السلام عليكم جميعا
كيف الحال
ملوكه مبروك الدويره
وليا عوده توا انهدرز في موضوعك
غل قلت انسلم اعليكم
توا خروج انصلي المغرب وندير حاجه للصغار ونفتح بعدين
ان شاء الله نلقي حد
هيا توا سلامي واشواقي

السلام عليكم
ملكة شكرا علي اللمة الحلوة
فيه حد موجود والا نلبس شبشبي ونروح؟

السلام عليكم ورحمة الله وبركاته
ههههههه بطاطا مقليه والله مصارها خل خليك شويه

هههههههههههه والله حتي اني ضحكتيني يا بطاطا والله خاشة نضحك كيف حالكم

السلام عليكم كيف حالكم يا عويلة شنى فى حد والا حتى انى بروح على قولت بطاطا مقلية

الان بنطرح عليكم موضوع والكل يحكى اللى عنده ورايه
طبعا رمضان عالابواب والكل مستعد ليه حتى بالقليل....
هل استمعتى لمحاضرة دينيه تهيئك لرمضان ولو نفسيا تزيد حماسك عالعباده سواء شريط او عالتلفاز او قراءه رساله او نصيحه من صديق او قريب

قريت بعض الاشياء علي النت وربي اقدرنا علي صيامه وقيامه

اول يوم اكيد بيكون صعب شوي ربي يعينه لانه بالصيف الحر مع النهار طويل شن قررتى اول يوم فى رمضان وين بتقضيه ببيتك او بيت اهل زوجك وهل كل رمضان او نصفه او بس اليوم الاول

اول يوم مع زوجي واولادي

وهل تحبي كترت الطلعات والزيارات والعزومات برمضان

الطلعات ايه نطلع نفطر بره يعني موجود الحمد الله المطامع العربيه وهنايا في ماليزيا برنامج بوفي فحلو يعني رمضان الي فات طلعت تلاته مرات بس الزيارات قليل نزور حد
العرومه ايه نعرم في رمضان مش عوائل بس عزابه

هل تحبى كترت الطبخ برمضان يعنى تكترى الحاجات

انا يختلف برنامجي اعليكم يعني مش شرط شربه كل ليله زوجي مش محببه ليه معادي نغير مره بازيلا ومره فاطمه هانم ومره شربه عدس مرات طباهج مرات قلايه فعادي نديها وندير معاها حاجتين او تلاته وشرط عندنا البتزا لازم موجوده اما في العزايم اكتر من تلا ته حاجات يعني انكتر

هل تحسى بان هالرمضان نفس رمضان العام الماضى او قررتى انك تخليه مختلف بافكار وتنظيم فى وقتك

انحاول انكون نحو الافضل

وهل قررتى انك تعتزلى المسلسلات الرمضانيه والتلفاز بصفه عامه او بس مجرد مسلسل او برنامج معين مع العلم ان المسلسلات اكيد حتنعاد كلها بعد رمضان

يعني انا مش مدمنه مسلسلات عادي لو فيه مسلسل او برنامج كويس والواحد يستفيد منه في حياته نتفرج عادي

كم قررتى بتختمى القران مره وهل بتصلى التراويح بالمسجد او بيتك

انا بصراحه متعوده نختم مرتين وحده قراءه ووحده لصلاة التراويح بس متحمسه اني انحاول اكتر ونصلي في البيت منمشيش للجامع

هل تدعى لنفسك بس او لكل الاهل والامه الاسلاميه

ايه يعني ديما انقول ربي يهدينا جميعا يعني المقصود يهدي امة محمد


اكيد فى عبادات خاصه ليك بينك وبين ربي تحبى تحتفظى بيها هلى تدكري لنا نوع للافاده

ههههه يعني في لساني دائما تلقيني انقول ربي اصبرني علي مابلاني ههه والحمد الله

مع قرب العيد ان شاء الله هل قررتى انك تسامحي كل اللى اساءوا اليك او انتى غلطتى فى حقهم

قلبي ابيض ومكنش الاساءه لاي حد ولو حتي اللي اساؤا الي ربي اسامحهم


وماهى افكارك للعيد من حلويات وتزيين للبيت وغيره

ديما انحب اندير حلويات مع ان زوجي مش اكول للحلويات بس انحس لو مدرتهمش مش عيد

وكل سنه وانتم بالف خير وصحه وسلامه

هههههههههه كيف حالم وشن اخباركم خيره الي تخش لاسبله تبي اتروح تعالي اللمه لمتكم ومتبيش حد يحلفلكم

وينكم اللطف الباين اني الي بروح

هيا هانا جينا وينكم
اللطف
شن ماتبوش النااااااااااااااااس؟

احم احم احم
بطاطا مقلية موجودة
احم احم احم
بطاطا مقلية قريب تحرج وتحلف معادش تخش