عروس تموت ليلة زفافها..... والسبب " باروكة " !
هاد الموضوع يشبه تقريبا موضوع الأخت الكريمة دروب صامتة بعنوان " امرأة تموت بسبب
حواجبها " بعد ماقرأت موضوعها تذكرت هادي القصة وحبيت أكتبها لكم .......
القصة واقعية قرأتها في جريدة قبل ست سنوات تقريبا...... الا حصل انه بنت في ليلة فرحها راحت عند الكوفيرة - زي أي عروسة - تسوي شعرها بس هي طلبت تحط باروكة لأن المسكينة شعرها قصير وخفيف ما يصلح في أي تسريحة, بعد ماخلصت وهي في طريقها لقصر الأفراح حست البنت بوخز في راسها ( لا تقولو قملخخخخخخ ) ماكان من البنت الا انها تقول لأمها, بس امها ردت عليها بكل برود " يتهيألك يابنتي! " يعني كان على الأقل تشوف تفتش من باب الإحتياط .... على العموم لما جا وقت الزفة كان الوخز والألم يزيد كأنه مسامير بتنضرب في راسها فاتخيلو كيف كان وضع المسكينة ! شوية وتنزع الباروكة
هادا إذا ما كانت بتبكي ...... والبنت بتمشي مع عريسها طاحت واتغمى عليها
! لما أخدوها أهلها للمستشفى وكشف عليها الدكتور قال " البقية في حياتكم البنت اتوفت
! لقينا عقارب في الباروكة
! وبعد مابلغ أهلها الشرطة وبعد التحقيقات مع المزينة اللي حطتلها الباروكة اعترفت في النهاية انه جاتها وحدة ماتعرفها واعطتها مبلغ كبير ( يعني رشوة ) عشان تحط العقارب في الباروكة! ( كيف قدرت تسوي كدا ما أدري! ) لما وصلو لهادي الوحدة طلعت وحدة من قرايب البنت - ماأذكر نوع القرابة بالتحديد - تحقد عليها وتكرهها وكانت عارفة انه البنت حتجي هنا وتطلب باروكة ! ما أتذكر ايش سبب العداوة بس أظن انه الحقد سبب كاف خاصة بين القرايب ! وهادي رسالة مني: " الحاقد شخص مريض لا علاج له .... "
فبالله عليكم اتركو الحقد على جنب لأنه يبدأ بصاحبه وياكل قلبه أكل لحدة مايطق! ( أحسن يستاهل
) ولا تنسو الباروكة حرام
لحديث ابن عمر، "أن رسول الله صلى الله عليه وسلم قال: لعن الله الواصل والمستوصل والواشمة والمستوشمة". وأعذروني اذا ماذكرت التفاصيل بدقة لأنه زي ماقلت قرأتها في جريدة قبل ستة سنين تقريبا وما أ ذكر كل شيء ..... والسلام .
الروابط المفضلة