داليا
اظنى انت من طولكرم؟

نسيت

عنا ناس بتسميه راس عبد

قلت احط صورتو
لان جوزى اشترى منووووو
اه هو لذيذ

اه ام يزونه انا من طولكرم
كلي عني وعنك
بحبه كتير هههههههه

اه ام يزونة بنسميه راس عبد
داليا طريقتي مافيها زبدة
سمنة وزيت بس ازا بدك بكتبلك اياها
جربت الزبدة ولقيتها بتيبسه
بس لو معمول طحين اع الزبدة كتير بتزكيه

لكل كيلو سميد
كاسة سمنة
كاسة زيت الا شوي يعني اكتر من التلات ارباع كوب
بتحطي الزيت والسمنة وبتسيحيهم
وبتحطي معهم بكيت فانيلا
بكيت بكنج باودر
فنجان قهوة سكر ناعم
نص معلقة مستكة بتطحنها مع سكر طبعا
معلقتين او معلقة كبيرة يانسون مطحون
بتخلطيهم بخفاقة الكيك
وبتحطي معهم السميد وبتصير تبسيهم بايدك
بتبسيهم بالليل وتاني يوم عالضحاوية بتبلشي فيهم

بتحطي عليهم معلقة خميرة صغيرة
بترشيها رش على السميد
وبعدين بتعجنيه بمي دافيه مو سخنة ولا باردة
مو ضروري تعجنيهم مرة وحدة
يعني اعجني نصهم واحشيهم عادي
وبس تخلصي اعجني الباقي

بالنسبة للعجوة انا بعجن تمر عادي بحط عليه شوية زبدة او زيت
وبرش عليها مستكة بصير طعمها واااااااو روعة

وما تنسي تخبزيه علي نار حامية زي المعجنات

بالنسبة للسجاد متل ما حكولك البنات
ليفيه بالليفه بالاول وبعدين بالفرشاي وما تغرقيه بالماي
وبعدها حاولي نشفيه او اضغطي عليه بفوطة ناشفه عشان تمتص منه الماي
وازا بتقدري تفرشي تحته شرشف بكون احسن عشان ما يبقع ماي تحته
وافتحي الشباك وشغلي المروحه متل ما حكولك البنات
بنشف بسرعه
انا بعمل هيك كنباياتي لما الاولاد يكبوا اشي
والا كيف بدو ينضف بدون فرك
الله يعين

يسلمو مجود تم الحفظ
مبينه طريقتك طيبة والله
ما شاء الله عنك معدله بكل اشي

ام يزونه بتنضفي للعيد؟
انا اليوم قلبت المطبخ قلابه هههههه
رتبت الخزاين و ليفته
و بكرة باقي البيت ان شاء الله

ممتاز داليا
خلاص ونعم الرأى
ححط تحتيه مفرش
بكرة حعملها باذن الله


احنا بغزة ما بنعمل على عيد الاضحى
لاكعك ولا معمول
بس بعيد الفطر

والله ما بغلب حالى بهالشغلات
عنا مخبز بغزى بيعملو رهيب
كأنو بالبيت
واهلى لما يعملو
ما بينسو نصيبى

شو هذا مجودة
ماش اء الله عنك معدلة
كلو علشان
تثبتى لحماتك
انك كنة الف


يعطيكى العافية داليا
اه والله العيد غيييييييييير
مع ان النظافة يوميا
بس للعيد بهجة

متريحة يعني ام يزونة
انا جوزي ما بحب الا انا اعمل غاوي يتعبني هههههه