يسعد صباحكم ياحلوين

حلوه البوسه يامصراتيه
هاهاهاها

صباح الخيرات على بنات بلادى ورمضان مبارك للجميع

كتبت بواسطة الجوهرة الخضراء

بارك الله فيك اختي ملكة الرومانسية ومبروك عليك اللمة وان شاء الله ديما ملمومين علي الخير يا رب
اختي ملوكة اني في المانيا نستعمل في برنامج تنزليه من النت وتعبيه اون لاين بالكرت وحني نشروا في كرت u- kash بيش نعبوه ما نبوش نشروا بكرت المصرف اسم البرنامج sms listo تكلفة المكالمة رخيصة الى ليبيا والمكالمات لامريكا وكندا ارضي او نقال كله فري واوربا الارضي فري
ام اسيل واية كلنا زي بعض محلات ولانت والناس اللي هذا لاهي في روحه ربي يصبرنا علي الغربة
ام نسيبة ربي يسهل عليك الصيام ويعينك
وكل العام وجميع المسلمين بخير

بارك الله فيك عالمعلومات والافاده ان شاء الله بميزان حسناتك

كتبت بواسطة مصراتيه اصليه

صباح الخيرات على الليبيات الحلوات

صباحكم فل وورد وعسل

ملوكه مبروكه الدويره
ان شاء الله عامرة
بذكر الرحمن

الله يبارك فيك
اللهم امين
هلا بالمصراتيه
ماتقوليش وينك يا مراه

ابريكه نورتى دويرتى يالغاليه وان شاء الله نتلاقوا قريبا واسعدت بالحديت معاك
ليبيا قلبى
ام روفيده
نهاركم سعيد ورمضانكم مبارك

السلام عليكم ورحمة الله وبركاته
كيف حالكم اليوم ياعويله
اني حال الحوسه والترتيب امحوله ان شاء الله شقه تانيه
ان شاء الله عتبة خير عليا وعلي راجلي وبنياتي ههههههههه
واليوم جايين جاراتي يسلمو عليا
الشقه التانيه مش بعيده هلبه باهي
المهم انتم اخباركم كويسه ادعولي بتسهيل الامور يارب
ملوكه
ابريكه
مصراتيه
ليبيا قلبي
والجوهره الخضراء كيف حالكم ان شاء الله بخير
وباقي البنات وينكم ياك لاسوء
هههههههه
انحبكمممممم وربي مايحرمنا من بعض
هي في امان الله

رمضان مبارك ان شاء الله
اعاده الله عليكم باليمن والخير والبركات
مبارك عليكم الشهر

الان بنطرح عليكم موضوع والكل يحكى اللى عنده ورايه
طبعا رمضان عالابواب والكل مستعد ليه حتى بالقليل....
هل استمعتى لمحاضرة دينيه تهيئك لرمضان ولو نفسيا تزيد حماسك عالعباده سواء شريط او عالتلفاز او قراءه رساله او نصيحه من صديق او قريب
اول يوم اكيد بيكون صعب شوي ربي يعينه لانه بالصيف الحر مع النهار طويل شن قررتى اول يوم فى رمضان وين بتقضيه ببيتك او بيت اهل زوجك وهل كل رمضان او نصفه او بس اليوم الاول
وهل تحبي كترت الطلعات والزيارات والعزومات برمضان
هل تحبى كترت الطبخ برمضان يعنى تكترى الحاجات
هل تحسى بان هالرمضان نفس رمضان العام الماضى او قررتى انك تخليه مختلف بافكار وتنظيم فى وقتك
وهل قررتى انك تعتزلى المسلسلات الرمضانيه والتلفاز بصفه عامه او بس مجرد مسلسل او برنامج معين مع العلم ان المسلسلات اكيد حتنعاد كلها بعد رمضان
كم قررتى بتختمى القران مره وهل بتصلى التراويح بالمسجد او بيتك
هل تدعى لنفسك بس او لكل الاهل والامه الاسلاميه
اكيد فى عبادات خاصه ليك بينك وبين ربي تحبى تحتفظى بيها هلى تدكري لنا نوع للافاده

مع قرب العيد ان شاء الله هل قررتى انك تسامحي كل اللى اساءوا اليك او انتى غلطتى فى حقهم
وماهى افكارك للعيد من حلويات وتزيين للبيت وغيره
وكل رمضان والجميع بخير
ملاحظه:كل وحدة تجاوب على اللى تحبه والباقى هيا وراحتها
بس حبيت نتكلموا عن شى معين ونستفيد وناخد الافكار من بعض..
واستغفر الله لي ولكم

اهلين ام اسوله شن اخبارك انا الحمد لله بخير ونعمه
عتبه مباركه ان شاء الله ليك ولاهل بيتك وان شاء الله تشوفوا على بابها الخير وتنفتح عليكم وبالتوفيق يارب
ردي بالك على البيبى وماتقيميش الرزين راك متقله هههههههههه .....بالحق


sinyoreta وعليكم السلام علينا وعليكم يارب نورتينا بطلتك

هيا ياحبيباتى رد على موضوعى بليز

تنظيم حقيبه يدى