الان بنطرح عليكم موضوع والكل يحكى اللى عنده ورايه
طبعا رمضان عالابواب والكل مستعد ليه حتى بالقليل....
هل استمعتى لمحاضرة دينيه تهيئك لرمضان ولو نفسيا تزيد حماسك عالعباده سواء شريط او عالتلفاز او قراءه رساله او نصيحه من صديق او قريب
لعند الان ماسمعتش محاضره بس انشاء الله ناويه اسمع
اول يوم اكيد بيكون صعب شوي ربي يعينه لانه بالصيف الحر مع النهار طويل شن قررتى اول يوم فى رمضان وين بتقضيه ببيتك او بيت اهل زوجك وهل كل رمضان او نصفه او بس اليوم الاول
انشاء الله اول يوم عند اهل زوجى بس الايام يلى بعدها فى بيتى اكيد
وهل تحبي كترت الطلعات والزيارات والعزومات برمضان
هل تحبى كترت الطبخ برمضان يعنى تكترى الحاجات
لالالا مانحبش نطلع واجد فى الشهر المبارك
يعنى عدة مرات فى حوش اهلى واهله
وشويه الاقارب والاحباب
لالا مانحبش انكثر الاكلات اصلا احنا اتنين بس الحمد الله
هل تحسى بان هالرمضان نفس رمضان العام الماضى او قررتى انك تخليه مختلف بافكار وتنظيم فى وقتك
لا انشاء الله ناويه اغير من نفسى واجد
انظم وقتى لعباده الله
وهل قررتى انك تعتزلى المسلسلات الرمضانيه والتلفاز بصفه عامه او بس مجرد مسلسل او برنامج معين مع العلم ان المسلسلات اكيد حتنعاد كلها بعد رمضان
هاهاهاهاها والله مانى عارفه كيف ايصير
كم قررتى بتختمى القران مره وهل بتصلى التراويح بالمسجد او بيتك
انشاء الله كل ماقدرت اقرأ اما التراويح كنت انصلى فى المسجد بس مع الوحام الله اعلم
هل تدعى لنفسك بس او لكل الاهل والامه الاسلاميه
اكيد فى عبادات خاصه ليك بينك وبين ربي تحبى تحتفظى بيها هلى تدكري لنا نوع للافاده
والله نسيت شنو درت فى رمضان يلى فات لانى كنت حامل وقريب انجيب
انشاء الله طول الوقت استغفر الله
والتبرع للفقراء
مع قرب العيد ان شاء الله هل قررتى انك تسامحي كل اللى اساءوا اليك او انتى غلطتى فى حقهم
هدى مانيش عارفه لانا يلى غلطت فيه انا توا انشوف فيها ونتكلم معاها بس من داخلى مش مسامحتها لانها غلطت فيها واجد
بس مرات اسامحها
وماهى افكارك للعيد من حلويات وتزيين للبيت وغيره
الحلويات كلها جاهزه او من اهلى
اما بيتى مانقعدش فيه
وكل عام وانتم بخير
وكل رمضان والجميع بخير
ملاحظه:كل وحدة تجاوب على اللى تحبه والباقى هيا وراحتها
بس حبيت نتكلموا عن شى معين ونستفيد وناخد الافكار من بعض..
واستغفر الله لي ولكم
وكل عام وانتم ابخير
الروابط المفضلة