اللمة والشاهي واللوزاهلا بكم في اللمة رقم 232

**الحالمه3** · 15-06-2010, 01:53 AM

السلام عليكم ورحمة الله وبركاته مرحبتين بيكم في اللمة الليبية 232 ونبي نطرح موضوع للنقاش ونبي ناخد ارائكم هل العزوز تجي زي الام يعني عزوزتك وهل السلفة تقدر تبدى صديقة او اخت نبي تجاوبوني من الواقع امتاعكم

**ملكةالرومانسيه** · 15-06-2010, 01:55 AM

سلام عليكم ورحمة الله وبركاته
تفضلوا البيت بيتكم

**ملكةالرومانسيه** · 15-06-2010, 01:57 AM

يعطيهالك يالحالمه فتحنا دويرة بنفس الوقت ههههههههههههه
من وين طلعتى قولى هههههههههه
يالله نبدو هنا لانك قبلى فى الوقت بتلات دقايق وانتى اول مرة تفتحى دار

**ملكةالرومانسيه** · 15-06-2010, 02:04 AM

كيف حالك ي الحالمه وشن اخبارك ومبرووووك الدويرة
بالنسبه لموضوعك لطرحتيه سبق وان طرحاته وحدة من الاخوات بس مش مشكله نعيدوه تانى
بالنسبه ليا
ممكن انا ام الزوج تاتى بمكانة الام فى بعض الصفات بس كليا كليا الام لايأتى مكانها اى شخص ولا استطيع ان اقول لام زوجى يا امى بهذا اللفظ او ماما
وبالنسبه للسلفة انا عن نفسى عندى اتنين سلفات الاولى تزوجت وسافرت على طول والتانيه تزوجها سلفى وانا بكندا وماشفتها الى الان بس نتكلموا عادى وانا نتمنى انى نكونوا اصدقاء
على فكرة انا وزوجى مانفضلوش كلمة عزوز كما انى لااحب احد يقولها لامى وانا انادى ام زوجى الله يرحمها قبل (امّيمه)

**الحالمه3** · 15-06-2010, 02:07 AM

بارك الله فيك يا ملوكه وما جاوبتيش على موضوعي وبالله عليك كيف انزل صور العصير والشوكو لاته

**الحالمه3** · 15-06-2010, 02:11 AM

شكرا يا ملوكه وكلمة اميمة نعرفها للاحفاد يقولوها لحناهم ام الام وانا نقول لعزوزتي عمتي شن رايك معليش عندي سؤال انت من وين

**ملكةالرومانسيه** · 15-06-2010, 02:12 AM

كتبت بواسطة الحالمه3

بارك الله فيك يا ملوكه وما جاوبتيش على موضوعي وبالله عليك كيف انزل صور العصير والشوكو لاته

بالنسبه للصور تاخدى الصورة وتضغطى عليها بالماوس باليساروتاخدى باليمين كابي وبعدين تجى لرد الموضوع واديرى بيست
انا الكابي مش عرفه مايشتغلش عندى
اما ادا بتنزلى تاخدى الصورة اللى تبيها وتحمليها بجهازك وبعدين تمشى لاى مركز تحميل انا نحمل عن طريق العملاق لتحميل الصور وتحطى الرقم وتاخدى براوز وتحملى الصورة اللى اخترتيها واديرى اوبن وبعدين تستنلى لين تحمل لما تكمل تاخدى نسخ الكود للمنتديات وتنسخيه باليمين اديرى كابي بعدين تجى للرد واديري بيست
ان شاء الله وصلت الفكرة
حاولى انا معاك..

**ملكةالرومانسيه** · 15-06-2010, 02:14 AM

كتبت بواسطة الحالمه3

شكرا يا ملوكه وكلمة اميمة نعرفها للاحفاد يقولوها لحناهم ام الام وانا نقول لعزوزتي عمتي شن رايك معليش عندي سؤال انت من وين

بالضبط تعرفى انا سالت حمواتى قالولى تقدرى تقولى يا للاي وانا نكررررررره هالكلمه ههههههه
قالى زوجى ممكن تقولي اميمه زى بنات اختى الصراحه حبيتها الكلمه وحسيتها امشت معاي وتاقلمت معاها وهيا تحبها مشت معاي
وحتى عمتى اوخالتى كويسه وتدل عالاحترام
انا من طرابلس

**الحالمه3** · 15-06-2010, 02:15 AM

والله ما فهمت حاجة مطولها وما رق احبالها هههههههههههههههههههههههههههه

**الحالمه3** · 15-06-2010, 02:17 AM

تعرفي عيلة ريح وعموما نحس فيك انسانة محترمة وصاحبة شخصية دبلوماسية

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اللمة والشاهي واللوزاهلا بكم في اللمة رقم 232

أدوات الموضوع

العرض