صباح الخير على عيونكم يا بنات
تسلموا لكل من سأل على حنين
هى الحمد لله دلوقتى كويسة
بس انا موديتهاش للدكتور
لأنها قامت تانى يوم من النوم طبيعية ولا كأن كان فية حاجة حصلت .... مكان الخبطة معلم بس شوية
وعلى فكرة يا شموسة انا كنت حاطاها فى نص السرير بالعرض ...
بس هى قلبت نفسها على بطنها وفضلت تزق رجلها علشان تحرك نفسها ....
الحمد لله
اسورة
الف سلامة ياقلبى على بنوتك .... لا حول ولا قوة الا بالله ربنا يحميها يارب
وهى دلوقتى كويسة ؟؟؟؟
بالنسبة للبنات اللى مش لاقيينهم ...
فروحة
اطمنى هما زى ما قالت لك شموسة من القاهرة مش من المنصورة
اصل انا بردة فى اليوم دة اتصلت بماما فى المنصورة من الخوف وقلت لها متنزليش اختى للدرس خالص
ربنا يسترها على اخواتنا يارب
ومبارك يا قمر الحمل .... يارب يعينك على تربية اولادك والحمل يارب
شموسة بالنسبة لسؤالك ...
احنا اصلا ساكنين فى مدينة الحديد والصلب لو تعرفيها
قدام شركة الحديد والصلب
وهما كان درسهم فى حلوان
يعنى مسافة حوالى نص ساعة بالميكروباص
ربنا يسترها عليهم يارب ويردهم لأهلهم سالمين
وبالنسبة للكيكة
انا علشان متنشفش
بعد ما بقسمها نصين ... يا اما برش عليها سفن اب او سبرايب بالبخاخة ...
يا اما بيكون عندى شربات خفيف وبمسح عليها بالفرشة مسح خفيف كدة
وتفضل قد ما تفضل ومتنشفش
ماشاء الله شكلها تحفة
انا زينتها بالفراولة والاناناس الكمبوت من برة
وبالكريمة من جوة
بألف هنا
ريرى ...
ربنا يصلح لكم الحال ويهديكم لشقة قريبة من المسجد
ام نزورة
اكيد يا قمر دة مغص
احنا حصل مع بناتنا كدة فى اول 3 شهور وكان دايما بنشتكى نفس الشكوى
حاولى زى ما ام جهاد قالت لك انك تدية اعشاب للاطفال او كراوية
وربنا يشفيهولك
ام مرمر
وحشتينا يا قمر كتير
حاسة بيكى والله
على الرغم من ان اهلى فى محافظة وانا فى محافظة يعنى نعتبر قريبين
لكن ساعة لما بيبقوا عندى وبيسافروا بحس ان الدنيا كلها سافرت معاهم
وافضل اعيط كذا يوم بعدها
يارب يخليلك اهلك يارب
وما يحرمك منهم ابدا
ويخلى حس باباكى ومامتك بالدنيا
الروابط المفضلة