السلام عليكم ورحمة الله وبركاته :
في الماضي كنا نصيف في المملكه وطبعا بفضل الله ومنته نعتمر ...
وكنا نتجول في مدن السعوديه أبها - الباحه- الطايف - تبوك- الشرقيه- جدة
بلجرشي - خميس مشيط- الرياض -بريده- القصيم- حفر الباطن....الخ
ولكل مدينه مميزاتها
فأصدقاء زوجي مدحوا له ماليزيا وبالغوا بالمدح بأنها دوله اسلاميه و..و..و...الخ
فبعد الاستخاره والتوكل على الله واستشارة من سافر إليها والدخول إلى النت
وجمع المعلومات حجزنا التذاكر والفنادق ورسمنا البرنامج
وتوكلنا على الله وسافرنا ...
------------------
من المطار إلى منتجع أفاموسا.... الجو رطب جدا ... وسكنا بالفلل مع حمام
سباحه خاص به (( نفس استراحات السعوديه مع اختلاف الجو )... تجولنا بالمنتجع
ثم أخذنا باص المنتجع (( بنانا اترك)) إلى سفاري حديقة حيوان فيها عروض
الكاوبوي وعروض الفيله ومن ثم إلى صيد السمك ومن ثم إلى ملاهي الكاوبوي
ماأدري ليش بالغوا بالوصف والمدح كل شي عادي وملاهي الكاوبوي هناك فتيات
عند الباب يرقصن وشباب عرب يرقصون معهن ...يعني مسخره في مسخره...
طبعا رجعنا مصدومين لأن المبالغه الزائده أعطتج تصور خيالي واهوا عادي ...
ردينا السكن نبي نسمع آذان نبي نشوف مسجد مافي ... زوجي طق صحبه مع
مترجم المنتجع واهوا بنغالي يدرس ماجستير شريعه بجامعة ماليزيا .. فمسكه
زوجي وقاله وين المساجد آنا جدا متضايق لأني لم أسمع الآذان لحد الآن بما
أن ماليزيا دوله اسلاميه ليش مافي مساجد...فرد عليه وقاله أكثر التجار إللي
يملكون المنتجعات والفنادق شاينا أو هندوس ... فقاله زوجي ليش ماتطلبون
منهم يبنون مسجد مادام السواح أكثرهم مسلمين ... رد: محد طلب ...
فطلب منه زوجي ان يقابل مالك المنتجع أو المدير أو المسؤول .....
فجلس زوجي مع المدير وهو صيني بوذي ويكلمه والمترجم البنغالي يترجم
فقال الصيني : أشكرك جدا جدا لأن محد طلب مسجد وآنا أقدرك واحترمك
على مبادرتك ... لأن زوجي قاله إذا وافقت راح أجمع تبرعات إنت تدفع النص
واحنا النص ونصرف على الإمام إللي راح يصلي فيه ...
فقاله عطني فرصه وراح أدزلك الموافقه على الإيميل ..
بصراحه شعب نظيف وأمين بس مايعرف عن الإسلام شي غير الصلاة
طلعنا من أفاموزا أو أفاموسا ورحنا صن وي لاغون ...
يتبع في وقت لاحق
رد مع الاستدلال
كتبت بواسطة السلطانة
الروابط المفضلة