السلام عليكم ورحمة الله وبركاته
الحمد لله والصلاة والسلام على حبيبي رسول الله وعلى آله وصحبه وسلم
اخواتي العزيزات ..يسرني ان افتتح الحلقة الثالثة من المسلسل المكسيكي .. قصدي الليبي نيابة عن اختي رواد اعادها الله الينا بصحة وعافية
واهلا بكن معنا

وعليكم السلام ورحمة الله وبركاته

حياكِ الله غاليتي

ومشاء الله شو هالنشاط يالغلا

ننتظر الهدرزه الليبيه الرائعه

ودمتين بحفظ الرحمن

حياكِ الله غاليتي

حياك الله وبياك..واهلا بك في دردشتنا

ومشاء الله شو هالنشاط يالغلا

اه لو تعرفين ماذا تعني لنا الهدرزة لما استغربت سرعتي في فتخ الموضوع فقد جمعنا هذا الركن مع اخوات في الله ربطنا رابط الغربة والشوق لوطن ابتعدنا عنه ..وزاد اواصر هذه الرابطة الحب في الله والتناصح في الدين

ودمتين بحفظ الرحمن

واهلا بك يا مشرفتنا الغالية

السلام عليكم ورحمة الله وبركاته

أسمحيلي يا رواد فتحت الموضوع قبلك هالمرة

لانه الهدرزه الثانيه اتسكرت

وانستونا يا بنات

السلام عليكم ةرحمة الله
بارك الله فيك يا اروي وكيف حالك ان شاء الله بخير
وكل البنات كيف حالكم
اختي مش معقوله بالله كان خشيتي الهدرزا اكتبيلي موعد المراجعه وبشن بتبدي
وان نستنا فيك

اروى بااااااااااارك الله فيك على الموضوع

سيفن شني اخبارك
اوشن دريم انا الحمد لله اهو ان شاء الله ماشية يوم الاتنين لي ليبيا ههههههههههههههه كان ماصارش تغيير
ياااااااااااااااااااااااااااارب

كيف حالكم يا بنات منورين

عقول الله يسهلك الحال تمشي واتجي بالسلامه سلمينا علي ليبيا وادعيلي ربي يسهلي حتي انا ان شاء الله بعد رمضان

شن بنقوللكم صار معاي موقف مضحك قلت خلي انقوللكم عليه مقعمزه نهدرز علي مولي بيتي

علي العمليات وهكي جبت سيرت اختي لما وجعتها الزايده زمان ودارت عليها عمليه ولما صوروها

قبل العمليه لقو في بطنها أبره بالعتها بنقوله اختي عمرها محسيت انه في بطنها أبرة

قتله(( عمرها ما حست في يبرها بطنه ))

مره بنقوله التليقون يشرين قتله(( الشلافون يترين ))

شفتو التلكميس في الدوه

الله يحفظكم يالغالياااااااااات

السلام عليكم
كيف حالكم مشاء الله عليك يا اروي نويشطة في الهدرزة (انشاء الله في كل شى ناشطة مش في الهدرزة بس)
العقول كيف حالك اليوم ربي يسهل عليكم وتمشو وتجو بسلامة نيالك ياعقول بتمش لليبيا والله استحشت البلاد والاهل وكل شي فيها
علي فكرةمش معقولة فتحت صفحة تانية للهدرزة 3 ياريت تتفاهمو تسكرو وحدى منهم

مش معقولة كيف حالك وكيف حال بنيتك وبارك الله فيك علي الهدرزة 3

السلام عليكم
كيف حالك يا مش معقوله وكيف حال بنتك انا اندور فيك في الهدرزا اللي فاتحتها اروي وانتي هنا
هيا تفاهمو وخلونا هدرزا وحده باش نتلاقوا كلنا

اوشن شنو حالك وحال وليدك وين مغطسه !!!