كتبت بواسطة ام الجميلات

العفو والسماح يا اختي في الله ما في غير الخير والصلاة والسلام على سيدنا محمد صلى الله عليه وسلم
مبروك عليك الشهر المبارك شهر رمضان ينعاد عليك اختي جنان 92بالصحة والهني والامن والسلامة والعفو والعافية ربي يحفظك من كل مارج يارب العالمين ويحفظنا ويااك

اللهم صل وسلم وبارك على نبينا محمد وعلى اله وصحبه اجمعين
الله يبارك فيك يارب ويحفظك
بلغك الله رمضان وتقبل منكم الصيام والقيام واعتق رقابكم من النار
الله يخليلك الجميلات وابوهم

مساء الخيركيف حالكم يا عويلة وشنوا اخباركم

السلام عليكم ياليبيات داخل وخارج ليبيا الحبيبة

وعليكم السلام كيف حالك يا بطاطا
غير كانك تقوليلي شنوا خطر عليك هالاسم هدا

كيف حالك ياجميلة الكون
خيره مش عاجبك اسمي؟
جايك رمضان تو تعرفي قيمة اسمي(ههههههههههههههه)

والله الحقيقة كساد كل اسم تكتبيه تلقيه موجود قلت والله لما نديره بطاطا مقلية مثلا
علي فكرة البطاطا المقلية حيااااااااااااااااااتي وسبب مصائبي(السمنة )

باهية والحمد لله وكبف حالك انتي
هههههههههههه لاله والله ياسلام عليه قنيين
و ره نفس المشكلة يلي صادفتني اني
وعلي فكرة اني نحبها هلبا البطاطا ونحب ناكلها بلكاتشب
وباهي انتي علاج ماديريش ريجيم كانك سمينة هلبا

انت وين توا في ليبيا ولا متغربة يا بطاطا

السلام عليكم
مبروك رمضانكم يا جميلة الكون ويا بطاطة مقلية ههههههههههه وتي روحك غير قداش بتقلي وفري الزيت يا بطاطا على العموم تشرفت بمعرفتكم

وعليكم السلام
كل سنة وانت طيبة يا ام الجنيلات ومبروك علينا وعليكم ان شاء الله
كيف حالك وحال الجميلات