احبائى الاعزاء .. تقريرى اليوم عن مدينة جميلة جدا زورتها الصيف الماضى (السنة الماضية)
انا عايشة باستراليا - لذلك الصيف عندى لسه بيبتدى عكسكو يعنى
عشان كده دا تقريرى الاول عن مدينة زورتها الصيف الماضى وهاكتب تقرير تانى عن المدينة اللى حابة اروحها الصيف القادم ( بعد شهرين او ثلاثة ) ان شاء الله

اولا : الصور من الانترنت لان الصور اللى اخذناها صور شخصية

Central Coast




سنترال كوست : هى منطقة ساحالية تقع فى ولاية نيوساوث ويلز باستراليا .. تقع شمال مدينة سيدنى -أكبر المدن الاسترالية- وجنوب بحيرة ماكوايرى
تعداد سكانها فقط 320,000 نسمة ومساحتها 297,956 كم مربع
وبهذا تعد ثالث اكبر المناطق الحضارية فى نيو ساوث ويلز والتاسعة على مستوى القارة الاسترالية
يحدها من الجنوب نهر اواكسبيرى Hawkesbury River ومن الغرب جبال واتاجان Watagan Mountains و فى الشمال بحيرة ماكوايرى Macquarie Lake.



منطقة سنترال كوست سكنها الاستراليون الاصليون Aboriginal Australians منذ الاف السنين
وهى من اولى المناطق الاسترالية التى استطاعت القبائل الاسترالية الى تسكنها التعامل مع المحتلين الانجليز وبدأو فى التعايش معهم وتعلم اللغة الانجليزية.
المناخ شبه مدارى رطب (الامطار فى استراليا كلها طول السنة) حار رطب صيفا .. دافئ رطب شتاء

دى المعلومات العامة .. الرد الجاى ازاى روحنا سنترال كوست وايه ممكن يعجبكم هناك


اتبعونى

انا من سكان مدينة سيدنى فى نفس الولاية .. والمكان دا من بيتى ياخد ساعة ونصف بالسيارة لكن لاننا كنا مجموعة كبيرة من الاصدقاء اخدنا المواصلات العامة ( قطار)
والمسافة تقريبا ساعتين ودى نقطة كويسة جدا للناس اللى مش مقيمة فى استراليا ومش عندهااصلا سيارة
( معلومة صغيرة : رحنا يوم الاحد ويوم الاحد الحكومة الاسترالية تدعم التذاكر فى كل وسائل المواصلات العامة يعنى دفعنا فقط 2,5 دولار للفرد
لكل الرحلة وكل المواصلات بالقطار الى سنترال كوست وبالباص فى داخل سنترال كوست نفسها ولو كنا رجعنا نفس اليوم كمان كان ينفع بنفس التذكرة)

طبعا قبل ما نروح كنا عرفنا معلومات كتيرعن المكان من خلال الانترنت .. فى مواقع مخصوصة فقط للتعريف بسنترال كوست
وافضل الاماكن وكيف نصل اليها وايضا الاقامة والمطاعم والشوبينج....... الخ

بمناسبة المطاعم .. غالبا مفيش اكل حلال الا مطعم اوبرتو و ناندوز operto, Nando's والمطعمين دول سلسلة مطاعم منتشرة فى كل استراليا
تقدم وجبات من الدجاج (متنوعة) وارز وسلطات غير كده الاسماك والسى فود ويجب ايضا السؤال قبل الطلب اذا كانت الوجبة يدخل فى تكوينها الكحول ام لا .



المكان جميل جدا للمشى وهواؤه منعش حتى لو بعيد عن البيتش لكن الشمس حارقة ويجب وضع صن بلوك عالى الجودة على الاقل spf 35
ولاصحلب البشرة البيضاء spf 50 وخاصة للاطفال

دى صور الممشى




زى ما شايفين الكثافة قليلة الى معتدلة وده ساعدنا جدا على الاستمتاع بالمكان خاصة مع عدم وجود الباعة المتجولين او كافيهات ومطاعم فى الشاطئ او المكان القريب من البحر ..
ابداااا البحر لكل الناس مجانااااااااااا

واكتر مايميز سنترال كوست عن غيرها من مصايف استراليا هو البيلكان او البجع ده



كان فى كل مكان يطير فوق رؤسنا وعلى اعمدة الانارة وفى الشاطئ هههههههههه كانه عصافير وهى طيو اليفة وودودة جدا




اتبعونى

طبعا زى ما قلنا المواصلات متوفرة طول اليوم بمختلف اشكالها ويوجد عدد لا باس به من الفنادق والريزورتس
وجميعا تحتوى على حمامات سباحة وغرف للنوم ومطاعم وجيم واماكن خضراء فسيحة للتمشية

اما بالنسبة للشوبينج فالمحلات متوفرة وبكثرة لتوفير احتياجات المصطافين من ملابس واكسسوارات وادوات سباحة وغطس
وسيرفنج ( ركوب امواج) وركوب دراجات وكذلك ملابس تناسب الجميع

من الرياضات المناسبة لطبيعة المكان : ركوب دراجات .. سباحة .. سيرفنج .. وكذلك السباحة فى الهواء وركوب الباراشوت وطبعا المشى والتاى شى





تبقى معلومة مهمة اخيرة وهى تواجد عدة مراكز طبية ومراكز للاسعافات ممتدة بطول الشارع الموازى للساحل وكذلك اثنان من كبار المستشفيات
ده : مستشفى جوسفورد Gosford Hospital
ومستشفى ويونج wyong Hospital وذلك لتوفير الرعاية الطبية للمرضى وللحالات الطارئة.


اتمنى تكونو استمتعتم

وعليك السلام ورحمة الله

سُعدت جداً كوني أول قارئي الموضوع
بسم الله .. ما شاءالله
مبين علية شط جميل والبحر رااااائع

مشكورة حبيبتي آنابيلا على تعريفنا بشط أستراليا
وبإنتظار تقريرك الثاني يا قمررر
(:

غاليتي .. بعد أذنك سأقوم بتعديل الموضوع
"اضلفة الفواصل الخاصة بالمسابقة "

زيارة كثييير رائعة حبيبتي ...

وشواطئ رااائعة والطيور كثييير حلوة ..

منتظرين المزيد من المشاركات ياغالية ..

محبتي لك

موضوع رائع
مشكورة حبيبتي

مشكورات لمروركم الكريم
الفالحة . om jananno. anfas elfajer
ربنا يسعدكم وماننحرمش من طلتكم الغالية

كتبت بواسطة * الفالحة *

غاليتي .. بعد أذنك سأقوم بتعديل الموضوع
"اضلفة الفواصل الخاصة بالمسابقة "

ياسلام ياست الكل .. دا الركن ركنك واحنا اللى ضيوفك طبعا اعملى ما بدالك وعجبنى جدا الفواصل
الف شكر

​وعليكم السلام ورحمة الله وبركاته

/


ماشاء الله تقرير جميل ومتكامل
بارك الله في جهدكِ يا غالية


.

اهلا ملاك .. نورتى الموضوع