أهــلاً بـأحـلـــى بنـــات ..
في ملتقانـــا الجـديــد ..
اللي مايحلــى إلا بأحــلى صحبــه ولمه .. لمتكـــم

اتفضــــــــــــلوا مـدوا إيدكــم ..

إيه رأيكم أخواتي الكريمــات
عندي إقتراح
بحيث نخلي ملتقانا مفيد أكتر من مجرد دردشه
إننا نطرح كل يومين فكره نتكلم عنها
زي إيه رأيكم في أحسن كريم ترطيب للبشره أو احسن زيوت للشعر
أو أدخل أولادي مدارس منهج عربي ولا بريطاني ولا أمريكي ولا فرنساوي ولا غيرهم

كل واحده تقول رأيها وتجربتها
أو تجربة سمعت عنها ومميزاتها وعيوبها
ممكن نتكلم في مشاكل وهموم وطننا العربي من وقت للتاني
بس علشان يكون ملتقى خفيف حنركز على اللي يهم بيوتنا أولا
وبيوتنا هي أساس المجتمع كله
وكل يومين واحده تقترح نتكلم في شئ جديد
تتفضل تقترحه علينا
حتى لو كان موضوع دمه خفيف وظريف .
متهيألي يومين كفايه

وطبعا ده مش حيكون محور كلامنا كله
لا ده حيكون فكره جانبيه ، بمعنى اننا ندردش : عملتي ايه ورحتي فين وطبختي ايه النهارده
دردشتنا المعتاده

ايه رأيكم في الإقتراح ده موافقين عليه ولا في إعتراض ؟

توتا
بعد ما قولتيلي أفتح الجزء الجديد قبل ما التاني يتقفل
رحت فتحت الجزء ده
قلبك كان حاسس انه حيتقفل دلوقتي حالا
ماشاء الله عليكي
ربنا ميحرمناش منك

اولا ع الملتقي الجديد

انا موافقاك حتي كمان الواحد يطلع بفايده ميكنش كلام ع الفاضي

شكرا يا تيوليب" توتو" ع الاطراء ده ..

ولا اتحرم منك ابدا

مبرووووووووووووك البيت الجديد
وشكرا علي التورته ياتوتي حلوه قوي
وكمان فكرتك جميله جدا

اخبارك توتا واخبار اولادك
عامله ايه دلوقتي المغص راح

والاولاد الله يهديهم مجنني

وانا بهرب لما اجي عندكم من الدوشه
ده بيعيط ودي بتضرب ربنا يهدي ........

الفردوس غايتي
إن شاء الله خير ومتخافيش أكيد إشتباه في سكر حمل مش أكتر
حصلت قبل كده معايا والسكـــر طلع براءه
وإن شاء الله يكون زياده صوريه أو بسبب وجبه مشبعه بالسكر او النشويات اكلتيها
لأنو حصل معايا قبل كده في يوم متابعة حملي مع الدكتوره لقت نسبة السكر مرتفعه
علشان كنت فطرانا عجوه ! الدكتوره قالتلي احتمال منها بس لازم اتاكد
وعملتلي تحاليل السكر: صايمه وفاطره
طلعت مظبوطه والحمد لله
متقلقيش وان شاء الله خير