كتبت بواسطة
hoba_m
انا والله يا يمنى قرفانة ودماغى هتفرقع اخويا اللى فى الجامعة طلعت نتيجته وشال 3 مواد والبيت عند ماما مولع وماما عمالة تعيط وبابا عمال يزعق وانا كل شوية اتصل بيهم ومش عارفة اعمل ايه ومش عارفة اروح عشان قرايب جوزى عندنا وقاعدين يومين ده غير انى خلاص شلت موضوع الحمل ده من دماغى لانى عارفة ان كل ما يحصل حمل بينزل وانا نفسيتى تعبت ده غير ان مكان الحقن وارم من اخر مرة وبيوجعنى فالنفسية تحت الصفر ده غير قلقى على ماما وبابا
معلش دوشتكم
ولا دوشتنا ولا حاجه احنا اخوات...وبعدين ايه اللي جاب القرف والزهق ده تاني احنا مش كنا بقينا كويسين..بالنسبه لاخوكي عادي متزعليش نفسك البيوت مليانه بلاوي من الاموور دي دا طبيعي جدااا ولا انتى بقى بتلككي علشان تزهقى نفسك..اما موضوع الحمل دا بلاش تبصي في نص الكوبايه اللي فاضي خلي املك في ربنا اكتر من كده....وبعدين انا كنت عايزه اقولك على تحاليل لموضوع الاجهاض ده لو مكنتيش عملتيها اعمليها....ومعلش ان كان على الابر والحقن كله بثوابه انتى مش عايز اجر ولا ايه......وبلاش الغيامه الرمادي اللي انت عاملها ...بكره ربنا يرزقك بدسته عيال وتقولي ياريتنى استغليت الوقت ده في الفرفشه والنعنشه .....ربنا يشرحلك صدرك ويريح بالك
الروابط المفضلة