سلااااااام يا حريم والله مشتاقه ليكم جنس شوووووق ام اللذاذ وتقيتي ونيلنا وكككككككلللللللللكم بس اعذروني العلي ما هو هين ( مشاكل وسافرت السودان وعندي امتحانات) المهم راجعه لكم وان شاء الله ما حاتقطع منكن وبأذن الله حادخل كل يوم حتي لو ما جيتو ههههههههه
تقيتي شكلنا حنستلم القرووووب لحسابنا هههههههه
والله اشتهيت لمتكم وكلامكم الحلو وأنتو عارفين في ام ريكا حقتنا دي فاقدين أي حاجه
ودعتكم الله ولي عوده بكره بإذن الله وحاطل عليكم

موسوعة الام والطفل
جديد ركن الطفولة
.¸¸۝ موسوعة تعليم الأم كيفية الإعتناء بالطفل مواضيع متجددة ۝¸¸.
تابعينا غاليتي

سلااااام يا نسوان وينكم؟؟؟؟؟؟؟؟؟؟؟؟؟

كتبت بواسطة tegeety

نكورك ليكم ما تجو.................... نجيكم تكوركو

عايزين نتأكد إنك متواجده ما طله وزوقه كالعاده

عوداً حميداً

كتبت بواسطة ام عبودي وعزو

سلااااام يا نسوان وينكم؟؟؟؟؟؟؟؟؟؟؟؟؟

أم عبودى الحمد لله على السلامة ليك وحشة والله ومفتقداك خير إن شاء الله تكون أمورك مشت تمام

ماااااااااااااااااااشاء الله تبارك الرحمن
عينييييييييييي باردة ياغوالي والله فرحت فرح لما لقيت الدار عااااااااامرة
ان شاء الله دايما تااامين يارب
نيلنا العسل والله لوووم العدو لكن مشاغل الدنيا المابتخلص ياحبيبة وسلامة الوالدة وكفااره ليها يارب أجر وعافية
كيفك وكيف الثنائي العسل يارب يكونوا تمام ان شاء الله بينا سلك
أم عبودي وعزوو حمدا لله على السلامة والله شفقتينا عليك شفقة شديده طمنينا عليك وعلى أمور ك وكيف شبابك والأهل ان شاء الله لقيتيهم بخير
ندوووش نشتااقك ياعسل ونشتااق حكاويك يله بالله انفحينا بشمارات الاجازة الفاتت اكيد ليها وقع خاص مع وجود الغالية ام هند على ارض الوطن ---ماتسمعنا خخخ عليك الله انعكاسات غياب السنين الفاتت دي عمل فيها شنو وصدمة العولمة السودانية كانت كيف هههه
والغاليبيبين الغاييبين ادونا طلة ولو كل سنة مررره
ودعتكم لله

لاإله إلا الله محمداً رسول الله
شكلي طقيتكم عين ولا شنوووووووووووووو

السلام عليكم يا الغوالى مشتاقين كتير
أم اللذاذ شوق شديد وتبرى يا بت أمى عينك ملانة بس الحريم ديل متسببات ما يلقن زول يحرس
البيت إلا يذوقن كيف حالك والحلوين ولادك مع أجوائكم العجيبة دى والمطر ربنا يحميكم

سلااااااااام بنوت سلام
جيت ومشتاقه ليكم كتير الله يعلم
طولت الغيبة بس المصايب كتيرة
اولا اختي مريضة الفشل الكلوي بقت محتاجة اني دايما اكون ملازماها لانو المشي بقى صعب ولازم بكرسي ولازم اكون معاها كل لحظة
كمان الدم عندها بقى ينزل كل مرة ودايرة نقل دم ومافي غيري يجري يفتش وخاصة فصيلة دمها نادرة
وصديقتي الحبيبة مريضة السرطان كانت ملازمة المستشفى طيلة الستة شهور الاخيرة وانتقلت لجوار ربها الاسبوع الفات ربنا يرحمها ويغفر لها
بالاضافة لامتحانات البنات واللي بتنتهي اليوم باذن الله ادعو ليهم بالتفوق عليكم الله
عشان كده انقطعت المدة دي,, فارجو قبول العذر
ليكم خاص التحايا والاشواق
فتكم بخير

سلام من الاعماق للغاليين
نيلنا الحبية الله يسلم قلبك يااارب والله بنعمة والحمد لله لكن زي ماقلت اجواءنا ابدا مامظبوطه لسة فيروسات موسم الحج مالحقت تمرق من الجو جات الامطار والباعوض وغيره والعيال كل يوم يقع دا ويقوم دا الحمد لله على كل حال مقفلة معانا وقلنا لابونا ماااشين السودان خلاص البلد دي بقت مامخااارجه معانا من اي ناحية لانفسية ولاصحيه ولا ماديه اخير نتلم على البلد بعد ده
كيفك انت والثنائي العسل وكل الاهل يارب بخير
بتنا الغالية مشتااقين والله كميات ربي يرحم صاحبتك بواسع رحمته ويغمد روحها الجنة ويصبر اهلها يارب -انا لله وانا اليه راجعون -
وربي يشفي اختك ويرفعها بالسلامة والله زعلتينا عليها اتوقعت وضعها اتحسن والله ربي كريم وقادر على كل شي يشفيها ويعافيها طمنينا عليها وبلغيها سلامنا ودعواتنا ليها
والبنات الغاليات موفقات يارب وربي يعلي مراتبهم في الدارين هم واخوهم وعيال المسلمين
طمنينا عليك وماتنقطعي قدر ده
ودعتكم لرب الوداعة