المسا.. الله يهونها ويسهلها يارب.

شو كمان اخباري... ممممممم.. بطني وكرشي بخزوا بقلعطوا مش طايقة منظر شكلي بالمراي والبطن ماعم برووووووح شكلي كأني حامل بالرابع ولا الخامس مش عارفة شو اعمل معه حتى اني فكرت اعمل libo suction..

قصيت شعري على العيد قصييييييييير بعد ماكان طوييييييييييل لنص ظهري وبينت أصغر بكتير وبحط بكلتين عليه بالبيت بصير شكلي زي جودي أبوت إذا بتعرفوها

مرحبا بنات كيفكم

ام لما ولمار كيفك شو اخبارك

ميمي انا بس اقطع سلطة وبصير اكل بندورة وبحسها بتجنن عاجباني برضو اليومين هادول زيك

ام انوس طيب النجاح منيح بس شهر في السنة عادي شو حيصير
طبعا مابتقدري تروحي لحالك صح تعب ومسافة طويلة الله يعينك وادعيلي وانت مسافرة


سمايل عجبتني قصة نور في الروضة ماشاءالله عليها هيها انبسطت الحمدلله
ندى بتنام مش عندك؟طيب مابتصحا ترضع؟انا وديت فهد 7 شهور لتاكدت من اكلو انو بنام الليل وانو بتقلب منيح بدون ميخنق حالو لانو كتير كان ينحشر لما كان 3 و4 شهور عحفة السرير ويصير يبكي ف7 شهور كان خلص متحكم في حالو


كيرلي كيفك والله الك وحشة
ان شاءالله نودي فهد المشكلة الطب هون بشكل عام 0% ويعني مو زي عندكو لما وديتو وعمرو 5 شهور اعملو مراجعة عامة الدكتور استغرب انو مش مريض وجايبينو ويعني لو اخدتو عالسنة ماحيعمل اشي ولا فحص كامل ولا غير الله اعلم يعني بس مابظن في اشي من هيك هون للاسف يلا يلا الواحد الله ساترها معاه وعايش هههههه يعني ازا الواحد مرض عنجد ولااشي راحت عليه
مرة صاحب جوزي معدته وجعته طلعولي عطول سرطان معدة بعيد الشر راح رجع الاردن عند اهلو يعمل فحص طلع قرحة والتهابات
بس كسبها وتعرف عمرتو وخطبها ههه


الكرش اعملي تمارين مع اني حاسة فيكي بترجعي مهدودة والصبح فش وقت والله يعينك
حاولي لاقي وقت
ونعيما عالقصة

كيرلي مين مابعرف جوزي ابوت طيب هههههه حلوة والله

بنات بالله اسمعو هالقصة

هون في مستشفيات حكومية ودكاترها معوقين بكل معنى الكلمة الله ساترها معي عند دكتورتي يادوب يادوب يعني احسن وحدة هية بس كويسة و ولدت في مستشفى خاص ويادوب برضو هادا وهوة خاص وفيه دفع فلوس

المهم في دكتور كان في احد المستشفيات عندو تخلف عقلي عنصحيح عاطل وجلف كتير
اجا يولد وحدة يمنية عطاها طلق صناعي بزيادة لدرجة البيبي طلع لحالو وطلع وراه الرحم ومات البيبي وماتت الام !!
متخيلين قوة الطلق اديش الي طلع البيبي من حالو

راح طلع للرجال وبقلو مرتك وابنك ماتو راح سرخ وقلو كيف ماتو شو صار
راح قلو ايش نعملك خير يعني كتير نسوان بموتو وهما بولدو تعمللناش قصة

راح اليمني الله يخليه و يعطيه الجنة
طلع مسدس من جيبو (هون كتير في ناس معهم اسلحة) ونيم الدكتور عالارض وفتح تمو وطخ في كم رصاصة وقتلو

شفتو

وبتحكولي اعملي فحص كامل لفهد هههه هيك الستر من الله حاسة الله لا يحوجنا


وبتعرفو اني ميتة خوف من ولادتي من هلأ مش قصة الدكتورة لانو كويسة بس صارت معي حالة المشيمة الملتصقة والله سترها وطلعت والدكتورة كانت متوترة وخايفة لانو طولت فيها وهية مو راضية تطلع وهوة طول مهية ماطلعت النزيف شغال

وازا طول الموضوع بشيلو الرحم بعيد الشر وقالت هالحالة ممكن غالبا تتكرر معك في الولادة الجاي ولكن ممكن برضو ماتصير يعني الله يسترررررر ايامها مانقلولي دم مع انو نزفت كتير بس كنت داخلة ودمي قوي ماشاءالله فالحمدلله الله سترها


فحاملة الهم كتير وخايفة كتير وبس اتزكر بتنكد

بس بقول لوقتها فرج خليني عايشة حياتي ويومي الحالي ولوقتو فرج ازا الله كاتب شي ليش انكد حالي من هلأ خليني اعيش لحظتي احسسسسسسن

ادعولي

ههههههههههه سوسو.. بتعرفي المشكلة انه مش ماعندي وقت للتمارين.. بس مابحب أتعب حالي بالتمارين هاهاهاهاهها بدي إشي على الجاهز والبارد المستريح!