السلام عليكم ورحمة الله وبركاته
ازيكم يا قمررررررااااات...امبارح كان فيه مناسبة خاصة ليا انا وخطيبي وهو قاللي انه هيفاجئني وفعلا اليوم كله كان مفاجااااات محضرهالي وانا من اسبوع اموت واعرف هيوديني فين و هنعمل ايه اليوم ده
من ضمن المفاجات زيارتنا لبرج القاهرة.....انا رحته زمااااااان مع اهلي بس المرة دي غير طبعا.
و.اتغدينا في المطعم الدوار اللي بالدور ال 14=58 في الادوار العادية وكان راااائع....مطولش عليكم عشان متزهأوش مني.....الصور اهه وجمعت معلومات بسيطة عنه من النت...للي من برة مصر يستفيد منها
يصل ارتفاع برج القاهرة إلى 187 متراً، وهو ما يجعله أعلى مبنى في العاصمة المصرية، بل إنه يزيد في ارتفاعه على الهرم الاكبر بنحو 43 متراً.
ويتكون برج القاهرة من 16 طابقاً، وهو يقف على قاعدة من أحجار الجرانيت الأسواني، وهي ذاتها الأحجار التي سبق أن استخدمها المصريون القدماء في بناء معابدهم الأسطورية. ويطل سطح البرج على القاهرة بأكملها، حيث تستغرق رحلة الصعود إلى قمته نحو 45 ثانية، يكون بعدها باستطاعة الزائر أن يستمتع بمشهد بانورامي فريد للقاهرة وأهم معالمها السياحية مثل الأهرامات وقلعة صلاح الدين ومنطقة الأزهر.
الاااااااااااان الصور يا حلوين...طبعا ملحقتش اكتب على الصور اسمي لان عددهم كبير...فاللي ينقل ينقل بامان ة
طبعا اول شيء منظر البرج من الخارج...
عاليمين يوجد كافيتيريا صغيرة وحواليها حديقة جميلة...ده طبعا مش جوة البرج برة
على الشمال شباك التذاكر والمسجد
طبعا دخلنا من المدخل بعدين الاسانسير وعلى المطعم لان كنا جعانين كتيير ههه...دخلنا المطعم الدوار المشهور بالبرج
ويضم البرج عددا من المطاعم السياحية الفاخرة، ربما كان من أهمها “المطعم الدوار” الذي يقع فى الطابق الرابع عشر على ارتفاع 160 متراً، وسمي هذا المطعم بهذا الاسم لأنه يدور حول نقطة ارتكاز تمكن الجالس فيه من رؤية القاهرة من كافة الزوايا، وهو يضم 19 منضدة تتسع كل منها لخمسة أفراد.
المطعم اكمنه على شكل دائري فمعرفتش اخد صورة واضحة ليه
وبعد الغدا طلعنا عالبرج من فوق واترككم مع الصور
ودي الطاولة اللي جلسنا عليها......شوفوا صورت كل شيء مخليييييييييت
الاكل اللي طلبناه......عارفة انه مالوش دعوة بقسم السياحة بس عشان اعيشكم الجو..اتفضلوا معانا
ماشاء الله لاقوة الا بالله
طبعا خبز مشكل بكل الانواع كان سخن وطازة من الفرن عليك على طول
ومع الخبز زبدة 
طلبنا شوربة نسيت اصورها 
وده ال main course...صدور دجاج مشوية بصوص المشروم و ارز بسمتي وخضار سوتيه
**زيارتي لبرج القاهرة **صور من موبايلي** [جولة ممتعة]
رد مع الاستدلال
الروابط المفضلة